Dagblaðið Vísir - DV - 09.10.2013, Blaðsíða 2

2 Fréttir 9. október 2013 Miðvikudagur
Þjóðernissinni í prófkjör
n Hafði áhyggjur af berklum frá Austur-Evrópu og vildi „endurheimta landamæri Íslands“
V
iðar H. Guðjohnsen,
frambjóðandi í prófkjöri
Sjálfstæðis flokksins fyrir
borgarstjórnarkosningarnar
í Reykjavík, fór mikinn í málefnum
innflytjenda þegar hann var formað-
ur ungliðahreyfingar Frjálslynda
flokksins, og lýsti sjálfum sér sem
„frjálslyndum þjóðarsinna.“ Skrifaði
hann ófáa pistlana þar sem hann
færði rök fyrir því hvers vegna stöðva
ætti búferlaflutninga erlendra borg-
ara til Íslands. Sagði hann meðal
annars að Íslendingum stafaði ógn
af lyfjaónæmum berklum frá Austur-
Evrópu sem gætu ógnað heilbrigði
íslensku þjóðarinnar. Þá sagði hann
að Frjálslyndi flokkurinn væri eini
flokkurinn sem ætlaði sér „að snúa
við blaðinu og endurheimta landa-
mæri Íslands.“
Nýlegt viðtal við Viðar í þættinum
Harmageddon á X-inu hefur vakið
talsverða athygli en þar brast hann
í hlátur þegar málefni erlendra úti-
gangsmanna bar á góma, og sagði:
„Við skulum nú bara taka hlutina í
réttri röð. Tökum stóru málin fyrst,
skipulagsmálin.“ Á hápunkti góðær-
isins skrifaði Viðar pistilinn Ísland
fyrir Íslendinga – Um hvað snýst
málið?
Færslan var í punktaformi en þar
listaði Viðar ástæðurnar fyrir því
hvers vegna takmarka ætti búferla-
flutninga erlendra ríkisborgara til Ís-
lands, sérstaklega þeirra sem kæmu
frá Austur-Evrópu. „Hingað til Ís-
lands streyma nú þúsundir innflytj-
enda árlega,“ skrifaði Viðar sem vildi
meina að það væri ein ástæða fyrir
rýrnandi kaupmætti Íslendinga sem
þó fór hækkandi á þessum tíma.
Viðar sagði í pistlinum að vel-
ferðar- og heilbrigðiskerfi helstu
Evrópuríkja væru að hruni komin,
og sagði ástæðuna vera þá óeiningu
sem fylgi fjölmenningarsamfélög-
um. „Það er nauðsynlegt að verja ís-
lenska menningu og íslensk gildi,“
skrifaði Viðar sem hafði verulegar
áhyggjur af því að erlend glæpagengi
kæmu sér fyrir á Íslandi, ef ekki yrði
brugðist við, með tilheyrandi „eitur-
lyfjasölu, mansali og skipulögðum
nauðgunum,“ eins og kom fram í
punktunum hans. Ekki náðist í Viðar
við vinnslu þessarar fréttar. n
jonbjarki@dv.is
Borgar sig varla að vinna
n Fékk 173.000 útborgað n Vill ekki fara á atvinnuleysisbætur
É
g er á lágmarkslaunum hjá bæn-
um og í dag þarf ég að vinna
annan hvern laugardag til þess
að hífa upp launin og þá fæ ég
rétt yfir 190.000 á mánuði,“ segir
óánægður starfsmaður Akureyrarbæj-
ar. Umræddur starfsmaður vinnur hjá
íþróttamannvirki á vegum bæjarins og
fær aðeins 20.000 krónum meira út-
borgað en ef hann væri á atvinnuleys-
isbótum, sé tekið tillit til skatta, útsvars
og greiðslu í lífeyrissjóð. Starfsmað-
urinn vill ekki koma fram undir nafni
en segir mikilvægt að fjalla um mál-
ið, enda viti hann um fjölmarga aðra í
svipaðri stöðu.
Aðeins munar um 18.000 krónum
á lágmarkslaunum og atvinnuleysis-
bótum en einstaklingur sem nýtir sér
59.000 króna frítekjumark vegna tekna
samhliða atvinnuleysisbótum getur
hins vegar þénað rúmum 16.000 krón-
um meira en einstaklingur í fullu starfi
á lágmarkslaunum.
Mikil vonbrigði
Blaðamaður DV hefur launaseðil
mannsins undir höndum en sam-
kvæmt honum er maðurinn með
229.000 krónur á mánuði. Eftir skatt,
útsvar, greiðslu í lífeyrissjóð og ann-
að fær hann hins vegar einungis tæp-
ar 173.000 krónur útgreiddar. Til sam-
anburðar eru atvinnuleysisbætur, sé
miðað við fullan bótarétt, 172.000
krónur á mánuði og eftir skatt myndu
því greiðast um 152.000 krónur á
mánuði, en það er aðeins um 20.000
krónum lægra en maðurinn fær út-
borgað frá Akureyrarbæ. Hann segir
þetta gríðarleg vonbrigði.
„Mig langar svolítið að vita hvort
þau myndu treysta sér til að lifa
á svona launum, bæði verkalýðs-
foringjarnir og stjórnendur,“ segir
hann og bætir við að hann hafi haft
samband við sinn verkalýðsforingja
en fátt hafi verið um svör.
„Ég spurði hana nú á hvaða laun-
um hún væri og hún vildi ekki svara
því.“
Vill ekki fara á atvinnuleysisbætur
Maðurinn segist vita um marga sem
íhugi nú að sækja frekar um atvinnu-
leysisbætur en að vinna fullt starf á
lágmarkslaunum. Sjálfur segist hann
þó ekki geta hugsað sér það.
„Ég er lærður húsasmiður og lenti
í því, þegar fyrirtækið sem ég starfaði
hjá fór á hausinn, að verða atvinnulaus
í nokkra mánuði og ég fór nú frekar að
starfa við þetta en að vera heima.“
Hann segist hafa lækkað mikið í
launum frá því að hann starfaði sem
smiður en að erfitt sé fyrir smiði að fá
vinnu í dag.
„Það er hægt að fá vinnu í kannski
tvo eða þrjá mánuði en ekki örugga
vinnu.“
Getur fengið vinnu í Noregi
„Það eru náttúrulega lausir samningar
eftir áramót og ég veit að margir sem
eru á svona lágum launum eru mjög
óánægðir,“ segir maðurinn, aðspurð-
ur hvað nú taki við, en líkt og áður
sagði starfar hann hjá Akureyrarbæ
og er því í stéttarfélaginu Kili.
„Samningarnir eru lausir eftir
áramót og þá fer samninganefndin
af stað að reyna að semja. Ég ætla að
bíða aðeins og sjá hvernig útkoman
verður en ég samþykki náttúrulega
engin laun nema að lágmarki 250 til
260 þúsund króna útborgun.“
En hvað ef samningarnir bjóða
ekki betri kjör?
„Það er þá bara Noregur. Ég er
þegar búinn að tala við menn þar
sem vantar smiði og ég get fengið
vinnu strax. Ég er með fjölskyldu og
ætla þá bara að flytja.“
Borgar sig varla að vinna
Lágmarkslaun eru 204.000 krónur
á mánuði en eftir skatt fær einstak-
lingur í fullu starfi á lágmarkslaun-
um útgreiddar um 171.000 krón-
ur. Einstaklingur í hundrað prósent
starfi þénar því ekki nema um 18.000
krónum meira á mánuði en einstak-
lingur á fullum atvinnuleysisbót-
um sé tillit tekið til skatta, útsvars og
greiðslu í lífeyrissjóð.
Hins vegar getur einstaklingur á
atvinnuleysisbótum þénað rúmum
16.000 krónum meira en einstak-
lingur í hundrað prósent starfi á lág-
markslaunum nýti hann sér frítekju-
mark vegna tilfallandi tekna með
fram bótum en unnt er að fá greitt
allt að 59.000 krónum á mánuði
án þess að atvinnuleysisbæturnar
skerðist.
Þá býður Vinnumálastofnun
einstaklingum upp á tekjutengdar
atvinnuleysisbætur fyrstu þrjá
mánuðina eftir að viðkomandi byrj-
ar á bótum. Um er að ræða bætur
sem nema 70 prósentum af launum
viðkomandi í fyrra starfi en verða
þó aldrei hærri en 272.000 krónur á
mánuði, eða um 211.000 krónur eft-
ir skatt, útsvar og greiðslur í lífeyris-
sjóð. Það er rúmum 40.000 krónum
meira en útgreidd lágmarkslaun. n
Hörn Heiðarsdóttir
blaðamaður skrifar horn@dv.is
Hér ber að líta samanburð á atvinnuleysisbótum, lágmarkslaunum, bótum ásamt aukatekjum
vegna frítekjumarks og tekjutengdum bótum. Reiknivél á vefsíðu ríkisskattstjóra var notuð til
að reikna upphæðir með tilliti til skatts, útsvars og greiðslu í lífeyrissjóð.
Litlu munar á lágmarkslaunum og bótum
Atvinnuleysisbætur Lágmarkslaun Bætur + 59 þúsund í tilfallandi tekjur Tekjutengdar bætur
Fyrir skatt Eftir skatt
17
2.
6
0
9
k
r.
15
2.
34
9
k
r.
20
4
.0
0
0
k
r.
17
1.
23
8
k
r.
23
1.
6
56
k
r.
18
7.
8
79
k
r.
27
2.
11
3
kr
.
21
1.
6
50
k
r.
Launaseðill mannsins Laun mannsins
eru aðeins um 20.000 krónum hærri en
útgreiddar atvinnuleysisbætur.
„Ísland fyrir Íslendinga“ Viðar H.
Guðjohnsen notaði meðal annars slagorðið
Ísland fyrir Íslendinga í baráttu sinni fyrir
endurheimt landamæra Íslands. MyNd FAcEBook
Braut gegn
ungum stúlkum
Héraðsdómur Suðurlands dæmdi
á þriðjudag tvítugan karlmann
til þriggja ára fangelsisvistar fyrir
kynferðisbrot gegn tveimur ung-
um stúlkum. Var manninum gert
að greiða annarri stúlkunni 800
þúsund krónur í skaðabætur og
hinni stúlkunni eina og hálfa
milljón króna í skaðabætur.
Hann var meðal annars fund-
inn sekur um að hafa með ólög-
mætri nauðung látið stúlku, sem
þá var þrettán ára, árið 2012, hafa
við sig munnmök. Var maðurinn
sagður hafa nýtt sér yfirburða-
stöðu sína gagnvart stúlkunni sök-
um aldurs- og þroskamunar.
Maðurinn var einnig dæmdur
fyrir kynferðisbrot gegn barni, með
því að hafa haft samræði við stúlku
sem var þrettán ára, en brotið átti
sér stað árið 2010.
Þöggun sem
þarf að rjúfa
Margar brotalamir eru til staðar
þegar kemur að umræðu og úr-
lausnum vegna kynferðisofbeldis
gegn fötluðum börnum og einstak-
lingum. Þetta kemur fram í yfirlýs-
ingu sem Stígamót, Rannsóknaset-
ur í fötlunarfræðum, landssamtökin
Þroskahjálp, NPA miðstöðin,
Öryrkjabandalag Íslands,
Kvennaathvarfið, Reykjavíkurborg,
Jafnréttisstofa, velferðarráðu-
neytið, Þroskaþjálfafélag Íslands,
Mannréttindaskrifstofa Íslands og
Ás styrktarfélag hafa sent frá sér í
kjölfar málþings um kynferðisof-
beldi gegn fötluðu fólki í síðustu
viku. Hópurinn krefst þess að leit-
að verði eftir úrlausnum. Þær felast
meðal annars í því að tryggja að-
gengi fatlaðs fólks að ráðgjöf vegna
kynferðis ofbeldis, rjúfa þöggun og
svara kalli fatlaðs fólks eftir aukinni
kynfræðslu sem tekur mið af marg-
breytilegu samfélagi.
Auglýst eftir
flugmönnum
WOW air hefur auglýst eftir flug-
mönnum til starfa hjá félaginu,
en alls er verið að leita að 28
flugmönnum. Þetta kemur fram
í tilkynningu frá félaginu en
þetta er í fyrsta skipti sem WOW
air auglýsir eftir sínum eigin
flugmönnum.
Ráðning flugmanna er liður
í auknum umsvifum félagins en
um er að ræða framtíðarstörf á
nýlegum A321- og A320-vélum
WOW air.
„Það er ánægjulegt að aug-
lýsa eftir flugmönnum í fram-
tíðarstörf, sem munu fljúga
undir flaggi WOW air. Félagið
hefur stækkað jafnt og þétt frá
fyrsta flugi þess í maí 2012 en
það ár flaug félagið með um 90
þúsund farþega, núna í ár verð-
ur farþegafjöldi um 450 þúsund
og stefnt er að á næsta ári að fé-
lagið fljúgi með yfir 720 þúsund
farþega,“ segir Skúli Mogensen,
forstjóri og stofnandi WOW air, í
tilkynningu.
WOW air hyggst fljúga til 18
áfangastaða bæði í Evrópu og
Norður-Ameríku frá næsta vori.