Dagblaðið Vísir - DV - 09.10.2013, Blaðsíða 4

4 Fréttir 9. október 2013 Miðvikudagur
Útigangsmenn fá pylsur
n Bæjarins beztu sýnir örlæti í verki
P
ylsufyrirtækið goðsagna-
kennda Bæjarins beztu gefur
útigangsmönnum og öðrum
svöngum lítilmagna fríar pyls-
ur og hefur gert í mörg ár. Þetta stað-
festir eigandi fyrirtækisins, Guðrún
Björk Kristmundsdóttir, í samtali við
DV. Hún er hins vegar hógværðin
uppmáluð og vill síður tjá sig um
hina örlátu gjafagerninga en tekur
fram, að þeir séu ekki regla heldur
undantekning. Enginn á rétt á einni
með öllu, segir Guðrún, en starfs-
menn hennar hafa heimild til að láta
„þjóðarréttinn“ af hendi rakna – án
endurgjalds – sjái þeir aumur á við-
komandi.
En sjaldan launar kálfurinn
ofeldið segir málshátturinn, hvers
sannleiksgildi virðist hafa staðfests í
gjafagerningi Bæjarins beztu. Eftir að
fréttir af hinum fríu pylsum kvisuð-
ust í undirmálskreðsum Reykjavíkur-
borgar, fóru einhverjir að færa sig
upp á skaftið og heimta fast fæði hjá
fyrirtækinu. Sumir kváðust meira að
segja hafa heimildir fyrir því að fyrir-
tækinu bæri skylda til að gefa pylsur
vegna samnings sem það hafði gert
við borgina. Slíkur samningur hef-
ur aldrei verið gerður, að sögn Guð-
rúnar.
Umræðan um það hvort, og þá að
hvaða marki, fyrirtæki beri ábyrgð
gagnvart samfélaginu sem það starfar
í er komin tiltölulega skammt á veg á
Íslandi, í samanburði við nágranna-
löndin. Fyrir tveimur árum var Festa,
miðstöð um samfélags ábyrgð fyrir-
tækja, sett á stofn með það að mark-
miði að vekja þessa umræðu og
hvetja fyrirtæki til að innleiða stefnu
í þessum málaflokki. Meðal félaga í
Festu eru Össur, Rio Tinto Alcan á Ís-
landi og Síminn en Bæjarins beztu er
hins vegar hvergi sjáanlegt í félaga-
skránni. Af viðbrögðum eigandans að
dæma er ástæðan sú, að pylsusalan
vill sýna ábyrgð sína og góðmennsku
í verki, en ekki í orði. n
baldure@dv.is
Haustbúðir fyrir 30+
- spænskunámskeið, göngur og jóga
Vetrarbúðir fyrir 60+
- persónuleg stefnumótun, göngur og spænskunám
Sumarbúðir fyrir 14-18 ára
Útskriftarferðir fyrir framhaldsskóla og háskóla
Skipulag gönguferða fyrir hópa
Gönguferðir um Jakobsveginn
– leiðina til Santiago de Compostela
Tungumálaskólar á Spáni
www.mundo.is
Mundo ferðir kynna:
Nánari upplýsingar hjá margret@mundo.is. eða í síma 691 4646.
Brim hagnaðist
um 3,7 milljarða
n Brim á ellefu milljarða umfram skuldir n Hefur selt mikinn kvóta
B
rim, útgerðarfyrirtæki
Guðmundar Kristjánsson-
ar og bróður hans Hjálm-
ars Kristjánssonar, hagn-
aðist um rúmlega 3,7
milljarða króna í fyrra. Þetta kem-
ur fram í ársreikningi félagsins sem
skilað var til ársreikningaskrár rík-
isskattstjóra þann 3. október síð-
astliðinn. Félagið er nú skráð fyrir
eignum upp á meira en 21 milljarð
króna en á móti eru skuldir upp á
um 10 milljarða. Eignir umfram
skuldir hjá Brim nema því rúmum
11 milljörðum króna.
Brim er eitt stærsta útgerðar félag
landsins miðað við aflaheimildir
og á og rekur nokkra þekkta togara
eins og Guðmund í Nesi og Brim-
nes. Skipafloti Brims er nýlegur og
keypti félagið til að mynda nýjan
togara, Skálaberg, fyrir um fjóra
milljarða króna fyrr á þessu ári.
Telja sig eiga peninga inni
Staða Brims er hins vegar háð
ákveðnum vafa þar sem félagið
hefur fært lán við eignarhaldsfé-
lagið Haf Funding, sem er í eigu
Glitnis, út úr bókum félagsins. Það
lán við Haf Funding er uppi á 2,6
milljarða króna. Ef þessi krafa væri
reiknuð með í ársreikningi Brims
myndi eiginfjárhlutfall félagsins
lækka sem nemur henni, niður í
rúmlega átta milljarða.
Brim telur sig hins vegar hafa
ofgreitt lán sín við Haf Funding og
skilanefnd Glitnis og er vísað í hinn
svokallaða Borgarbyggðardóm
þeirri kröfu til stuðnings í ársreikn-
ingnum. Telur Brim að útgerðin
gæti átt inni 3,9 milljarða króna hjá
Glitni vegna þessa. Þessi ágreining-
ur á milli Brims og Glitnis er nú fyr-
ir dómi.
Einnig telur Brim sig eiga inni
hjá fjármuni hjá Landsbankan-
um út af ofgreiddum lánum auk
þess sem útgerðin á í deilum við
fjármálafyrirtæki út af uppgjöri á
gjaldmiðlaskiptasamningum. Kröf-
ur bankanna nema nærri 2,8 millj-
örðum króna. Þurfi Brim að greiða
þær til baka, auk dráttarvaxta, væri
um að ræða um þriðjungshluta af
eigin fé útgerðarinnar.
Stofnað til að endurfjármagna
Glitni
Haf Funding er írskt skúffufélag
sem Glitnir notaði til að kaupa upp
skuldabréf nokkurra íslenskra út-
gerðarfyrirtækja um mitt ár 2008.
Meðal annars var um að ræða
skuldabréf Þorbjarnar, HB Granda
og Brims. Seðlabanki Evrópu fjár-
magnaði uppkaupin á skuldabréf-
unum.
Þetta var gert til að endurfjár-
magna Glitni á mjög erfiðum tíma
þegar bankinn átti í erfiðleikum
með að fá erlenda fjármögn-
un. Um var að ræða lánaviðskipti
upp á tugi milljarða króna, bara
skuldabréfin með veði í skipum og
kvóta sem færðust yfir í Haf Fund-
ing voru á milli 20 og 30 milljarða
króna virði. Fyrir vikið fékk Glitn-
ir fjármuni til að greiða af skuld-
um sínum en missti í staðinn þessi
verðmætu skuldabréf úr bókum.
Eftir hrun keypti Glitnir skulda-
bréfin svo aftur til baka af Seðla-
banka Evrópu.
Selja kvóta og létta
skuldabyrðinni
Brim hefur selt mikið af aflaheim-
ildum frá hruni og greitt niður
skuldir sínar en félagið stóð ekki
vel eftir hrunið. Skemmst er að
minnast þess þegar Brim seldi
Samherja Útgerðarfélag Akur-
eyringa árið 2011 fyrir 14,5 millj-
arða króna en stærstur hluti kaup-
verðsins var greiddur með yfirtöku
á skuldum. Á því ári námu seldar
aflaheimildir hjá Brimi nærri 13,5
milljörðum króna og á sama tíma
námu afborganir langtímaskulda
nærri 17 milljörðum króna.
Í fyrra seldi Brim svo um
þúsund tonna kvóta til Skinneyjar-
Þinganess á Höfn í Hornafirði fyrir
tæpa tvo milljarða króna.
Skuldir félagsins lækkuðu
nokkuð á milli áranna 2011 og
2012 en í lok þess fyrrnefnda námu
þær tæplega 15 milljörðum króna
en rúmum 10 í lok síðasta árs. En
þar áður höfðu skuldir félagsins
numið um 30 milljörðum króna
vegna eignarhaldsins á Útgerðar-
félagi Akureyringa.
Brim hefur því selt eignir á síð-
ustu árum og samhliða því greitt
niður skuldir. Fyrir vikið lítur árs-
reikningur félagsins ágætlega út
um þessar mundir en taka þarf
mið af þeim mörgu fyrirvörum
sem er að finna í ársreikningnum
sem annaðhvort geta bætt efna-
hagsstöðu Brims eða gert hana
verri. n
Góð staða Brims Brim, út-
gerð Guðmundar Kristjánssonar,
stendur vel og skilaði rúmlega
3,7 milljarða hagnaði í fyrra.
„Telur Brim að út-
gerðin gæti átt inni
3,9 milljarða króna hjá
Glitni vegna þessa.
Ingi Freyr Vilhjálmsson
fréttastjóri skrifar ingi@dv.is
Mikil hækkun
launa
Laun viðskipta- og hagfræðinga
hafa hækkað um rúm tuttugu
prósent á tveimur árum. Meðal-
laun eru tæpar 800 þúsund krón-
ur á mánuði og karlar fá rúmlega
100 þúsund krónum hærri laun
á mánuði en konur. Þetta kemur
fram í nýrri kjarakönnun Price-
WaterhouseCoopers fyrir Félag
viðskipta- og hagfræðinga.
Í raun skera laun viðskipta- og
hagfræðinga sig nokkuð úr með-
altali heildarlauna á almennum
vinnumarkaði, en þau voru tæpar
500 þúsund krónur á síðasta ári
samkvæmt Hagstofunni. Sem
dæmi má nefna að meðalheildar-
laun opinberra starfsmanna voru
rúmlega 460 þúsund í fyrra.
Alls hefur launahækkun við-
skipta- og hagfræðinga, verið um
20,7 prósent á síðustu tveimur
árum. Það er meiri en hækkun
launa en á almennum vinnumark-
aði. Þar hafa laun hækkað um sext-
án prósent á síðustu tveimur árum.
Hæst laun hafa karlar og konur
sem lokið hafa MBA-gráðu og eru
með 21–29 ára starfsaldur. Miðgildi
launa karla í þeim hópi er ein millj-
ón en kvenna 900 þúsund.
Un Women á
Íslandi býður
upp í dans
Þann 11. október mun UN
Women á Íslandi standa fyrir
þriggja tíma dansmaraþoni í
Kramhúsinu í tilefni af alþjóð-
legum degi stúlkubarnsins sem
haldinn verður í annað sinn.
Án efa munu dansararnir
skemmta sér vel, en engu að
síður er málefnið háalvarlegt.
Í ár hefur UN Women lagt höf-
uðáherslu á útrýmingu barna-
brúðkaupa en á þriggja sek-
úndna fresti er stúlka undir 18
ára aldri þvinguð eða tilneydd í
hjónaband. UN Women leggur
ríka áherslu á að afnema skuli
barnahjónabönd á heimsvísu
og vonast til að vekja athygli á
málefninu með maraþoninu.
Dansmaraþonið hefst
klukkan 19 og verður dansað
afró, Beyoncé-dans, suðræn
sveifla og magadans. Kennarar
þetta kvöld eru þær Álfheiður
Anna Pétursdóttir, Margrét Erla
Maack, Kristín Bergsdóttir og
Þórdís Naadía Semichat.
Þátttaka kostar 2.900 krónur.
Örlátur pylsusali Bæjarins beztu gefur
lítilmagnanum pylsur. Mynd SiGTryGGur Ari