Dagblaðið Vísir - DV - 29.04.2014, Side 10

Vikublað 29. apríl–1. maí 201410 Fréttir
Aðstoðarmaður
fór skyndilega
Margrét Gísladóttir færð frá utanríkisráðherra í sérverkefni hjá forsætisráðuneytinu
S
igmundur Davíð Gunn­
laugsson forsætisráðherra
hefur fengið aðstoðarmann
utanríkisráðherra lánaðan
yfir í sitt ráðuneyti. Margrét
Gísladóttir, aðstoðarmaður Gunnars
Braga Sveinssonar utanríkis­
ráðherra, var færð yfir í tímabund­
in sérverkefni á sviði upplýsinga­
mála hjá forsætisráðuneytinu fyrir
um mánuði. DV fékk misvísandi svör
varðandi hversu lengi Margrét verð­
ur hjá forsætisráðuneytinu. Sigurður
Már Jónsson, upplýsingafulltrúi
ráðuneytisins, segist ekki vita hversu
lengi Margrét muni starfa hjá for­
sætisráðuneytinu. Sjálf segir Margrét
að verkefnið sé til tveggja mánaða.
Þá tekur hún sérstaklega fram að
hún sé ekki hætt sem aðstoðarmað­
ur Gunnars Braga heldur sé hún „í
láni“ hjá forsætisráðuneytinu þenn­
an tíma. Viðmælandi DV, sem starf­
að hefur innan stjórnsýslunnar seg­
ir þetta dæmi um „mjög furðulega
stjórnsýslu.“
Mjög óvanalegt
Óvanalegt er að aðstoðarmenn ráð­
herra séu færðir yfir í sérverkefni
hjá öðru ráðuneyti. Eftir því sem DV
kemst næst eru engin nýleg dæmi
um slíkt. Heimildir DV herma að ein
af ástæðunum fyrir tilfærslunni hafi
verið samskiptaerfiðleikar Margrétar
og Gunnars Braga. Þessu neitar Mar­
grét en hún vill meina að um „fráleit­
ar ásakanir“ sé að ræða: „Það hafa
ekki orðið samskiptaárekstrar milli
mín og Gunnars Braga […] Við Gunn­
ar Bragi vinnum mjög vel saman. Ég
var fengin í tímabundið sérverkefni
á sviði upplýsingamála, til tveggja
mánaða. Minn bakgrunnur er í al­
mannatengslum og því þótti kjörið
að ég tæki slíkt að mér.“ Stuttu eftir
að Margrét hafði svarað DV hringdi
Jóhann Þór Skúlason, aðstoðarmað­
ur forsætisráðherra, í blaðamann til
þess að ítreka að ekkert væri hæft í
því að hún hefði verið færð til í starfi
vegna samskiptaárekstra.
„Ekki ráðin hingað inn“
Gunnar Bragi vildi ekki tjá sig um
málið þegar DV hafði samband við
hann en vísaði í það að Margrét hefði
svarað fyrirspurn blaðamanns. Að­
spurð hvaða verkefnum hún sinni ná­
kvæmlega hjá forsætisráðuneytinu
segir Margrét: „Þetta snýr að breytt­
um verkferlum í kringum upplýsinga­
gjöf, bæði innri og ytri.“
Aðstoðarmenn ráðherra eru póli­
tískt ráðnir og því ekki eins og hefð­
bundnir starfsmenn stjórnarráðsins
sem hægt er að flytja á milli verkefna
og ráðuneyta.
Blaðamaður veltir því upp hvort
ekki megi líta svo á að Margrét sé
aðstoðarmaður forsætisráðherra á
meðan hún starfar fyrir ráðuneytið.
Margrét segir svo ekki vera: „Nei, ég
er ennþá aðstoðarmaður utanríkis­
ráðherra, í láni í tímabundnu sér­
verkefni í forsætisráðuneytinu.“ Það
sé ekki rétt skilið að líta megi á hana
sem aðstoðarmann forsætisráðherra
enda hafi hún ekki verið ráðin til
starfa: „Aðstoðarmenn eru sérstak­
lega ráðnir. Ég er ekki ráðin hing­
að inn og alls ekki ráðin inn sem að­
stoðarmaður, heldur er ég einungis
að sinna þessu verkefni og hef aðset­
ur til þess hér.“
Aðspurð hvort hún geti sinnt hlut­
verki sínu sem aðstoðarmaður utan­
ríkisráðherra á meðan hún starfar í
forsætisráðuneytinu segir Margrét:
„Á meðan ég er í þessu verkefni sinn­
ir Sunna Gunnars Marteinsdóttir,
annar aðstoðarmaður Gunnars
Braga, daglegum verkefnum að­
stoðarmanns utanríkisráðherra.“ Af
svörunum að dæma fæst ekki betur
séð en að Margrét starfi frítt fyrir for­
sætisráðuneytið á meðan hún þigg­
ur áfram laun fyrir starf sitt sem að­
stoðarmaður utanríkisráðherra, sem
hún getur þó ekki sinnt meðan á
„sérverkefninu“ stendur.
Óljóst hve lengi
Ólíkt Margréti segir Sigurður Már
Jónsson algjörlega óljóst hversu lengi
Margrét muni starfa fyrir ráðuneytið.
Hann segir starf hennar þar felast í því
að sinna samskiptum við þingið og
upplýsingamálum almennt. Verið sé
að fara yfir verkferla þegar kemur að
upplýsingamálum hjá forsætisráðu­
neytinu. „Það fer nú að líða að þing­
lokum og menn vilja hafa ákveðið
svigrúm til þess að þungi vinnunnar
geti verið að færast til, á milli deilda,
eða á milli ráðuneyta, eftir því hvern­
ig það er.“
Þá spyr hann blaðamann hvort
honum finnist slíkt óeðlilegt: „Þannig
að finnst þér óeðlilegt að það sé eitt­
hvað svigrúm til þess að flytja fólk á
milli þar sem menn vilja skerpa á ein­
hverjum þáttum eða eru tímabundin
verkefni á borðinu?“
Aðspurður hvers vegna aðstoðar­
maður utanríkisráðherra hafi verið
fenginn í þetta verkefni frekar en
einhver annar svarar Sigurður með
annarri spurningu: „Frekar en ein­
hver annar hver?“
Þekkir engin fordæmi
Þegar blaðamaður ítrekar spurn­
ingu sína og spyr hvort það séu ein­
hverjar sérstakar ástæður fyrir því
að aðstoðarmaður utanríkisráð­
herra hafi verið fenginn í sérverkefni
hjá forsætisráðuneytinu segir Sig­
urður svo ekki vera: „Það þótti bara
falla að vinnulagi á báðum stöðum,
það var nú svona áhugi á að skerpa
á ákveðnum þáttum og þetta hentaði
á báðum stöðum.“ Aðspurður hvort
fordæmi séu fyrir því að aðstoðar­
maður ráðherra sé færður til að starfa
tímabundið í öðru ráðuneyti segist
Sigurður telja að fyrir því séu for­
dæmi. Þegar hann er síðar beðinn um
að nefna dæmi segist ekki hann ekki
þekkja nein slík.
Sigurður Már er ekki eins af­
dráttarlaus og Margrét þegar hann
er spurður út í hvort ekki megi líta
þannig á að nú sinni hún starfi að­
stoðarmanns forsætisráðherra: „Já,
ég veit það nú kannski ekki, hún hef­
ur auðvitað starfsstöð hér að neðan,
en af verkefnunum að dæma þá er
það nú kannski ekki þannig.“ Fyrir
er Sigmundur Davíð Gunnlaugsson
forsætisráðherra með tvo aðstoðar­
menn, þá Jóhanns Þór Skúlason og
Ásmund Einarsson, þingmann Fram­
sóknarflokksins, en hann þiggur ekki
laun fyrir starfið.
Leiddist á fundi í Balí
Margrét Gísladóttir var ráðin að­
stoðarmaður Gunnars Braga í maí í
fyrra. Hún er „Skagfirðingur í húð og
hár“ eins og segir á vefsíðu skagfirska
fréttablaðsins Feykis, dóttir séra Gísla
Gunnarssonar og Þuríðar Þorbergs­
dóttur frá Glaumbæ. Sem kunnugt er
þá er Gunnar Bragi Sveinsson einnig
Skagfirðingur og er fyrsti maður á
lista Framsóknarflokksins í Norð­
vesturkjördæmi.
Það vakti nokkra athygli meðal
kunnugra í desember í fyrra þegar
Margrét Gísladóttir setti inn Twitter­
færslur frá ráðherrafundi á vegum
Alþjóðaviðskiptastofnunar sem hún
sat á Balí í Indónesíu. Á fundinum
var meðal annars gerður samningur
um tollamál á milli aðildarríkja stofn­
unarinnar.
Í Twitter­færslunni sagði Margrét:
„Hér sit ég að ræða gjaldeyrishöft,
verðtryggingu og skuldaleiðréttingu
við Belga, Dana, Mauritusbúa og
Indónesíumann #FML #ishouldgeta­
medal.“ Færsluna setti Margrét inn á
sína eigin Twitter­síðu en einnig síðu
sem ber yfirskriftina „I should get a
medal“ en inn á þá síðustu hafa ýms­
ir Twitter­notendur sett færslur sem
lýsa einhverju sem þeim þykir leiðin­
legt, svo leiðinlegt að þeir segja í gríni
að þeir ættu að fá viðurkenningu fyrir
að gera viðkomandi hlut. n
Jón Bjarki Magnússon
jonbjarki@dv.is
Fær aðstoð Ráðuneyti Sigmundar Davíðs Gunnlaugssonar forsætisráðherra fær sérstaka
aðstoð frá aðstoðarmanni utanríkisráðherra nú um stundir.
Í láni Margrét Gísla-
dóttir, aðstoðarmaður
utanríkisráðherra, segist
vera í láni hjá forsætis-
ráðuneytinu til þess að
sinna sérverkefnum á
sviði upplýsingamála. „Það hafa
ekki orðið
samskipta-
árekstrar milli mín
og Gunnars Braga