Dagblaðið Vísir - DV - 15.08.2014, Blaðsíða 11

Fréttir 11Helgarblað 15.–18. ágúst 2014
Umdeildi sýslUmaðUrinn
Harður við
skuldara
Framkvæmdi nauðungar-
sölu án lagaheimildar
Ólafur Helgi lét
framkvæma
nauðungarsölu
án lagaheimildar
árið 2011. Annar
sækjandi málsins
átti hús í Þorlákshöfn
og hafði leitað til umboðsmanns
skuldara, en hinn sækjandinn átti
helmingshlut í eigninni. Íbúðalána-
sjóður og Byko fóru fram á nauð-
ungarsölu, en drógu beiðnina til baka
eftir að hafa fengið upplýsingar frá
umboðsmanni skuldara. Ólafi Helga
barst jafnframt tilkynning um þetta
en ákvað engu að síður að framkvæma
nauðungarsöluna. Sýslumanninum á
Selfossi var því gert að greiða sóknar-
aðilum 200.000 krónur í málskostnað,
að meðtöldum virðisaukaskatti og
nauðungarsalan dæmd ógild.
Ólafur Helgi var aftur gagn-
rýndur harðlega fyrir framkvæmd
nauðungaruppboða á Selfossi í fyrra.
Myndbönd gengu um netið sem sýndu
Ólaf gefa gerðarþola fyrirheit um
að uppboði yrði frestað til klukkan
níu um kvöldið. Nokkru síðar skipti
hann um skoðun og sagði: „Það hefur
aldrei verið sagt að uppboðinu verði
frestað.“ Bjarni Harðarson, bóksali og
fyrrverandi þingmaður, var viðstaddur
og lýsti framhaldinu á þessa leið: „Hélt
sýslumaður áfram löglausum gerningi
og þóttist framkvæma uppboð án
þess að nokkuð heyrðist til þeirra
verka og fékk svo viðstadda lögmenn
og fulltrúa banka til að undirrita hina
ímynduðu uppboðsgerð sína sem svo
sannarlega fór ekki fram í heyranda
hljóði.“ Um svipað leyti vakti mál
Sverris Sverrissonar athygli, en hann
sakaði sýslumanninn um að hafa þver-
tekið fyrir að bóka athugasemdir sínar,
sem settar voru fram á grundvelli laga
um nauðungarsölu, og neitað vitnum
að vera viðstödd gerðina.
á Suðurnesjum
Helstu námsgreinar
- Grunnur og inngangur að forritun
- Bakendaforritun skýjalausna
- Framendaforritun skýjalausna
- Lokaverkefni
Lengd námskeiðs:
- 222 kennslustundir
- Kennt þrisvar í viku
Verð:
- 269.000 kr. (allt innif.)
- Hægt er að dreifa greiðslum
Næsta námskeið:
- Kvöld- og helgarnámskeið
- Hefst 2. sept. og lýkur 20. des.
LÆRÐU SKÝJAFORRITUN
og auktu vinsældir þínar á vinnumarkaði
Kvöld- og helgarnám með vinnu
Breyttir tímar hafa aukið eftirspurn eftir fólki sem hefur
þekkingu í skýjaforritun. Á þessu námskeiði, sem er hannað
með nýjustu tólin í huga, læra nemendur að beita þeim tólum
og aðferðum sem þarf til að búa til nútíma skýjalausnir.
Námið byggir á stöðluðum námskeiðum frá Microsoft sem
miða að því að veita nemendum góða undirstöðu og yfirsýn
yfir þær aðferðir sem helst eru notaðar í nútíma skýjahug-
búnaðargerð. Að auki er unnið með forritunarramma á borð
við AngularJS og Bootstrap.
Námið er undirbúningur undir alþjóðlegt próf 70-480 sem er
innifalið í verði námskeiðsins. Prófið er grunnurinn að þrem
alþjóðlegum vottunum:
- MCSD: Web Applications
- MCSD: SharePoint Applications
- MCSD: Windows Store Apps – HTML5
Norskur lax í
íslenskum ám
21 norskur lax í Kleifaá í Patreksfirði
Greining Veiðimálastofnunar á
uppruna tuttugu og eins lax sem
veiddur var í Kleifaá í Patreksfirði
í júlí leiddi í ljós að þeir voru allir
af norsku kyni. Frá þessu er greint
á RUV.is en miklar líkur eru á að
þarna sé á ferðinni lax sem slapp úr
eldiskví Fjarðalax í nóvember í fyrra.
Þá sluppu um 200 eldislaxar úr
sláturkví fyrirtækisins í Patreks-
firði en forsvarsmenn fyrirtækisins
gerðu lítið úr áhrifum þess í frétt-
um í vor. Í samtali við Vísir í apríl
sagði Jónatan Þórðarson, eldis-
stjóri Fjarðalax, að fiskurinn væri
ókynþroska og að hann myndi
aldrei ganga í laxveiðiár fyrr en
eftir mörg ár. Því væru „líkurnar á
því að hann drepist í sjó í millitíð-
inni yfirþyrmandi miklar.“
Í frétt RÚV er rætt við Guðna
Guðbergsson, sviðsstjóra auð-
lindasviðs Veiðimálastofnunar,
og segir hann atvikið geta skap-
að villtum laxastofnum hættu.
„Reynsla annarra þjóða er að
fiskar sem sleppa úr fiskeldi eiga
það til að blandast með villt-
um stofnum. Það getur þýtt að
breytingar og aðlaganir sem hafa
verið um langan tíma geta riðlast.
Það getur haft áhrif á stofnstærðir
og samsetningu stofna.“
Þá kom í ljós að þroski kynkirtla
nokkurra fiskanna sýndi að þeir
stefndu á hrygningu í haust. „Það
var gjarnan að menn töldu að
fiskar slyppu ekki úr eldi, en það
gerist, þá sögðu menn, þeir ganga
ekki upp í ár, það gerist líka. Þeir
hrygna, þeir eru að vaxa hraðar en
náttúrulegu fiskarnir og þeir eru
að hafa erfðafræðileg áhrif. Það
er alla vega það sem er að koma
fram, en hversu mikið fer eftir um-
fanginu og stærð stofnanna.“
„Almenningi stafar ekki hætta af flúorlosun“
Fjarðabyggð fjallar ekki um áhrif flúorlosunar frá álverinu í Reyðarfirði á gróður og dýr
E
igna-, skipulags- og umhverfis-
nefnd Fjarðabyggðar telur að
almenningi stafi ekki hætta af
flúorlosun frá Alcoa Fjarða-
áli. Þetta kemur fram á vef-
síðu sveitarfélagsins og byggir á fundi
nefndarinnar með starfsmönnum
Umhverfisstofnunar og Matvælastofn-
unar. Tilkynningin er dagsett 13. ágúst.
Orðrétt segir á vefsíðunni:
„Nefndin telur ljóst, miðað við þær
upplýsingar sem fyrir liggja, að al-
menningi stafar ekki hætta af flúor-
losun frá Alcoa Fjarðaáli í Reyðarfirði.
Stefnt er á íbúafund á Reyðarfirði um
miðjan september.“
Athygli vekur að í tilkynningunni
frá sveitarfélaginu er einblínt á áhrif
flúorlosunar á fólk en ekki talað um
áhrif þess á dýr, eins og til dæmis sauð-
fé. Umhverfisstofnun sjálf hefur hins
vegar fyrir löngu bent á að flúorlosun-
in frá álverinu hafi slæm áhrif á sauð-
fé. Árið 2012 sagði til dæmis á vefsíðu
stofnunarinnar: „Umhverfisvöktun
vegna álvers Alcoa Fjarðaál í Reyðar-
firði í sumar hefur leitt í ljós hækkaðan
styrk á flúor í grasi í firðinum. Gildin
eru umfram viðmið fyrir grasbíta. Að
mati Umhverfisstofnunar er ekki um
að ræða hættu fyrir fólk en full ástæða
til að bregðast við, kanna hvort áhrifa
gæti í búfé í firðinum og hver styrkur
flúors sé í heyi áður en teknar verði
ákvarðanir um frekari aðgerðir.“
Af tilkynningu sveitarfélagsins að
dæma mætti ætla að flúorlosun hafi
engin skaðleg áhrif, hvorki á menn
né dýr, þar sem eingöngu er rætt um
áhrif hennar á menn. Ef flúormengun-
in hefur hins vegar áhrif á gróður, eins
og til dæmis gras, og þar með dýrin
sem bíta gras, þá má ætla að með tíð
og tíma hafi hún einnig áhrif á menn
sem borða skepnurnar sem éta grasið.
Um þetta atriði er hins vegar ekki
fjallað í tilkynningunni heldur segir:
„Mælingar hafa staðið óslitið yfir frá
því að álverið í Reyðarfirði hóf starf-
semi og er ekkert í þeim niðurstöðum
sem bendir til þess að íbúum sé hætt
vegna flúorlosunar álversins.“ Þetta er
sagt þrátt fyrir að Umhverfisstofnun
hafi greint frá hækkuðum styrk flúors
í grasi í firðinum og svo borðar sauðfé
grasið og mennirnir sauðféð. n
Engin áhrif Fjarðabyggð telur að
flúorlosun úr álverinu í Reyðarfirði hafi
engin áhrif á menn. Ekkert er minnst á
áhrif flúors á dýr. MyndSigtryggur Ari