Dagblaðið Vísir - DV - 09.05.2014, Blaðsíða 62

Helgarblað 9.–12. maí 201462 Fólk
„Svo nálægt sviðinu að
ég gat komið við það“
Íslendingar á fremsta bekk í Eurovision trylltust af gleði þegar Ísland komst áfram
V
ið trylltumst algjörlega úr
gleði,“ segir Agla Friðjóns­
dóttir, verkfræðingur hjá
Icelandair, eigandi Sho­
jungle.is og sannkallað
Eurovision­nörd um það hvern­
ig það var að sjá Ísland komast
í úrslitakeppni Eurovision. Hún
er í Kaupmannahöfn með vina­
hóp sínum, þeim Jón Cleon, Lóu
Fatou Einarsdóttur, Lárusi Guðjóni
Lúðvígssyni, Katrínu Ýri Magnús­
dóttur og Ármanni Árnassyni, sem
öll fylgjast vel og vandlega með
keppninni.
Um er að ræða sanna aðdáendur
sem eru meðlimir í evrópsku aðdá­
endasamtökum keppninnar. Flest
keyptu þau miða á alla viðburði,
það er að segja öll dómararennsli,
undankeppnirnar tvær og svo auð­
vitað á úrslitin á laugardagskvöld.
„Þetta hefur verið alveg ótrúlega
skemmtilegt. Við ákváðum strax
eftir að úrslitin voru ljós í fyrra að
fara í ár,“ segir Agla en hópurinn býr
svo vel að fá gistingu hjá félögum
sínum búsettum í Kaupmannahöfn
og eru þau öll í flatsæng í lítilli íbúð.
Hittu Óttar í flugvélinni
Fjölmargir Íslendingar eru búsett­
ir í Kaupmannahöfn en að auki eru
margir sem hafa ákveðið að fara og
fylgjast með keppninni. Borgin iðar
öll af lífi og Eurovision­stemningin
er í algleymingi. Hópurinn hef­
ur verið heppinn og hitti íslenska
hópinn strax á kaffihúsi í Kaup­
mannahöfn fyrir ótrúlega tilviljun.
„Þetta byrjaði reyndar á því að við
flugum út með Óttari Proppé,“ segir
Agla og hófst þar með Eurovision­
ævintýrið með hvelli. „Þetta popp­
ar allt upp hvar sem við förum.“
Sat við sviðið
„Ég stóð svo nálægt sviðinu að ég
gat komið við það,“ segir Agla, en
þau fengu að vera með öðrum úr
evrópska aðdáendaklúbbnum og
nutu góðs af því. „Við vildum sjá
Ísland tvisvar á sviðinu svo við
fórum á dómararennslið fyrir
undankeppnina. Svo stóðum við
í salnum á sjálfri keppninni og
fylgdumst með. Við ákváðum
að klæða okkur í „pollapönks­
litina“ og ætlum að vera enn flott­
ari á sjálfri úrslitakeppninni,“ seg­
ir Agla sem var búin að afskrifa að
Pollapönk kæmist upp úr riðlinum
á þriðjudagskvöldið. „Ég hélt að
það yrði Moldóva sem kæmi upp
úr síðasta umslaginu, ég viður­
kenni það. Þetta var bæði óvænt
og skemmtilegt. Eftir að Pollapönk
kom svo aftur á sviðið og fagnaði
þessu þá hlupu þeir til okkar.“
Hitti Frakkana
Agla segist sérstaklega hrifin af
franska laginu í keppninni. „Ég var
búin að ákveða að markmið keppn­
innar væri að fá mynd af mér með
franska söngvaranum. „Það tókst,“
segir hún en hópurinn rambaði
inn á kaffihús í Kaupmannahöfn
og hitti þar fyrir franska liðið. „Þau
voru þarna að spila, bara á ein­
hverju pínu litlu kaffihúsi. „Þeir
tóku svo „selfie“ yfir salinn og
þar erum við öll á myndinni,“
segir hún.
Skulda partí
Eini ókosturinn við ferðalag þeirra
er að Agla og vinkona hennar, Lóa
Fatou, halda árlega Eurovision­
teiti sem sögur fara af en eðli
málsins samkvæmt geta þær ekki
gert það í ár. Vinum þeirra finnst
þeir illa sviknir en Agla segir að
vinkona þeirra ætli að hlaupa í
skarðið í ár og sjá um skemmtana­
höldin. „Já, þeim fannst við ekki
hugsa nógu vel um þá,“ segir Agla
og hlær. Hún spáir Svíþjóð sigri,
en segist hrifin af framlagi Frakk­
lands. „Ég vil að Frakkland vinni
en veit að það er því miður ekki að
fara að gerast – júrópólitíkin,“ segir
hún og bendir á að Frakkland hafi
ekki riðið feitum hesti frá keppninni
undanfarin ár. Hún segir meðbyr­
inn vera með sænska laginu og telur
líklegt að það geti reynst sigursælt.
„Mér hefur aldrei fundist svona
erfitt að spá, það getur allt gerst!“ n
„Þetta
poppar
allt upp hvar
sem við förum
Ásta Sigrún Magnúsdóttir
astasigrun@dv.is
Áhugakona Agla er áhugasöm um
Eurovison. Hún er hrifin af franska
laginu en heldur að það sænska hafi
sigur úr býtum.
Á svæðinu Hópurinn mættur til Köben.
Með frökkunum Hér sjást þær Katrín,
Agla og Fatou með frönsku keppendunum.
Í Eurovision-ljóma
Agla er hér fyrir miðju,
beint fyrir aftan frönsku
söngvarana. Hún hitti þá
fyrir tilviljun á litlu kaffi-
húsi í Kaupmannahöfn.
Myndir AglA FriðjÓnSdÓttir
Yesmine
fæddi dreng
Sjónvarpskokkurinn, dansarinn
og söngkonan Yesmine Olsson
og eiginmaður hennar, tónlistar­
maðurinn Arngrímur Fannar
Haraldsson, betur þekktur sem
Addi Fannar úr Skítamóral, eign­
uðust sitt annað barn á dögun­
um. Hjónakornin, sem eiga fyrir
dótturina Ronju Ísabel auk þess
sem Addi Fannar á unglings­
dreng af fyrra sambandi, eignuð­
ust lítinn, fallegan og hárprúðan
dreng.
Sjónvarpsþættir Yesmine,
Framandi og freistandi, vöktu
mikla athygli þegar þeir voru
sýndir í sjónvarpinu en nýlega
var farið að sýna þættina í Finn­
landi og í Svíþjóð.
Fékk gamalt
númer Euro-
vision-fara
Silja Bára Ómarsdóttir, stjórn­
málafræðingur og aðjunkt við
Háskóla Íslands, lenti í dálitlu
veseni fyrir nokkrum árum þegar
hún fékk sér nýtt símanúmer.
Silja fékk þá nýtt númer sem
vildi svo til að var áður skráð á
rokkarann og Eurovision­farann
Heiðar Örn Kristjánsson og var
Silja sífellt að fá símtöl sem ætluð
voru honum.
Silja gantaðist með atvikið
á Facebook­síðu sinni: „Þótt ég
samgleðjist alveg öllum sem
fylgjast með Júróvisjón, þá er ég
kátust yfir því að hann virðist á
einhverjum tímapunkti hafa látið
fólk vita af breyttu númeri. Ég
fékk símtöl sem voru til hans í
svona fimm ár.“
Góð hugmynd
að skila saursýni
Hildur Lilliendahl Viggósdóttir
er ein margra sem segist ósátt
við það að björgunarsveitir safni
lífsýnum fyrir Decode og finnst
það prýðileg hugmynd að skila
þeim saursýni í staðinn. „Viðar
Þorsteins sagðist ætla að skila
saursýni. Mér finnst það prýðileg
hugmynd,“ segir hún á Facebook
og bætir við: „Mér finnst þetta
vafasamt og skrítið og sjúklega
frekt og innrás og manipúlasjón
og óþægilegt og bara allt sem er
vont í heiminum.“