Dagblaðið Vísir - DV - 03.12.2013, Blaðsíða 19

Vikublað 3.–5. desember 2013 Skrýtið 19
Ölvuð með
barn á brjósti
Þjónn á veitingastaðnum Gusano í
Bandaríkjunum var rekinn fyrir að
hringja á lögregluna þegar hann sá
móður drekka áfengi á meðan hún
var með barn sitt á brjósti. Atvikið
átti sér stað í síðasta mánuði þegar
þjóninn, kona að nafni Jackie
Connors, ákvað að tilkynna gá­
leysi móðurinnar til lögreglunnar í
borginni Conway. Svo fór að móð­
irin var handtekin en nokkrum
dögum síðar var Jackie rekin. „Ver­
andi mamma þá gat ég ekki horft
upp á þetta. Barnið var varnar­
laust gagnvart áfengisdrykkju
móður sinnar,“ sagði Jackie. Eig­
andi staðarins sagði við fjölmiðla
vestan hafs þetta atvik ekki hafa
verið brottrekstrarsök heldur voru
aðrar ástæður fyrir því að hann lét
Jackie fara, án þess að hann færi
nánar út í þær ástæður.
Kom upp um
sig með sím-
hringingu
Larry Barnett ætlaði sér að láta
myrða fyrrverandi starfsmann
sinn. Til allrar hamingju varð ekk­
ert af því og ástæðan? Jú, hann
upplýsti tilvonandi fórnarlamb
sitt um þetta ráðabrugg í sím­
hringingu sem hann vissi ekki af
í síðustu viku. Barnett er 68 ára,
frá Jonesboro í Bandaríkjunum.
Á meðan Barnett gaf þriðja aðila
leiðbeiningar um hvernig ætti að
komast heim til fyrrverandi starfs­
manns síns hringdi hann óafvit­
andi í starfsmanninn á meðan úr
síma sínum sem hann var með í
vasanum. Í 90 mínútur hlustaði
starfsmaðurinn fyrrverandi skelk­
aður á þetta ráðabrugg Barnetts
og hafði síðan samband við lög­
reglu. „Mér er sama þótt þú þurfir
að brenna hús hans. Mér er sama
hvað þú gerir, láttu það bara líta út
fyrir að vera slys.“ Þegar lögregla
kannaði heimili fyrrverandi starfs­
manns Barnetts kom í ljós að ein­
hver hafði brotist þar inn og átt við
gaseldavél. Var Barnett handtek­
inn í kjölfarið.
Bananasvik­
ari ákærður
Bandarískur karlmaður hefur ver­
ið ákærður fyrir svik eftir að hafa
runnið á bananahýði í lyftu í lestar­
stöð í Washington. Maðurinn er
42 ára gamall og heitir Maurice
Owens. Hann fór fram á 15 þúsund
dollara í bætur frá rekstraraðilum
Potomac­lestarstöðvarinnar, eða
sem nemur tæpum tveimur millj­
ónum króna, vegna áverka sem
hann hlaut á fæti og mjöðm eftir
að hafa runnið á banana hýðinu.
Myndband úr eftirlitsmyndavél
í lyftunni leiddi þó í ljós að það var
Owens sjálfur sem lét bananahýð­
ið falla viljandi á lyftugólfið áður
en hann þóttist falla harkalega til
jarðar eftir að hafa runnið á því
í ágúst síðastliðnum. Var stefnu
hans gegn rekstraraðilum lestar­
stöðvarinnar vísað frá og hann í
staðinn ákærður fyrir svik.
Særingamanna­
skortur í Mexíkó
n Kirkjan segir Guð og Satan heyja blóðuga baráttu í Mexíkó
G
uð og Satan heyja blóðuga
baráttu í Mexíkó ef marka
má presta þar í landi. Ganga
þeir svo langt að halda því
fram að landið sé undir árás
Satans og eina vörnin gegn honum
séu særingamenn – og nóg af þeim.
Greint var frá málinu á vef BBC
Mundo í síðustu viku en þar kom
fram að árás Satans á Mexíkó lýsi sér
best í hrottalegu ofbeldi tengdu eit­
urlyfjaklíkum, þar á meðal mann­
fórnum.
Frá árinu 2006 hafa 70 þúsund
manns látið lífið í Mexíkó í fíkniefna­
stríðinu svokallaða. Prestarnir hafa
þó ekki einungis áhyggjur af mann­
fallinu, heldur villimennskunni sem
umlykur það.
„Við trúum því að á bak við þessi
myrkraverk sé djöfullinn sjálfur. Þess
vegna vill Guð hafa hér ráðuneyti
særinga og frelsunar í baráttunni
við djöfulinn,“ sagði presturinn og
særingamaðurinn Carlos Triana, frá
Mexíkóborg, við BBC Mundo.
„Við trúum því að djöfullinn
stjórni eiturlyfjasamtökunum hér í
landi. Jafn mikið og við trúum því
að hann hafi heltekið Adolf Hitler og
stjórnað honum.“
Tilbiðja dýrling dauðans
Særingamenn í Mexíkó halda því
fram að það sé áður óþekkt eftirspurn
eftir þjónustu þeirra. BBC Mundo
ræddi einnig við særingamanninn
og prestinn Francisco Bautista sem
sagði að rekja mætti þessa auknu
eftirspurn til mikillar fjölgunar í sér­
trúarflokki sem tilbiður dýrling dauð­
ans, Santa Muerte. Talið er að um átta
milljónir manna séu í þessum flokki
sem tilbiður brúðarkjólsklædda
hauskúpu.
„Fíkniefnasmyglarar biðja hana
um hjálp við að forðast handtökur og
þéna pening,“ sagði Bautista. „Þeir
bjóða henni mannfórnir sem hafa
leitt til mikils ofbeldis í Mexíkó.“ Þá
segir hann lögleiðingu fóstureyðinga
einnig hafa aukið eftirspurn eftir sær­
ingum. „Djöflarnir hafa tekið sér ból­
festu í Mexíkó því við höfum opnað
dyr okkar fyrir dauðanum.“
Þykir sumum undarlegt hve margir
trúa á dauðann í Mexíkó sem ein­
hvers konar andlega veru sem geti á
einhvern hátt haft áhrif á velgengni
þeirra í lífinu. Það á einnig við um hve
margir trúa því virkilega í Mexíkó að
kölski sjálfur og djöflarnir séu á bak
við öll þessi voðaverk.
Sá sem ritar þessa grein fyrir BBC
Mundo er Vladimir Hernandez sem
ræddi við Jose Roberto Jaimes sem
þakkar dauðanum fyrir að hafa lifað af
þriggja ára fangelsisvist. „Ég trúi líka
á Guð og alla dýrlingana. Ég aðhyllist
þó meira dýrling dauðans. Hann hefur
hjálpað mér mest af öllum,“ sagði
Jaimes.
Kirkjunni að kenna
Ástæðan fyrir þessari miklu dýrkun
á dauðanum meðal glæpamanna í
Mexíkó og ættingja þeirra er sú að þeir
telja hvorki Jesú Krist né Maríu mey
geta verndað sig fyrir hermönnum,
lögreglu og óvinum sínum.
Hin sextuga Enriqueta Romero
bendir á að kaþólska kirkjan hafi ein­
faldlega fælt fylgjendur sína í burtu.
„Það eru afbrot prestanna sem fældu
okkur frá kirkjunni. Hvað ætla prest­
arnir að gagnrýna? Að við trúum á
dauðann? Það er alls ekki slæmt að
trúa á hann. Það slæma í þessu eru
afbrot prestanna,“ sagði Romero og
vísar þar í fjölda kynferðisbrota presta
gegn börnum.
En spurð hvort hún sé hlynnt þeim
hrottalegu mannfórnum sem fylgja
þessum hópi þeirra sem tilbiðja dauð­
ann svarar hún: „Við búum í frjálsu
landi og er öllum frjálst að gera það
sem þeim sýnist. Við þurfum öll að
mæta Guði á einhverjum tímapunkti.“
Hvort særingar muni bjarga
íbúum Mexíkó frá þessu hörmunga­
ástandi sem ríkir þar skal ósagt látið.
Presturinn Carlos Triana er þó á því
að kirkjan ætti ekki að auglýsa eft­
ir særingamönnum í fjölmiðlum þó
að mikil eftirspurn sé eftir þeim. „Við
þurfum að fara leynt með þessar sær­
ingar. Ef kirkjan gerir það ekki verður
hún að athlægi, jafnvel á meðal fylgj­
enda hennar,“ segir Triana við BBC
Mundo. n
Birgir Olgeirsson
birgir@dv.is
„Við trúum því að
djöfullinn stjórni
eiturlyfjasamtökunum
hér í landi. Jafn mikið og
við trúum því að hann
hafi heltekið Adolf Hitler
og stjórnað honum.
Gæslumaður dauðans Enriqueta Romero gætir helgiskríns dýrlings dauðans, Santa Muerta, í borginni Tepito í Mexíkó. Hún segir
níðingsverkum presta um að kenna að jafn margir tilbiðji dýrling dauðans í Mexíkó líkt og raun ber vitni. Mynd ReuTeRs.
Færa dauðanum gjafir Margir þeirra sem tilheyra eiturlyfjaklíkum í Mexíkó tilbiðja dýrling dauðans, Santa Muerte. Færa þeir henni gjafir, svo sem sígarettur, áfengi, ávexti og blóm í von um
að dýrlingurinn færi þeim velgengni í lífi. MyndiR ReuTeRs.