Dagblaðið Vísir - DV - 06.11.2008, Page 21
fimmtudagur 6. nóvember 2008 21Vesturland
„Þetta er fjórði söngleikurinn sem við setjum
upp og okkur fannst tími til að breyta aðeins
til og taka sögu sem tengist námsefninu okkar,“
segir Einar Viðarsson, leikstjóri og einn þriggja
höfunda söngleiksins Vítahrings sem Grunda-
skóli á Akranesi frumsýnir í dag. Söngleikurinn
er byggður á samnefndri sögu Kristínar Steins-
dóttur en hún er aftur byggð á Harðar sögu
Grímkelssonar sem er ein Íslendingasagna.
„Við lögðum líka upp með þessa sögu vegna
þess að hún tengist svæðinu okkar og Hvalfirð-
inum. Við ákváðum því að tengja þetta saman
og poppa kannski aðeins upp Íslendingasög-
urnar í söngleik,“ segir Einar og hlær.
80 krakkar koma að söngleiknum
Sagan fjallar um örlög Harðar og manna
hans sem lifa í skugga hræðilegra atburða en
í söngleiknum er tekinn örlítið annar vink-
ill á söguna. „Við skyggnumst aðeins á bak við
tjöldin og horfum meira á atburðina í gegnum
krakkana í sögunni og þá sérstaklega með aug-
um Grímkels, sonar Harðar,“ lýsir Einar. Auk
hans eru höfundar Flosi Einarsson og Gunn-
ar Sturla Hervarsson en þeir eru allir kennarar
við Grundaskóla. Leikstjórn er í höndum Ein-
ars og Gunnars og Flosi er tónlistarstjóri. Lögin
og textarnir voru hins vegar samvinnuverkefni
allra félaganna þriggja og segir Einar lögin vera
afar fjölbreytt.
Aðalnúmerin eru þó vitanlega krakkarnir;
nemendur í 8. til 10. bekk Grundaskóla. Áttatíu
krakkar koma að uppfærslunni á einn eða ann-
an hátt, þar af eru þrjátíu og fimm með hlutverk
í söngleiknum á meðan aðrir eru til að mynda
í hári og förðun, vinnu við leikskrána og miða-
sölu. „Verkefnið heilt yfir er því rosalega mikill
skóli,“ segir Einar. „Og þetta hefur gengið lygi-
lega vel, eins og í hin skiptin sem við höfum sett
upp söngleik. Krakkarnir eru líka frábærir. Þeir
eru svo opnir og áhugasamir um verkefnið.“
Betri námsárangur
Fyrsti söngleikurinn sem Grundaskóli setti
upp var Frelsi, árið 2002, Hunangsflugur og
villikettir fylgdi í kjölfarið þremur árum síðar
og Draumaleit var svo sett upp í fyrra. Að með-
altali hafa hátt í tvö þúsund og fimm hundr-
uð manns séð hverja uppfærslu auk þess sem
geisladiskar með tónlistinni hafa selst mjög
vel. Þremenningarnir Einar, Gunnar og Flosi
hafa staðið á bak við alla söngleikina og eru
hvergi nærri hættir. Það sé enda ekki hægt þeg-
ar horft er til þess hversu efnilegir listamenn
séu í Grundaskóla.
„Ég held að við eigum ótrúlega efnilega
krakka hérna á Akranesi. Þessum krökkum eru
allir vegir færir í framtíðinni, hvort sem er í leik,
dansi eða söng. Það sem stendur líka upp úr í
þessu er að krakkarnir eru að ná betri námsár-
angri eftir að hafa tekið þátt í svona verkefni.
Þetta sýndi athugun sem kennaranemar gerðu
eftir uppfærsluna á Hunangsflugum og villi-
köttum. Þetta er nefnilega svo mikill agi.“
Frumsýningin í kvöld hefst klukkan 20 og er
uppselt á hana en næstu sýningar eru á laugar-
dag og sunnudag. Miðasala er í síma 433 1400
á skrifstofutíma.
Nemendur í Grundaskóla á Akranesi frumsýna söngleikinn Vítahringur í kvöld. Þetta er fjórði söngleikurinn
sem nemendur skólans setja upp á síðustu sex árum. Annar leikstjóranna, Einar Viðarsson, segir krakkana ná
betri árangri í skólanum eftir að hafa tekið þátt í svona verkefni.
Söngleikir stuðla
að betri námsárangri
Einar Viðarsson, höfundur og leikstjóri
„Þessum krökkum eru allir vegir færir í framtíðinni,
hvort sem er í leik, dansi eða söng,“ segir einar.
Í karakter einn leikari framtíðarinnar í karakter á
æfingu.
Eftirvænting eftirvæntingin leynir sér vart í
augum þessarar stúlku í stund milli stríða á æfingu.
Æfing Krakkarnir hafa
æft stíft undanfarið.
Þjóðinni blæðir út
„Bankarnir höfðu farið fram með slík-
um ólíkindum að þjóðin var orðin veð-
sett fyrir hundruð milljarða. Og það án
þess að nokkur hafi verið látinn vita.“
ir hafa farið mjög illa út úr kvótaskerðingum und-
anfarinna ára. Hins vegar hefur mesta þenslan
náð um það bil frá Selfossi, um höfuðborgar-
svæðið og nánast upp í Borgarnes, ásamt auðvit-
að Austfjörðum. Það eru þessir staðir sem verða
harðast úti núna.“
Vilhjálmur útskýrir að margar fjölskyldur
muni ganga í gegnum gríðarlega sársaukafulla
tíma á næstunni. „Það má ekkert fara í grafgöt-
ur með það. Fólk er mjög skuldsett og menn geta
reynt að setja sig í spor þeirra sem núna eru að
missa lífsviðurværið. Í hvers lags ástandi eru
þessar fjölskyldur? Það er varla hægt að útskýra
hversu sárt þetta er fyrir fólk. Nú verðum við að
vonast til þess að þessi dýfa verði sem allra styst.
Ég ber töluverðan kvíðboga fyrir því að þetta
ástand muni vara lengur en góðu hófi gegnir.“
stéttarfélögin mikilvæg
„Ef verkalýðs- og stéttarfélög eru einhvern
tímann mikilvæg, þá er það á tímum sem þess-
um,“ segir Vilhjálmur. „Í morgun var ég í fyrir-
tæki þar sem þrettán var sagt upp. Í sömu andrá
var tilkynnt um breytingu á vaktafyrirkomulagi á
þessum vinnustað sem á að taka gildi eftir þrjá
daga. Þessar aðgerðir eru andstæðar öllum regl-
um í kjarasamningum. Þetta fyrirtæki, og öll önn-
ur, verður auðvitað að fara eftir þeim reglum sem
gilda um íslenskan vinnumarkað, burtséð frá því
hversu framandi og erfiðar aðstæðurnar eru.“
Hann segir að nú sé mikil hætta á því að þeir
sem neyðist til þess að þiggja atvinnuleysisbæt-
ur hætti að greiða félagsgjöld í stéttarfélög. Fólk
missi þá sín réttindi til lögfræðiaðstoðar, sjúkra-
dagpeninga og önnur réttindi sem fylgi því að
greiða félagsgjöldin. „Þess vegna er mjög áríð-
andi fyrir þá sem sækja um atvinnuleysisbætur
að haka við reitinn þar sem gefinn er kostur á því
að halda áfram að greiða félagsgjöld.“
Hann segir að eins og nú ári minnki greiðslur
til Verkalýðsfélags Akraness á sama tíma og út-
gjöld félagsins aukist. „Það stendur alls ekki til að
skerða réttindi fólks. Þetta er einfaldlega eitthvað
sem við verðum að fylgjast grannt með.“
enginn lagði fyrir
„Okkar vinna í verkalýðsfélögunum felst fyrst
og fremst í því að veita félagsmönnum ráðgjöf
og aðstsoð. Við veitum til að mynda ókeypis lög-
fræðiaðstoð auk þess sem við sjáum um inn-
heimtu á launum þegar til kastanna kemur.“ Fé-
lagsmenn eigi rétt á bótum úr sjúkrasjóði auk
þess sem hægt sé að sækja um styrki til endur-
menntunar, styrki til sálfræðimeðferðar og ýmis-
legs fleira.
„Það er sennilega fyrst núna sem fólkið í land-
inu byrjar að finna það hve sársaukafullar þess-
ar hremmingar okkar eru. Það er ansi hætt við
að meira eigi eftir að dynja á okkur af slíku, og þá
verðum við í stéttarfélögunum að vera reiðubúin
til þess að hjálpa,“ segir Vilhjálmur.
„Það furðulegasta í þessu öllu er þó að fyr-
irtækin í landinu, sem nú hafa farið í gegnum
eitt blómlegasta hagvaxtarskeið Íslandssögunn-
ar skuli ekki eiga neina varasjóði. Enginn virðist
hafa lagt krónu fyrir.“ sigtryggur@dv.is
Óselt og óklárað vilhjálmur
bendir á að frost á fasteigna-
markaði geti orðið til þess að
lengja kreppuástandið.