Dagblaðið Vísir - DV - 01.08.2014, Blaðsíða 32

32 Fólk Viðtal
M
óttökur Sigrúnar Magnús­
dóttur voru með sanni
í takt við veðrið þennan
dag, en blíðan umvafði
bæði Reykjavík og viðtök­
ur hennar. Hún hafði undirbúið fín­
legt kaffistell og súkkulaðirúsínur á
björtum svölunum á heimili sínu og
var afar létt í lund þegar blaðamann
bar að garði, enda í sumarfríi frá
þingstörfum.
Sigrún hefur setið á þingi síðan
2013 og er elsti núsitjandi þingmað­
urinn á Alþingi. Hún fæddist rétt fyrir
lýðveldisstofnun á Íslandi, nánar til­
tekið 15. júní 1944 og er því ný orðin
sjötug. Hún segist öfunda jafnaldra
sinn og næstelsta þingmanninn,
Pétur H. Blöndal, á tíu daga aldurs­
mun vegna þess að hann fæddist inn
í íslenska lýðveldið. Hún segir á létt­
um nótum að það hafi verið svekkelsi
fyrir fjölskylduna að hún hafi ekki
fæðst inn í lýðveldið Ísland. „Þú flýtt­
ir þér þegar þú áttir ekki að flýta þér,“
hefur Sigrún eftir móður sinni og
hlær. „Hún var mjög lýðveldissinnuð
og vinstri sinnuð. Ég er alinn upp á
mjög vinstri sinnuðu heimili,“ segir
Sigrún. Aðspurð hvort Sigrún sjálf
upplifi sig sem vinstrikonu leikur þar
enginn vafi á. „Absolút vinstri sinn­
aða Framsóknarkonu. Ég hef alltaf
upplifað sjálfa mig þannig,“ segir Sig­
rún örugg.
„Ég valdi Framsókn út af félags­
hyggjunni og út af ákveðnu öfga­
leysi. Ég var alin upp af mjög vinstri
sinnuðum foreldrum og líkaði stund­
um ekki við ákefðina. Ég vil frekar
rökræða og komast að samkomu­
lagi. Það er í mér,“ segir Sigrún. Að­
spurð hvort hún upplifi Framsóknar­
flokkinn í dag sem félagshyggjuflokk
fyrir vinstri sinnaða konu eins og
hana er Sigrún nokkuð viss um svar­
ið. „Já. Flokkurinn er náttúrlega ekk­
ert annað en fólkið sem er í honum
hverju sinni. Stór flokkur auðvitað er
með ýmsar skoðanir,“ segir hún.
Er frjálslyndur framfarasinni
Það virðist raunar eins og Sigrún
hafi verið alin upp í pólitíkina en
hún byrjaði snemma að hasla sér
þar völl. „Ég bjó þá vestur á Bíldudal
og byrjaði þar í sveitarstjórn 1970.
Ég bjó þar til minn eigin lista ásamt
öðrum. Það voru þrír flokkar í gangi
og ég nefndi þann flokk sem ég var
hjá í fyrsta sæti Frjálslyndir fram­
farasinnar. Þannig leit ég á mig, sem
frjálslyndan framfarasinna. Þetta var
upphaf minnar pólitísku baráttu,“
segir Sigrún en þær skoðanir hennar
rúmuðust fljótt innan Framsóknar­
flokksins.
„Steingrímur Hermannsson
hafði mjög mikil áhrif á mig,“ segir
hún en hann var að hasla sér völl í
Vestfjarðakjördæmi þegar Sigrún bjó
þar, og rökræddu þau gjarnan. „Við
rökræddum og útskýrðum fram og
til baka. Einu sinni var Steingrímur
veðurtepptur hjá okkur fyrir vestan
og eftir þá daga var ég orðin fram­
sóknarkona,“ segir Sigrún og hlær.
Hún segir að hún hafi þó vitað það
fyrir þann tíma, enda alltaf kosið
Framsókn. „Ég alveg sannfærðist þá
og mér líður hvergi betur en í hópi
framsóknarmanna.“
„Framsókn varð jafnréttissinn-
aðasti flokkurinn sem var“
Sigrún segir liðsheild eitt það mikil­
vægasta í stjórnmálum og að fram­
sóknarmönnum skorti hana ekki.
„Ég trúi mjög mikið á liðsheild. Ég
hef alla tíð verið mjög meðvituð um
það og viljað ekki síst skoða leiðir
til að efla Framsóknarflokkinn inn­
an frá. Ég stuðlaði að því sem til­
tölulega ung kona að stofna Lands­
samband framsóknarkvenna,“ segir
Sigrún en sú tillaga var flutt í Félagi
framsóknarkvenna í Reykjavík, sem
Sigrún minnist sem síns helsta bak­
hjarls. „Ég gekk til liðs við þær tiltölu­
lega ung, á áttunda áratugnum.“
Þegar landssambandið var stofn­
að segir Sigrún að hlutur kvenna hafi
aukist mjög. „Það varð sprenging
eftir að við stofnuðum landssam­
bandið. Þá bara gerðist allt og Fram­
sókn varð jafnréttissinnaðasti flokk­
urinn sem var,“ segir Sigrún sem var
Helgarblað 1.–5. ágúst 2014
„Þess vegna
finnst mér ekkert
sniðugt að við séum að
flytja inn ruslfæði frá
Bandaríkjunum
„Ég trúi á landið mitt,“ segir Sigrún Magnúsdóttir, sú kona sem hefur
verið hvað lengst í pólitík á Íslandi, eða 44 ár. Hún valdi Framsóknarflokkinn
vegna öfgaleysis og félagshyggju en segir íslenska þjóð gjarnan skorta aga. Hún
segir Hrunið dæmi um það hvers vegna varast skal of mikið frjálsræði og telur
það víti til varnaðar varðandi innflutning á erlendu kjöti. Hún er þó ekki einungis
gallharður stjórnmálamaður, heldur vill hún líka flippa. Sigrún gerir upp umdeild-
ar skoðanir og hina mörgu sigra.
Frjálsræðið er
haskaleikur
Salka Margrét Sigurðardóttir
salka@dv.is