Dagblaðið Vísir - DV - 25.07.2008, Síða 8

föstudagur 25. júlí 20088 Fréttir DV
Tjaldsvæði
-Zeltplatz - Camping
Gisting
-Unterkunft auf dem Bauernhof - Farm Accommodation
Heitur pottur og gufubað
-Sauna und heisser Pott - Sauna and Jacuzzi
Veiðileyfi
-Angellizenz - Fishing
FERÐAÞJÓNUSTAN
DÆLI
Sími / Tel.: 451 2566 GSM: 864 2566 FAX: 451 2866 Netfang / E-mail: daeli@daeli.is www.daeli.is
Eins og DV greindi frá í gær ríkir viðbragðsástand á Keflavíkurflugvelli vegna fyrirhugaðrar útgöngu
slökkviliðsmanna á vellinum 1. ágúst. Án slökkviliðs er flugvöllurinn óstarfhæfur. Lára V. Júlíusdóttir, lekt-
or í vinnumarkaðsrétti við Háskóla Íslands, telur brunaverðina í rétti með fyrirhugaðar aðgerðir sínar.
Brunaverðir í rétti
„Við lítum á þessa greiðslu sem ígildi
kjarasamnings,“ segir Guðni Á. Har-
aldsson, lögmaður brunavarða á
Keflavíkurflugvelli, um kjaradeilu
þeirra og flugmálastjórnar. Eins og
fram kom í DV í gær hafa bruna-
verðirnir hótað að ganga út eftir
slétta viku eftir að hafa verið sagt
upp tuttugu tíma fastri yfirvinnu á
vellinum. Brunaverðirnir telja að
þar með hafi þeim í raun verið sagt
upp störfum.
Lára V. Júlíusdóttir, lektor í
vinnumarkaðsrétti við Háskóla Ís-
lands, telur brunaverðina í rétti með
fyrirhugaðar aðgerðir sínar.
Áratuga hefð fyrir greiðslunni
„Það er áratuga hefð fyrir þess-
ari greiðslu,“ segir Guðni um hina
svokölluðu sporslu; viðhalds- og
ræstingaverkefni sem brunaverð-
irnir sinna í yfirvinnu. Samkvæmt
upplýsingum frá Landssambandi
slökkviliðs- og sjúkraflutninga-
manna, hefur hún verið hluti af
launagreiðslum frá árinu 1967.
„Þetta er hluti af þeirra föstu kjör-
um. Það þarf að semja um þetta.
Það er okkar álit.“
Aðspurður hvort sérstaklega sé
kveðið á um sporsluna í kjarasamn-
ingum segir Guðni svo ekki vera:
„Nei, það er faktískt séð ekki, en það
er áratuga hefð fyrir þessu.“
Guðni segir slökkviliðsmenn-
ina telja kjaraskerðingu á borð við
yfirvinnutapið jafngilda uppsögn.
„Ef laun þeirra eru lækkuð um tut-
tugu prósent, er það í raun uppsögn
á starfi.“
Ekki hluti af kjarasamningum
Friðþór Eydal, upplýsingastjóri
Flugmálastjórnar, staðfestir að
sporslan sé ekki hluti af kjarasamn-
ingum. „Það er kveðið á um sporsl-
una í starfslýsingu, ekki kjarasamn-
ingi.“
Þó Friðþór jánki því að starfslýs-
ingin sé lögð til grundvallar ráðn-
ingu starfsmanns þykir honum ekki
óeðlilegt að breytingar geti orð-
ið á henni. Hann segir að þau störf
sem felld eru út úr starfslýsingunni
séu umfram meginstörf og ábyrgð-
arhlutverk slökkviliðsmanna al-
mennt.
„Ef það er ekki þörf á því leng-
ur að starfsmaður sinni ákveðnu
starfi fellur það niður,“ segir Frið-
þór og vísar til 19. greinar laga
um réttindi og skyldur starfs-
manna ríkisins.
Þar er kveðið á um að op-
inberum starfsmönnum sé
skylt að hlíta breytingum
á verksviði sínu. Ef breyt-
ingarnar hafa í för með sér
skert launakjör skal við-
komandi starfsmaður halda
óbreyttum kjörum jafnlang-
an tíma og réttur hans til upp-
sagnarfrests er samkvæmt
ráðningarsamningi. Samkvæmt
ráðningarsamningi brunavarð-
anna er uppsagnarfresturinn þrír
mánuðir. Þeim var sagt upp sporsl-
unni 28. apríl.
Enn sem komið er hafa engir
brunaverðir sagt upp störfum né
hafa þeir tilkynnt Flugmálastjórn að
þeir hyggist ganga út 1. ágúst.
Hafa rétt til aðgerða
Lára V. Júlíus-
dóttir, lektor í
vinnumark-
aðsrétti við
Háskóla
Ís-
lands, telur að fyrirhugaðar aðgerð-
ir brunavarðanna standist lög. Hún
segir þó líklegt að fyrir dómi gæti
orðið ágreiningsefni hvort starfslýs-
ingin skoðist sem hluti af ráðning-
arsamningi eður ei. Að sögn Láru er
ekki hægt að breyta ráðningarkjör-
um einhliða nema segja samningn-
um upp.
„Auðvitað er þetta hluti af þeim
forsendum sem fólk gengur að þeg-
ar það ræður sig til vinnu,“
segir Lára. „Ég er
svo sem ekkert að
hvetja til þess
að fólk sé að ganga úr vinnu und-
ir slíkum kringumstæðum, en þeir
hafa væntanlega rétt til að gera það.
Það þarf að nálgast þessi ráðning-
armál af ákveðinni nærfærni í garð
starfsmannanna. Það er ekki hægt
að henda þeim til og frá og ætlast
svo til þess að fólkið haldi áfram að
vinna.“
„Það þarf að nálgast þessi ráðningarmál af
ákveðinni nærfærni í garð starfsmannanna. Það
er ekki hægt að henda þeim til og frá og ætlast
svo til þess að fólkið haldi áfram að vinna.“
HafstEinn gunnar Hauksson
blaðamaður skrifar hafsteinng@dv.is
flug Millilandaflugi á
íslandi er stefnt í voða með
fyrirhuguðum aðgerðum
brunavarða.
slökkviliðið á vellinum
Hefur rétt til aðgerða að
mati láru V. júlíusdóttur,
lektors í vinnumarkaðsrétti.
Mynd dV / gúndi