Dagblaðið Vísir - DV - 09.10.2013, Blaðsíða 7

Fréttir 7Miðvikudagur 9. október 2013
F
östudaginn næstkomandi
verður fyrirtaka í Héraðs-
dómi Reykjavíkur í máli fjór-
menninga sem ákærðir eru
fyrir líkamsárás, rán og hót-
anir í garð tveggja kvenna. Ákæran
var gefin út af ríkissaksóknara þann
10. september síðastliðinn en árásin
átti sér stað í Hafnarfirði þann 18.
október árið 2010.
Hin ákærðu eru þrjár konur
og einn karl en öll voru þau und-
ir tvítugu þegar árásin átti sér stað.
Sú yngsta var 16 ára en sá elsti var
19 ára auk þess sem báðir brotaþol-
ar voru 19 ára þegar árásin átti sér
stað.
Tóku út af reikningnum
Hinum ákærðu er gefið að sök að
hafa, aðfaranótt sunnudagsins 18.
október 2010, veist að annarri kon-
unni með því að slá hana í andlitið,
sparka í bak hennar og slá með
spýtu í vinstra lærið. Þeim er einnig
gert að sök að hafa hrækt á konuna
og hótað henni líkamsmeiðingum
ef hún kærði atvikið til lögreglu. Þá
var konunni einnig hótað með hnífi
og skipað að afhenda debetkortið
sitt auk þess sem hún var þvinguð
til að gefa upp pin-númer kortsins.
Ákærðu fóru svo með kon-
una í hraðbanka Íslandsbanka við
Fjarðargötu í Hafnarfirði og tóku
út 25 þúsund krónur af reikningi
hennar. Við átökin hlaut konan
stórt mar ofan við vinstri augabrún,
hrufl og bólgu neðan við hægra
auga, bólgu á kinnum og vörum
og roða yfir hægri hnéskel. Ákærðu
eru einnig sökuð um að hafa, á
sama tíma og sama stað, slegið
hina konuna í andlitið sem og sleg-
ið hana með spýtu í fæturna.
Konan hlaut meðal annars mar
í kringum vinstra auga og bólgu og
eymsli á vinstri kinn.
Fara fram á skaðabætur
Líkt og fyrr sagði voru báðir brota-
þolar 19 ára þegar árásin átti sér
stað en hin ákærðu voru á aldrin-
um 16 til 19 ára og voru tvö þeirra
ekki orðin lögráða.
Einn hinna ákærðu hefur kom-
ið við sögu lögreglu áður – karl-
maðurinn í hópi hinna ákærðu var
í janúar á þessu ári dæmdur í 90
daga fangelsi fyrir alvarlegt um-
ferðarlagabrot auk þess sem hann
var sviptur ökuréttindunum í sex
mánuði.
Er þess krafist að, auk refsingar,
verði ákærðu dæmd til greiðslu alls
sakarkostnaðar. Farið er fram á að
ákærðu verði dæmd til að greiða
fyrrnefndu konunni tæpar 850 þús-
und krónur í bætur ásamt vöxtum
sem og kostnað vegna réttargæslu
eða lögmanns auk virðisaukaskatts.
Að sama skapi er þess krafist að síð-
arnefndu konunni verði greiddar
rúmar 600 þúsund krónur í bæt-
ur ásamt vöxtum sem og kostnað
vegna réttargæslu eða lögmanns
auk virðisaukaskatts. Verði ákærðu
fundin sek gætu þau einnig átt yfir
höfði sér sektir eða nokkurra ára
fangelsisvist. n
n Fjögur veittust að tveimur ungum konum n Tóku peninga út af reikningi fórnarlambs
Fjögur ákærð fyrir
árás, rán og hótanir
Hörn Heiðarsdóttir
blaðamaður skrifar horn@dv.is
Ákærð Málið er nú fyrir dómstólum. Myndin tengist ekki efni fréttarinnar. Mynd eyþór Árnason