Dagblaðið Vísir - DV - 01.08.2008, Page 6

föstudagur 1. ágúst 20086 Fréttir DV
Sandkorn
n Hinrik Kristjánsson, fyrr-
verandi útgerðarmaður, er
fimmti tekjuhæsti einstakling-
ur lands-
ins, þrátt
fyrir að hafa
selt frá sér
útgerðarfé-
lagið Kamb
á Flateyri
með kvein-
um um að
reksturinn
væri óbærilegur. Svo vildi til
að Hinrik náði að selja flest-
ar eignir Kambs, kvóta þar á
meðal, nokkrum dögum áður
en út kvisaðist að Einar Guð-
finnsson sjávarútvegsráðherra
ætlaði að minnka kvótann um
þriðjung. Hinrik býr nú í glæsi-
höll í Hafnarfirði sem hann
borgaði fyrir með beinhörðum
peningum, eins og greint hefur
verið frá í Séð og heyrt.
n Glúmur Baldvinsson, al-
þjóðastjórnmálafræðingur og
fyrrverandi fjölmiðlamaður,
hefur tekið til starfa sem sér-
legur verk-
efnisstjóri
í vatns- og
hreinlætis-
verkefnum
í Malaví,
á vegum
Þróunar-
samvinnu-
stofnunar
Íslands. Ráðningin tók gildi
snemmsumars. Í Malaví starfar
Glúmur við hlið flokksbróður
síns í Samfylkingunni, Stef-
áns Jóns Hafstein, sem nú er
umdæmisstjóri ÞSSÍ í Mal-
aví, ásamt því að flytja pistla í
Ríkisútvarpinu. Þróunarsam-
vinnustofnun er stjórnað af
flokksbróður Glúms og Stefáns,
Sighvati Björgvinssyni.
n „Það er vond fjárfesting að
kaupa kjólföt. Og það er leið-
inlegt að leigja sér föt. Og þetta
er asnalegur klæðnaður,“ sagði
Egill Helgason í gær, Grétari
Mar Jónssyni þingmanni til
stuðnings. Grétar ætlar nefni-
lega ekki að mæta í embætt-
istöku Ólafs Ragnars Gríms-
sonar, sem fer fram í dag með
viðhöfn, og sagði frá þessu í
DV í gær. Gert er að skilyrði að
karlmenn klæðist kjólfötum
við athöfnina. Egill er hissa:
„Er virkilega svo mikið tildur
í kringum forsetaembættið að
þess sé krafist að gestir séu eins
og mörgæsir til fara við þessa
athöfn? Maður vonar eiginlega
að þetta sé misskilningur.“
n Það er ekki þrautalaust fyrir
fólk af kenískum uppruna að
komast til Íslands eða dvelja
hér. Paul
Ramses var
rekinn úr
landi fyrir
skemmstu á
sama tíma
og Lucy
Mwangi,
kenísk
eiginkona
Íslendings, gerði árangurslaus-
ar tilraunir til þess að komast
til landsins. Lucy er nú loks-
ins komin til landsins, en til
þess þurfti hún að sækja um
vegabréfsáritun til Belgíu, en
dönsku sendiráði í Lundún-
um þóknaðist ekki að afgreiða
umsókn hennar. Paul Ramses
dvelur nú í búðum fyrir hælis-
leitendur á Ítalíu.
sigtryggur@dv.is
Ástandið á fasteignamarkaðnum gerir ungu fólki gífurlega erfitt fyrir að fóta sig.
Mjög erfitt er að festa kaup á íbúð og okurverð er ríkjandi á leigumarkaðnum. Á sama
tíma eru á annað þúsund umsækjendur á biðlista eftir stúdentaíbúðum, þar sem verð-
ið hefur einnig hækkað. Pétur Georg Markan, framkvæmdastjóri stúdentaráðs, seg-
ir að á erfiðum tímum séu stúdentar nú fórnarlömb niðurskurðar.
UNGA FÓLKIÐ
ÚT UNDAN
Kreppan á fasteignamarkaðnum og
mjög erfiðar aðstæður síðustu mán-
uði til þess að festa kaup á íbúð hafa
gert það að verkum að leiguverð hef-
ur hækkað mjög mikið og raunar tek-
ið stökk á síðustu þremur mánuðum.
Á sama tíma er nær ómögulegt fyrir
ungt fólk að komast að í stúdentaí-
búðum, því á annað þúsund manns
eru nú á biðlistum. Um það bil tíu
prósent þeirra sem eru á biðlista
geta átt von á því að fá íbúð á þessu
úthlutunarári.
Okur á leigumarkaðnum
Hjá leigumiðlunarfyrirtækinu
leigulistinn.is, má meðal annars
finna á skrá 10 fermetra herbergi í
miðborg Reykjavíkur til leigu á sjötíu
þúsund krónur á mánuði. Gangverð
fyrir þessa stærð af herbergjum er þó
um það bil fimmtíu þúsund krónur.
Algengt leiguverð fyrir tveggja her-
bergja íbúð á höfuðborgarsvæðinu
er um hundrað og þrjátíu þúsund
krónur á mánuði og upp í hátt í tvö
hundruð þúsund krónur á mán-
uði. Hæsta verðið fyrir 90 fermetra,
tveggja herbergja íbúð er þrjú hundr-
uð þúsund krónur á mánuði.
Vísitala leiguverðs hefur hækkað
í hverjum einasta mánuði síðastliðin
þrjú ár, samkvæmt tölum Hagstofu
Íslands. Í júlí árið 2005 stóð vísitalan
í 200,7 stigum og hefur stigið jafnt og
þétt síðan þá. Á síðustu árum hefur
vísitalan aldrei hækkað jafnhratt á
milli mánaða og hún gerði í maí, júní
og það sem af er þessum mánuði.
Hún hefur hækkað úr 264 í lok apríl
og upp í 288 stig eins og hún stend-
ur nú.
Tólf hundruð á biðlista eftir
stúdentagörðum
Rúmlega tólf hundruð manns eru
á biðlista hjá Stúdentagörðum Fé-
lagsstofnunar stúdenta.
Hákon Örn Arnþórsson, rekstrar-
stjóri Stúdentagarða, segist vonast til
þess að um það bil 150 umsækjend-
ur á biðlistanum fái íbúð í úthlutun-
inni sem nú er í gangi. „Við finnum
mjög fyrir því að fólk bráðvantar íbúð
og ég hef fulla samúð með þeim sem
þurfa á íbúð að halda, því það er vont
að þurfa að segja nei,“ segir Hákon.
Í mars undirrituðu borgaryfirvöld
viljayfirlýsingu um að finna stað fyr-
ir um það bil sex þúsund stúdenta-
íbúðir á næstu árum. „Fólk vantar
mjög mikið íbúð, okkar draumur er
að geta veitt um 15 prósentum nem-
enda við Háskóla Íslands íbúðir,
við erum hins vegar langt undir því
markmiði. Við getum veitt um 7 pró-
sentum nemenda íbúðir núna.“
Miðað við núverandi hraða á út-
hlutunum íbúða, má áætla að nemi
geti hafið háskólanám og um það
leyti sem hann lýkur framhaldsnámi,
geti hann mögulega átt von á því að
fá íbúð.
Erfitt ástand
„Ég met það ekki svo að það sé
erfitt fyrir ungt fólk að kaupa íbúð.
Það er eiginlega ekki hægt,“ segir Pét-
ur Georg Markan, framkvæmdastjóri
stúdentaráðs Háskóla Íslands. Pét-
ur skrifaði nýlega grein
í blöðin þar sem hann
mót-
mælti
því að
hækka þurfti leiguverð á stúdenta-
íbúðum, nákvæmlega því sem nemur
þverrandi stuðningi borgaryfirvalda
við Félagsstofnun stúdenta á síðustu
árum. Í kjölfarið fundaði Pétur ásamt
öðrum fulltrúum stúdentaráðs með
Ólafi F. Magnússyni og Hönnu Birnu
Kristjánsdóttur. Pétur er bjartsýnn á
að borgaryfirvöld muni sýna stúd-
entum skilning. „Þegar hart er í ári
þarftu félagslega aðstoð og þá er ekki
tíminn til að skera niður gagnvart
stúdentum.“
Hann segist finna mikið fyrir því
að ungt fólk sé í vandræðum á hús-
næðismarkaðnum, ofan á það að
nær ómögulegt er fyrir ungt fólk að
festa kaup á íbúð bætist okur á leigu-
markaði og enn syrtir í álinn þegar
leiguverð á stúdentaíbúðum hækkar.
„Það er pattstaða í gangi núna. Marg-
ir sem eru að útskrifast og hafa þess
vegna ekki rétt á stúdentaíbúðum
eru í vandræðum, því nú þurfa þeir
að fara að koma sér inn á þennan erf-
iða markað.“
„Þegar hart er í ári
þarftu félagslega að-
stoð og þá er ekki tím-
inn til að skera niður
gagnvart stúdentum.“
valGEIR ÖRN RaGNaRSSON
blaðamaður skrifar: valur@dv.is
Stúdentaíbúðir á annað þúsund manns eru
samanlagt á biðlistum eftir stúdentaíbúðum.
Háskólanemar rúmlega 1.200 nemar
eru á biðlista eftir húsnæði hjá stúdenta-
görðum félagsstofnunar stúdenta.