Dagblaðið Vísir - DV - 09.05.2014, Blaðsíða 34

Helgarblað 9.–12. maí 201434 Fólk Viðtal
H
araldur Gíslason lagði ung­
ur fyrir sig tónlistina og náði
langt á stuttum tíma. Þegar
hann ætlaði svo að safna
sér fyrir heimsfrægðinni,
sótti hann um vinnu á leikskóla þar
sem mamma hans vann og ílengd­
ist þar. Í hruninu vildi Halli, eins og
hann er alltaf kallaður, láta til sín
taka og berjast fyrir réttindum og
kjörum leikskólakennara sem hann
taldi vera fótum troðin. Á laugar­
dagskvöldið stendur hann svo á
sviði í Kaupmannahöfn sem fulltrúi
Íslands í Eurovision.
Botnleðjuævintýrið
Haraldur var uppátækjasamur að
eigin sögn, orkumikill og mikill grall­
ari. Þeir Halli og Heiðar Örn Krist­
jánsson stofnuðu hljómsveitina
Botnleðju þrátt fyrir að hafa litla sem
enga kunnáttu á hljóðfæri þegar þeir
voru ungir menn í menntaskóla.
Haraldur og Heiðar kynntust í Flens­
borgarskólanum í Hafnarfirði. Þeir
nýttu frímínútur skólans vel í bílskúr
foreldra Halla og kenndu sjálfum sér
að verða tónlistarmenn. Þar lærðu
þeir saman að spila á hljóðfærin og
semja tónlistina. Þeir voru því sann­
kallað bílskúrsband. Auk Heiðars
og Haraldar var Ragnar Steinsson
á bassa í sveitinni, en Halli spilaði
á trommur og Heiðar á gítar. „Við
æfðum og æfðum og smám saman
fór að heyrast tónlist úr skúrnum
en ekki einhver óhljóð,“ sagði Halli í
viðtali við DV árið 2011.
Unnu Músíktilraunir
Það var svo árið 1995 sem Botnleðja
vann Músíktilraunir og hlutirnir fóru
að gerast. Aðeins tveimur árum síð­
ar var hljómsveitin farin að ferðast
um Bretland með bresku hljóm­
sveitinni Blur sem þá var heims­
fræg. Forsprakki Blur var einmitt Ís­
landsvinurinn Damon Albarn sem
var tíður gestur hér á landi á þess­
um tíma. Eftir ferðalagið með Blur
ferðaðist sveitin um heiminn með
mörgum hljómsveitum og gerði
það gott. Í viðtali við DV árið 2011
gerði Halli upp ævintýrið og sagði
það hafa verið mikið. Þeir gerðu
það afar gott. „Þetta var stórkostleg
reynsla og mikið ævintýri en okkur
fannst þetta allt saman svo eðlilegt.“
Hann sagðist vera virkilega stoltur
af afrekum þeirra Botnleðjufélaga.
Þeir skemmtu sér á ferðalögunum
en vönduðu sig og voru varkárir að
missa sig ekki í rokkstjörnulíferninu
svokallaða. „En það var ekkert vesen
á okkur og við höfðum mikinn metn­
að. Enda nærðu ekki árangri í neinu
ef þú ert á hvolfi,“ sagði Halli og benti
á að þeir hefðu haft hemil á sér og
gætt þess að fara til dæmis aldrei
drukknir á svið.
Afþakkaði Coldplay
Í kringum síðustu aldamót var Har­
aldi boðið að verða trommuleikari
bresku hljómsveitarinnar Coldplay.
Botnleðja var þá enn í fullu fjöri, en
frægðarsól Coldplay var nýtekin að
rísa. Í dag er Coldplay, sem kunnugt
er, ein frægasta hljómsveit heims.
Halli afþakkaði boðið eftir um­
hugsun en segist ekki sjá eftir neinu
í dag. Sagan var rifjuð upp og endur­
sögð í fyrra fyrir auglýsingu hjá sím­
anum sem vakti mikla athygli. Í aug­
lýsingunni var skoðað hvað hefði
gerst ef Halli hefði orðið trommari
sveitarinnar og lagið Þið eruð frábær,
eitt frægasta lag Botnleðju, endurút­
sett í anda Coldplay.
„Þetta er auðvitað sönn saga úr
mínu lífi og ég er gríðarlega sáttur
við þá ákvörðun sem ég tók á sín­
um tíma. Ég hefði ekki viljað vera í
þessari hljómsveit og er mjög sáttur
við lífið. Fyrsta platan þeirra var
ágæt en það sem hefur fylgt í kjöl­
farið hefur ekki verið minn tebolli.
Þeir sendu mér bréf og buðu mér að
spila með sér á tónleikaferðalagi. Ég
fékk demó frá þeim sem mér hreif
mig alls ekki þannig að ég sagði nei.
Ég sé ekki eftir því,“ sagði Halli í við­
tali við Vísi í fyrra en auglýsing vakti
mikla lukku.
Ætlaði að safna sér pening
Það eru að verða fimmtán ár síð­
an Halli ákvað að sækja um vinnu
á leikskóla og safna sér aurum fyrir
frægðinni. Hann talaði við móður
sína sem vann á leikskólanum
Hörðuvöllum í Hafnarfirði og bað
hana um að aðstoða sig. Hún sagði
honum að sækja um og þar störfuðu
þau saman um hríð. Halli heillaðist
af starfinu, en segir það hafa verið
frekar vonlaust að ætla að safna sér
peningum með því að starfa á leik­
skóla. Eftir hrun vildi hann láta í sér
heyra og sóttist eftir því að verða for­
maður Félags leikskólakennara. „Ég
fékk svo sannarlega nóg og reiddist,“
sagði Halli. Hann leiddi kennara
í gegnum harða kjarabaráttu árið
2011 og nú stefnir í annan harðan
slag – eftir Eurovision.
Bræðurnir bralla saman
Þegar Haraldur var í Kennaraháskól­
anum, með Heiðari, vildu þeir gera
skapandi og skemmtilegt lokaver­
kefni. Árið 2009 sendu þeir Heiðar
frá sér plötuna Pollapönk sem sló
rækilega í gegn meðal barna og full­
orðinna. Sveitina skipuðu þeir tveir,
en til liðs við þá komu Arnar Gísla­
son, Addi bróðir Halla, og Guðni
Finnsson. Textar sveitarinnar vöktu
mikla athygli og þar léku þeir sér með
samfélagsrýni. Árið 2014 dró svo aft­
ur til tíðinda þegar sveitin ákvað að
reyna fyrir sér í Eurovision og tók
þátt í Söngvakeppni Sjónvarpsins.
Þetta var raunar ekki í fyrsta sinn en
áður hafði Botnleðja reynt hið sama
með laginu Eurovísa árið 2003. Þeir
lutu lægra haldi fyrir Birgittu Hauk­
dal í keppninni það árið en hún fór
og keppti fyrir Íslands hönd í Riga og
hafnaði í áttunda sæti.
Unnu hjarta þjóðarinnar
Pollapönk söng sig nú inn í hjörtu
landsmanna, kom sá og sigraði í
Söngvakeppninni, sem kunnugt
er. Þeir keppa svo til úrslita í Euro­
vison í Kaupmannahöfn á laugar­
dag eftir að hafa fengið brautar­
gengi í undankeppninni síðastliðinn
þriðjudag. Þetta kom flatt upp á
marga enda hafði sveitinni ekki
verið spáð góðu gengi, en svo virð­
ist sem sjarmi og gleði sem fylgir
sveitinni hafi náð að tengja vel
við aðrar Evrópuþjóðir svo ekki sé
minnst á fallegan boðskap þeirra. n
astasigrun@dv.is
Úr bílskúr í baráttu
Botnleðju en mig vantaði
smá vasapeninga fyrir
flugfarinu út,“ segir hann
og brosir út í annað. „Ég
ætlaði að stoppa stutt en
heillaðist af starfinu. Mér
gekk vel og það átti vel
við mig. Þegar foreldr­
ar, sem mér fannst þá
þegar ég var nýskriðinn
yfir tvítugt, ævaforn
gamal menni, voru far­
in að leita að kennslu­
ráðum hjá dreng sem
ári áður hafði haft þá
einu ábyrgð að vakna
fyrir hádegi, þá fann ég að mig lang­
aði að standa mig og standa undir
ábyrgðinni. Ég fór svo að hafa áhuga
á fræðilegum hluta starfsins líka og
það endaði með því að ég komst inn
í kennaraháskólann 2003 og útskrif­
aðist þaðan 2006.“
Vildi taka slaginn sjálfur
Þá hafði hann þó engin áform um að
fara á fullt í kjarabaráttu leikskóla­
kennara. „Ég ætlaði mér aldrei að feta
þá braut. Ég útskrifaðist 2006 og var
alveg sáttur við mitt á þeim tíma sem
ég hóf störf. Svo skellur á hrun. Fyrir
það höfðu launakjör leikskólakennara
batnað og við vorum komin á svipað­
an stað og grunnskólakennarar. Svo
kom hrunið og þá festumst við inni
með kjarasamning okkar í svokölluð­
um stöðugleikasáttmála. Og í bónus
fengum við á mínum leikskóla upp­
sögn á 10 tíma yfirvinnu sem við höfð­
um alltaf fengið í formi neysluhlés.
Það var dálítið högg því ég gat alveg
sætt við mig að kjarabaráttan tæki
tíma en ég gat ekki sætt mig við það
að lækka í launum sem varð raunin
þarna. Það fór verulega í mig. Ég fór
að rífa kjaft og svona. Þannig einhvern
veginn byrjaði ég að taka þátt í félags­
málum. Ég hafði aldrei gert þetta áður,
ég var aldrei í nemendaráði í skóla eða
neitt svoleiðis. Ég var ekki þessi týpa.
En ég vildi samt bera ábyrgðina sjálf­
ur. Ég vildi ekki geta kennt neinum um
nema sjálfum mér og þess vegna tók
ég þennan slag,“ segir hann ákveðinn
og augljóst að málefnið er honum
mikilvægt.
Munu ekki gefa tommu eftir
„Ég fór í þetta af hugsjón til þess að
leggja mín lóð á vogarskálarnar og ég
er enn þá þar. Bráðum tekur við næsta
L
eiðir okkar Halla hafa oft leg­
ið saman í gegnum tíðina.
Hann var auðvitað stjarna í
Hafnarfirði þegar við vorum
litlir en hann lék aðalhlutverkið í
Emil í Kattholti, sem var sýnt fyrir
fullu húsi mjög lengi og hver ein­
asti krakki á Stór­Hafnarfjarðar­
svæðinu sá,“ segir Gunnar Axel Ax­
elsson, oddviti Samfylkingarinnar
í Hafnarfirði og bæjarfulltrúi. „Síð­
ar vorum hluti af hópi sem setti á
stofn unglingadeild í leikhúsinu og
þar sló hann m.a. í gegn í hlutverki
guðs almáttugs. Man ekki til þess
að hafa séð guð leikinn á jafn sann­
færandi hátt, hvorki fyrr né síðar,“
segir Gunnar Axel sem bendir á að
Halli er „nett ofvirkur,“ en segir það
vera hans helsta styrkleika.
„Hann vílar það ekkert fyrir sér
að demba sér út í hlutina, hvort
sem það er að skella sér upp á
svið og leika eða syngja eða setj­
ast við samningaborðið í baráttu
fyrir bættum kjörum leikskóla­
kennara,“ segir hann.
Gunnar Axel segist hafa hvatt
hann til forystu þegar Halli tók
slaginn sem formaður Félags leik­
skólakennara.
„Ég vissi að hann myndi gera
góða hluti þar og það hefur hann
að mínu mati svo sannarlega
gert. Og ég er auðvitað hrika­
lega stoltur af þeim félögum og
því sem þeir eru að gera núna, að
nota þetta stóra svið til að koma
á framfæri þeim skilaboðum að
það sé ekkert tiltökumál að vera
ekki eins og fjöldinn. Það er Halli,“
segir hann.
astasigrun@dv.is
Ofvirknin er styrkur
Gunnar Axel studdi Harald í formanninn
„Ég er
„fighter“
og beit á jaxlinn
Haraldur fór úr tónlistinni í leikskólakennslu og þaðan yfir í kjarabaráttu
barátta. Það eru lausir kjarasamn­
ingar núna. Það þarf að stíga stór skref
í kjarabaráttu leikskólakennara til þess
að þeir standi til jafns við aðra sér­
fræðinga. Þessir kjarasamningar verða
erfiðir og flóknir en við munum ekki
gefa tommu eftir. Það er rosalega mik­
ilvægt að nú verði stigið stórt skref til
þess að við sem samfélag gerum eitt­
hvað í þessu. Það vantar gríðarlega
marga leikskólakennara og það geng­
ur ekki. Þegar ég kem úr þessu hérna,
sama hvernig það endar. þá fer ég í
þetta af fullri hörku,“ segir hann harð­
ákveðinn.
Viss um að þeir vinni ekki
Jafnvel þótt þið vinnið Eurovision?
„Sérstaklega ef ég vinn Eurovision.
Ég mun ekki vinna Eurovision, það er
ljóst. Ísland er ekki að fara á hausinn
vegna okkar. Ég er bara raunsær,“ segir
hann og virkar mjög sannfærður.
Hópurinn er farinn að bíða eftir Halla
sem er sá eini Pollapönkaranna sem á
eftir að hafa fataskipti fyrir partíið sem
þau eru á leið í. Matrósaföt í Pollapönk­
slitunum verða fyrir valinu í kvöld. Halli
þarf að drífa sig upp á herbergi til þess
að geta skipt í sinn einkennislit, rauðan
matrósabúning. Áður en hann hleypur
af stað segist hann viss um að þeir vinni
ekki keppnina en það muni ekki hindra
þá í að gera sitt allra besta.
„Hugsanlega verðum við líka mjög
neðarlega en það skiptir engu máli, við
erum að fara halda gott partí á laugar­
daginn. Það er eina það sem skiptir
máli. Við erum með.“ n
Litríkir Bakraddasöngvararnir gerðu sér lítið fyrir og sungu Hamraborgin mín fyrir gesti og gangandi sem kættust við uppátækið.
Byrjuðu í skúrnum Eftir sigur
í Músíktilraunum fór frægðarsól
Botnleðju að rísa.