Dagblaðið Vísir - DV - 09.05.2014, Blaðsíða 2

Helgarblað 9.–12. maí 20142 Fréttir
50% afsláttur af nammibarnum
alla föstudaga og laugardaga
Ódýrasti
ísinn í
hverfinu!
Söluturn
Ísbúð
Vídeóleiga
Réttarholtsvegi 1 • 108 Reykjavík • Sími 553 5424
Kúlan
KÚLAN KLIKKAR EKKI
S
kagfirski karlakórinn
Heimir mun syngja þjóð­
sönginn á Austurvelli 17.
júní næstkomandi. Um­
talsverður kostnaður fylgir
því að flytja sextíu manna kórinn
til höfuðborgarinnar og mun for­
sætisráðuneytið greiða allan þann
aukakostnað. Upphæðin, umfram
venjulegan kostnað, nemur um
hálfri milljón króna.
Síðastliðin ár hefur ríkið borg­
að kórum tvö hundruð þúsund
krónur fyrir flutninginn en í ár er
upphæðin nærri fjórfalt hærri, sjö
hundruð þúsund krónur. Þar til
ársins 2011 var þó hefð fyrir því að
karlakórar tækju að sér verkefnið
greiðslulaust. Er þetta í fyrsta skipti
sem karlakór af landsbyggðinni er
fluttur til Reykjavíkur gagngert til
flytja þjóðsönginn á þjóðhátíðar­
daginn.
Segir ekkert óeðlilegt við kostnað
„Já, það er meiningin að við syngjum,“
segir Gísli Árnason, formaður karla­
kórsins Heimis, í samtali við DV og
staðfestir með því að kórinn muni
flytja Ó guð vors lands á Austur­
velli eftir rúman mánuð. Hann seg­
ir þó ekkert óeðlilegt við kostnaðinn
sem fylgi komu kórsins og muni falla
á ríkis sjóð. „Mér er sagt að kórar hafi
fengið ákveðna þóknun fyrir að gera
þetta á 17. júní. Það hefur alltaf verið
þannig að þetta væru kórar sem eru á
svæðinu, en þetta er náttúrlega ferða­
kostnaður hjá okkur. Það kostar tals­
vert að flytja sextíu karla norðan úr
landi. Það er ekkert annað óeðlilegt að
bak við þetta, nema bara ferðakostn­
aðurinn,“ segir Gísli.
Kórum greitt frá 2011
„Já, það er náttúrlega dýrt að flytja sex­
tíu manna kór þvert yfir landið,“ segir
Benóný Ægisson, verkefnisstjóri þjóð­
hátíðarhaldanna, í samtali við DV. Að
hans sögn hafi kórum verið greitt fyr­
ir að flytja þjóðsönginn síðan viðburð­
ir við Austurvöll á 17. júní urðu ríkis­
athöfn í stað borgarathafnar árið 2011.
„Það voru til skiptis yfirleitt Karlakór
Reykjavíkur og Fóstbræður sem tóku
þetta að sér. Kvennakórinn kom svo
inn í þetta á tímabili. Eftir að þetta
varð ríkisathöfn í stað borgarathafn­
ar þá hefur þetta breyst nokkuð. Við
höfum verið með barnaskór frá Kópa­
vogi og Hamrahlíðarkórinn þannig að
þetta er breytt umhverfi,“ segir hann.
„Auka fjárveiting frá
forsætisráðuneytinu“
Aðspurður svarar Benóný því neitandi
að kostnaður vegna kórsins sé svipað­
ur og á síðastliðnum árum. Segir hann
að ferðakostnaður í tengslum við
komu kórsins til Reykjavíkur verði um
fimm hundruð þúsund krónur auk
hefðbundnari tvö hundruð þúsunda
króna þóknun. „Nei, við erum náttúr­
lega að greiða fyrir ferðir og fæði fyrir
kórinn. Það kemur auka fjárveiting
frá forsætisráðuneytinu í það,“ segir
Benóný. Að hans var ákvörðunin tek­
in í samstarfsnefnd Alþingis, stjórn­
arráðsins, og framkvæmda aðilanna.
„Reykjavíkurborg sér um þetta fyrir
forsætisráðuneytið og Alþingi. Við
erum rótarar,“ segir Benóný. Þrátt
fyrir ítrekaðar tilraunir náðist ekki í
fulltrúa forsætisráðuneytisins í sam­
starfsnefndinni við vinnslu fréttar. Af
orðum Benonýs er ljóst að um er að
ræða pólitíska ákvörðun sem fyrst
og fremst er tekin af framkvæmda­
valdinu. n
n Skagfirskur kór flytur þjóðsönginn á 17. júní n Kostnaður 700 þúsund„Kostar
talsvert
að flytja sextíu
karla norðan
úr landi
Hjálmar Friðriksson
hjalmar@dv.is
Forsætisráðuneytið
borgar fyrir karlakór
Karlakórinn Heimir Þónokkur aukakostnaður
fylgir því að flytja skagfirska kórinn til höfuð-
staðarins vegna hátíðarhalda á 17. júní. mynd HoF.iS
16 ára kærði
hópnauðgun
Vísir greindi frá því á fimmtu­
dag að fimm drengir hefðu verið
leiddir fyrir dómara, vegna ásak­
ana um hópnauðgun. Hún á
að hafa átt sér stað í Breiðholti
aðfaranótt sunnudags, en all­
ir drengirnir eru undir átján ára
aldri. Samkvæmt heimildum
Vísis kærði fórnarlambið, 16 ára
menntaskólastúlka, árásina á
miðvikudag. Lögregla fór fram á
gæsluvarðhald í viku yfir piltun­
um, en dómari gaf sér frest til
föstudagsmorguns til að ákveða
hvort hann yrði við kröfunni.
Drengirnir voru því í haldi nætur­
langt hið minnsta, frá fimmtu­
degi til föstudags.
Dæmdur í
ársfangelsi
Gunnar Þ. Andersen, fyrrver­
andi forstjóri FME, hefur verið
dæmdur í ársfangelsi fyrir brot á
þagnarskyldu. Hann hafði áður
verið dæmdur í Héraðsdómi
Reykjarvíkur en dómnum var
áfrýjað. Þar var hann dæmdur
til greiðslu tveggja milljóna sekt­
ar, en Hæstiréttur breytti þeim
dómi. Fangelsisvistin er skilorðs­
bundin til tveggja ára. Gunnar
er sakfelldur fyrir að hafa komið
gögnum um kaup Landsbankans
á Bogmanninum, félagi Guðlaugs
Þórs Þórðarsonar alþingismanns,
til DV. Taldi dómurinn það hafa
verið gert til þess að koma höggi
á Guðlaug Þór, sem Gunnar taldi
sig eiga sökótt við.
Ó
lafur Arnarson, hagfræðingur
og fjölmiðlamaður, segir að
„kerfið“ hafi slegið „skjald­
borg“ um seðlabankastjórana
sem stýrðu Seðlabanka Íslands um
haustið 2008. Þetta kemur fram í bók
hans, Skuggi sólkonungs: Er Davíð
Oddsson dýrasti maður lýðveldis­
ins?, sem kemur út í dag, föstudag.
Í bókinni fjallar Ólafur um feril
Davíðs Oddssonar síðustu árin.
Meðal þess sem fjallað er um í
bókinni er af hverju ákæruvaldið á
Íslandi ákvað að höfða ekki saka­
málarannsókn á hendur Davíð
Oddssyni eftir íslenska efnahags­
hrunið árið 2008. Rannsóknarnefnd
Alþingis taldi Davíð Oddsson hafa
gerst sekan um vanrækslu í starfi
sínu í Seðlabanka Íslands. Orðrétt
segir um þetta í bókinni: „Ekki leið
þó á löngu eftir að skýrsla rann­
sóknarnefndar Alþingis birtist
vorið 2010 áður en Björn Bergsson,
settur ríkissaksóknari, sem settur
hafði verið til að fara yfir mögulegar
forsendur fyrir sakamálarannsókn
á hendur seðlabankastjórum, lýsti
því yfir að hann teldi ekki ástæðu til
að hefja sakarannsókn á grundvelli
þeirra vanrækslusynda, sem rann­
sóknarnefnd Alþingis hafði komist
að raun um að seðlabankastjórar
væru sekir um.“
Ólafur dregur svo ályktun af
þeirri staðreynd að ákveðið hafi ver­
ið að hefja ekki sakamálarannsókn
á hendur Davíð og segir: „Þannig
virðist kerfið hafa slegið upp þeirri
skjaldborg, sem aldrei var slegin um
heimilin í landinu. Kerfið sló upp
skjaldborg um seðlabankastjórana,
sem settu Seðlabankann á haus­
inn einan seðlabanka í heiminum í
bankahruninu 2008.“ n ingi@dv.is
Segir kerfið hafa varið Davíð
Bók Ólafs Arnarsonar um davíð oddsson kemur út í dag
„Skjaldborg“ um davíð Ólafur Arnar-
son segir í bókinni að „kerfið“ á Íslandi hafi
slegið „skjaldborg“ um Davíð vegna meintra
brota hans í starfi í Seðlabanka Íslands.