Dagblaðið Vísir - DV - 26.03.2010, Blaðsíða 38

F Ö S T U DAG U R 26 . M AR S 201038
„Ég byrjaði á að lita hana og setti svo
mikið af misstórum rúllum í hárið.
Krullur eru að koma sterkar inn og
sérstaklega þær frá stríðsárunum og í
kringum 1930 eða þegar alvöru krepp-
an skall á,“ segir Jón Aðalsteinn Sveins-
son hárklippir og eigandi KRISTU/
Quest þegar hann er spurður út í hár-
greiðslur brúða á stóra daginn.
Allt í kross
Jón Aðalsteinn, sem er betur þekktur
sem Nonni Quest, segir margt í gangi
í hártísku í dag en að það skili sér ekki
endilega í brúðargreiðsluna. „Flest-
ar brúðir velja öruggu leiðina enda
er þetta mjög stór dagur í lífi kvenna
og þær vilja að brúðkaupsmyndirnar
standi tímans tönn. Sem betur fer eru
þó alltaf einhverjar sem eru tilbúnar
að fara út fyrir boxið,“ segir Nonni og
bætir við að greiðslan sem hann hafi
valið að þessu sinni sé blanda af rokka-
billí, sixtís og krepputímabili.
„Við lifum á svo skemmtilegum
tímum þar sem næstum allt er leyfi-
legt. Þetta er ekki lengur eins og þeg-
ar amma og afi voru að gifta sig og það
var bara ein greiðsla í gangi. Brúður
með þessa greiðslu gæti þess vegna
farið í 70’s eða 80´s kjól og þannig
blandað saman kynslóðum og búið til
sína eigin tísku. Það skemmtilega við
tískubransann í dag er að ef þú ert með
grunninn á tæru geturðu leikið þér að
blanda tímabilunum saman og fengið
spennandi útkomu. Hins vegar verð-
urðu að vera með allar reglur á hreinu
áður en þú byrjar að brjóta þær því
annars getur útkoman orðið skelfileg.“
Mad Man-herrar
Nonni segir herrana komna með flotta
gamaldags herraklippingu. „Ekkert
ólíkt þeim sem við sjáum í Mad Man-
þáttunum og þessi mottumars hefur
smellpassað við þær greiðslur,“ segir
hann og bætir við að hann sé ánægður
með það frábæra framtak. „Herrarnir
láta klippa sig dálítið fyrir stóra daginn
en koma svo í vikunni á undan og láta
skerpa á klippingunni svo þeir líti ekki
út fyrir að vera nýklipptir. Hins vegar
hentar það þessari old school-klipp-
ingu ansi vel að vera nýklipptur.“
Brjálaðir litir væntanlegir
Varðandi liti segir Nonni ýmsa rauða
liti væntanlega. „Hárið er búið að vera
náttúrulegt í langan tíma núna og ég
hef mjög gaman af að sjá þessa rauðu
liti enda langt síðan þeir fengu að njóta
sín. Eins spái ég því að við förum að sjá
meira af brjáluðum litum, annaðhvort
sem heilliti eða skreytitóna og ég er
farinn að finna fyrir meiri móttæki-
leika hjá viðskiptavinum varðandi lita-
gleði. Á sjálfan brúðkaupsdaginn velja
flestar konur að fara hefðbundnu leið-
ina bæði í greiðslu og lit þótt það séu
alltaf einhverjar sem þora að prófa
eitthvað nýtt. Þótt þessi dagur sé stór
og myndirnar mikilvægar finnst mér
að við getum horft á brúðkaupsmynd-
irnar í framtíðinni og einfaldlega sagt;
við vorum ung og þetta var málið á
þeim tíma. En þetta er bara misjafnt
eins og við öll.“
Falleg húð mikilvægust
G. Beta Ómarsdóttir, förðunarfræð-
ingur og hinn eigandi KRISTU/Quest,
farðaði brúðina. „Ég notaði náttúru-
lega förðun sem er í anda týpunn-
ar. Förðun fer alltaf eftir týpum en
náttúruleg förðun hefur verið áber-
andi upp á síðkastið og þá er vinsælt
að leita í Mac Face og Body-farðann.
Þannig náum við húðinni eðlilegri og
án mattrar áferðar né glansandi,“ seg-
ir G. Beta og bætir við að það sé mis-
jafnt hversu öruggar konur séu í sinni
sök varðandi förðun á brúðkaupsdag-
inn. „Þær eldri eru oftast óöruggari en
þær yngri vita flestar hvað þær vilja.
Annars fer þetta bara eftir persónum,
sumar eru með allt á hreinu en aðr-
ar vita ekki í hvorn fótinn þær eiga að
stíga,“ segir hún og bætir við að líkt og í
hári sé förðun á brúðkaupsdaginn oft-
ast hefðbundin. „Flestar leggja mest
upp úr því að húðin sé falleg og ekki of
mött né glansandi. Við viljum náttúr-
lega allar vera sléttar og sætar.“
indiana@dv.is
Nonni Quest, hárklippir og eigandi KRISTU/Quest, segir flestar konur velja öruggu leiðina þegar komi að
hárgreiðslunni á brúðkaupsdaginn. Nonni segir krullur koma heitar inn en í dag sé þetta ekki eins og þegar
amma og afi voru að gifta sig þegar ein greiðsla var í gangi. Nú sé nánast allt í tísku.
Lúkkið verður að
standast tí ans tönn
Falleg Fyrirsætan er
með fallegar krullur
af ýmsum stærðum í
hárinu og náttúrulega
förðun. MYND KRISTINN
MAGNÚSSON