Dagblaðið Vísir - DV - 15.08.2014, Síða 14

Helgarblað 15.–18. ágúst 201414 Fréttir
Ís úr brjósta-
mjólk og
kotasælu
Laugardaginn 16. ágúst verður
hinn árlegi Ísdagur Kjöríss
haldinn hátíðlegur en hann fer
fram í áttunda sinn. Dagurinn
er haldinn í samstarfi við bæjar­
hátíðina Blómstrandi daga og geta
gestir því einnig heimsótt plöntu­
og grænmetismarkaði.
Undanfarin ár hefur fjöldi fólks
farið í ísbíltúr til Hveragerðis á
þessum degi og í fyrra voru gest­
ir um 18 þúsund. Á Ísdeginum
er lögð sérstök ísleiðsla úr verk­
smiðju Kjöríss og út á bílaplan.
Þar er ísnum svo dælt ofan í gesti
sem mega borða eins mikið af ís
og þeir geta í sig látið.
Ásamt hinum hefðbundna ís
verður einnig, líkt og fyrri ár, boð­
ið upp á bragð af ýmsu tagi sem
er hluti af vöruþróun fyrirtækis­
ins. Ísgerðarmenn Kjöríss hafa
undanfarið prófað sig áfram með
tugi óvenjulegra ístegunda eins og
sveskjuís, kotasæluís, harð fiskís,
Skittles­ís og Rauðan Ópalís,
en óvenjulegasta bragðið er lík­
lega Búbísinn, sem unninn er úr
brjóstamjólk.
Í ár verður landaþema og á
meðal þeirra landa sem ísgerðar­
mennirnir horfðu til eru Brasilía
(kaffi), Írland (Guinness), Banda­
ríkin (hnetusmjör), Austurríki
(Mozart­kúlur) og Indland (karrí,
múskat og engifer).
Gestir Ísdagsins geta tek­
ið þátt í vöruþróun fyrirtækis­
ins með því að smakka og gefa
ísunum einkunn. Dæmi eru um
að ístegundir sem kynntar voru
á hátíðinni hafi farið í almenna
framleiðslu hjá fyrirtækinu.
Ingó Veðurguð sér um að
halda uppi fjörinu og Lína lang­
sokkur og leikhópurinn Lotta
verða á staðnum, ásamt fleiri
skemmtiatriðum. Dagskráin hefst
kl. 13 og lýkur kl. 16.
Gætu þurft að
greiða 12 milljarða
n Stærstu einstöku hluthafar Bakkavarar n 20 milljarða hagnaður í fyrra
B
ræðurnir Lýður og Ágúst
Guðmundssyni gætu þurft
að greiða 12 milljarða
króna fyrir tæplega 46 pró­
senta eignarhlut Arion
banka og nokkurra lífeyrissjóða
í matvælafyrirtækinu Bakkavör
Group. Í ársreikningi félagsins sem
heldur utan um eignarhlutinn fyr­
ir Arion banka og lífeyrissjóðina,
samlagsfélagsins BG12 slhf., kemur
fram að eignarhluturinn sé metinn
á tæplega 11,8 milljarða króna.
Þetta verð er hins vegar kostn­
aðarverð og er það líklega lægra
verð en væntanlegir kaupendur
þurfa að greiða fyrir hlutinn. Um
þetta segir í ársreikningi samlags­
félagsins sem heldur utan um hlut­
inn: „Eignarhlutur í hlutdeildarfé­
lögum er færður á kostnaðarverði,
í samræmi við 4. tl. 70. gr. laga um
ársreikninga, þar sem eignarhlut­
arins var aflað eingöngu í þeim til­
gangi að selja hann.“ Eignarhlutur­
inn gæti því verið seldur á miklu
hærra verði en því ef af viðskiptun­
um verður.
Högnuðust um rúma 20 milljarða
Hagnaður Bakkavarar Group nam
rúmlega 20 milljörðum króna í fyrra,
eða um 115 milljónum punda. Mið­
að við þennan hagnað er hins vegar
líklegt að tæplega 50 prósenta hlutur
í fyrirtækinu verði seldur á hærra
verði en tólf milljarða króna.
Bakkavararbræður eru stærstu
einstöku eigendur Bakkavarar
Group um þessar mundir eftir að
hafa keypt hlutabréf í fyrirtækinu til
baka af kröfuhöfum þess á síðast­
liðnum árum. Þeir bræður ráða yfir
um 40 prósentum hlutafjár í fyrir­
tækinu. Hlutabréfin hafa þeir með­
al annars keypt með því að flytja inn
fjármuni til Íslands með afslætti í
gegnum fjárfestingarleið Seðlabanka
Íslands. Hlutabréfin eiga þeir meðal
annars í gegnum félagið Korkur In­
vest ehf.
Tilfinningalegt gildi
Líklegt má telja að Lýður og Ágúst
séu líklegustu kaupendur hlutafjár í
Bakkavör Group þar sem þeir stofn­
uðu það á sínum og virðast hafa ein­
sett sér það eftir hrunið 2008 að ná
aftur undirtökunum í félaginu, mið­
að við uppkaup þeirra á hlutabréf­
um í Bakkavör Group síðastliðin ár.
Þótt það kunni að hljóma einkenni­
lega þá má segja að fyrirtækið hafi
tilfinningalegt gildi fyrir þá þar sem
þeir stofnuðu það á sínum tíma,
ásamt föður sínum, og eru kenndir
við það.
Haraldur Guðni Eiðsson, upplýs­
ingafulltrúi Arion banka, hefur ekki
viljað tjá sig um hugsanleg viðskipti
með hlutabréf bankans í Bakkavor
Group. Í frétt sem Sky News flutti
um viðskiptin hugsanlegu var breski
bankinn Barclays sagður líklegur til
að sjá um söluna fyrir hönd Arion
banka.
Milljarða arðgreiðsla
– 22 milljarða tap
Ef Bakkabræður kaupa bréfin af
Arion banka og öðrum hluthöfum
BG12 slhf. þá verður að setja við­
skiptin í samhengi við fyrri viðskipti
þeirra bræðra við bankann. Félag
þeirra, Exista, var stærsti einstaki
hluthafi Kaupþings á árunum fyrir
hrun og fengu þeir háar lánveitingar
frá honum.
Eitt af félögunum sem fengu
lán í Kaupþingi var Bakkabraedur
Holding BV, hollenskt eignarhalds­
félag sem þeir notuðu til að halda
utan um hlutabréf í Exista meðal
annars. Þetta hollenska félag fékk
um 9 milljarða í arð út úr bankan­
um á árunum fyrir hrunið. Félagið
var á endanum í eigu eignarhalds­
félags á Kýpur. Í lok árs 2011 námu
skuldir þessa félags um 67 milljörð­
um króna.
22 milljarða króna skuldir Bakka­
braedur Holding við Kaupþing færð­
ust yfir í nýja bankann sem í dag
heitir Arion en var bókfærð á krón­
ur 0 við yfirfærsluna síðla árs 2008.
Arion banki hefur sömuleiðis reynt
að setja félagið í þrot en það hefur
ekki gengið þar sem hollensk lög
kveða á um að minnsta kosti tveir
kröfuhafar þurfi að fara fram á gjald­
þrotaskipti yfir félögum þar í landi.
„Þar til annar kröfuhafi Bakka­
braedur Holding sækir á félagið gæti
reynst erfitt að setja það í þrot,“ sagði
einn af heimildarmönnum DV um
hollenska félagið í fyrra. n
Ingi Freyr Vilhjálmsson
ingi@dv.is
„Þar til annar
kröfuhafi Bakka-
braedur Holding sækir á
félagið gæti reynst erfitt
að setja það í þrot.
Stærstir og líklegastir
Bakkavararbræðurnir Lýður og
Ágúst Guðmundssynir eru líkleg-
astir til að vilja kaupa hlutabréfin
í Bakkavör sem Arion banki og
fleiri vilja selja. Þeir eru stærstu
hluthafar félagsins í dag.
Missti einn af bestu vinum sínum á Gaza
„Ég hef aldrei grátið einn mann líkt og Ali Abu Afrash“
M
issirinn er gífurlegur en við
höldum áfram til heiðurs
Ali,“ skrifar Sveinn Rúnar
Hauksson, formaður fé­
lagsins Ísland­Palestína, á Face­
book þar sem hann minnist vin­
ar síns Alis Abu Afash sem lést í
sprengingu á Gaza í vikunni.
Ali starfaði með fjölmiðlamönn­
um á Gaza og var einn af betri vin­
um Sveins Rúnars sem kallaði hann
Ali Baba.
„Það fékk hann til að hlæja og
gerði hann stoltan. Allt fjölmiðla­
liðið sem hann starfaði með kallaði
hann það líka. Þeir voru meðvitaðir
um hversu mikill töframaður hann
var í daglegu lífi,“ segir Sveinn Rún­
ar sem hafði þekkt Ali í fimm ár.
„Þrátt fyrir að hafa aðeins þekkst
í fimm ár vorum við orðnir jafn
nánir og eineggja tvíburar. Hann
vissi hvað ég vildi segja áður en ég
sagði það og færði mér hluti sem ég
vildi áður en ég bað hann um það.
Þetta var gagnkvæmt og ég var jafn
næmur og hann. Líkt og við værum
sami maðurinn. Ég hef aldrei grátið
einn mann líkt og Ali Abu Afrash,
mögulega vegna þess að ég græt
einnig vegna allra þeirra sem hafa
fallið í þessu skelfilega slysi,“ skrifar
Sveinn Rúnar á Facebook.
Mannfall á Gaza undanfarnar
vikur er gífurlegt. Ísra el og Ham­
as­sam tök in samþykktu á miðviku­
dagskvöld að fram lengja vopna­
hléið á Gaza­strönd inni um fimm
daga, en ekki hef ur tek ist að ná
sam komu lagi um var an legt hlé á
árásum. Viðræður halda hins veg ar
áfram í Kaíró í Egypta landi. n
ritstjorn@dv.is
Ekki birt ákæran
Kolbrún Benediktsdóttir sak­
sóknari sem fer með mál ákæru­
valdsins á hendur þrítugum
lögreglumanni sem var til rann­
sóknar fyrir að leita að upplýs­
ingum um konur í LÖKE­mála­
skrárkerfi lögreglunnar og deila
þeim, kannast ekki við að honum
hafi verið birt ákæra í málinu.
Í Fréttablaðinu á fimmtudag
var fullyrt að honum hafi verið
birt ákæran en aðspurð segist
Kolbrún í samtali við DV ekki
kannast við það. Hefur verjandi
lögreglumannsins farið fram á
að þinghald í málinu verði lokað
og þarf dómari að taka afstöðu
til þess áður en hægt verður að
birta efni ákærunnar opinber­
lega. Þegar þinghald er lokað er
ákæra ekki afhent fjölmiðlum.
Í Fréttablaðinu segir að lög­
reglumaðurinn sé ákærður fyrir
að fletta upp nöfnum 45 kvenna
í LÖKE­kerfinu haustið 2013.
Meðal kvennanna eru fórnar­
lömb kynferðisbrota. Enn fremur
er fullyrt að hann sé ákærður
fyrir að hafa í ágúst 2012 sent
skilaboð á Facebook með lýsingu
og nafni manns sem lögreglan
hafði afskipti af.
Alis Abu Afash Hann er einn fjölmargra
sem látið hefur lífið í óöldinni á Gaza.
Formaður félagsins Ísland-Palest-
ína Sveinn Rúnar missti góðan vin.