Fréttablaðið - 13.06.2015, Qupperneq 82

FÓLK|HELGIN
LEITA FYRST
Á GOOGLE
58 prósent sögðust yfirleitt
byrja á því að slá leitarorð inn í
Google. Helmingur þeirra sem
notuðu leitarvélar sagðist ýta á
efsta valkostinn.
Netið er góð leið til að afla sér upplýsinga um hin ýmsu málefni.
Vísindamenn við Northwes-
tern-háskólann í Evanston í
Bandaríkjunum gerðu nýlega
könnun á því hvort bandarískir
unglingar leituðu sér upplýs-
inga um heilsutengd málefni á
netinu.
Í ljós kom að átta af tíu
unglingum hafa leitað upplýs-
inga um heilsu á netinu og að
þriðjungur þeirra hafa breytt
hegðun sinni vegna upplýsinga
sem þeir fundu á netinu. Þann-
ig prófuðu sumir unglingar
heilsusamlegra fæði, minnkuðu
gosdrykkju eða æfðu þegar
þeim leið illa.
Þrátt fyrir þetta er netið þó
aðeins í fjórða sæti yfir það
hvar unglingar leita vitneskju
um heilsutengd mál. Könnunin
sýndi að 55 prósent unglinga
fá mikið af upplýsingum um
heilsuna frá foreldrum sínum,
32 prósent úr heilsuáföngum í
skóla, 29 prósent frá læknum
og hjúkrunarfræðingum og 25
prósent á netinu.
1.200 bandarískir unglingar á
aldrinum 13 til 18 ára tóku þátt
í könnuninni sem lögð var fyrir
í lok árs 2014 og fram til 2015. Í
könnuninni, sem lögð var fyrir
á netinu, voru unglingar spurð-
ir hvernig þeir leituðu uppi,
fengju og mætu heilsutengdar
upplýsingar.
Fjórðungur unglinganna
sagðist fá mikið af upplýs-
ingum um heilsu á netinu og
meira en þriðjungur sagðist
fá einhverjar upplýsingar um
heilsu á netinu.
84 prósent höfðu leitað eftir
upplýsingum um heilsu í það
minnsta einu sinni. 58 prósent
sögðust yfirleitt byrja á því
að slá leitarorð inn í Google.
Helmingur þeirra sem notuðu
leitarvélar sagðist ýta á efsta
valkostinn en unglingarnir
töldu hann vera best til þess
fallinn að svara spurningum
þeirra.
Sumir hafa varað við þeirri
þróun að unglingar leiti sér
upplýsinga á netinu þar sem
sum ráð sem má finna þar geti
fremur skaðað en komið að
gagni. Því er mælt með að for-
eldrar ræði vel við unglinga og
bendi þeim á að skoða ávallt
uppruna allra upplýsinga með
gagnrýnum augum.
Unglingar eru þó ekki alveg
fæddir í gær. Þannig kom í ljós í
könnuninni að aðeins 14 prósent
þeirra treystu síðum sem end-
uðu á .com miðað við 37 sem
treystu .edu-endingu. Aðeins tíu
prósent sóttu sér upplýsingar
um heilsu af samskiptamiðlum á
borð við Twitter og Facebook.
Skólaverkefni voru helsta
ástæða þess að unglingar
leituðu upplýsinga um heilsu
á netinu en 45 prósent leituðu
leiða til að bæta eigin heilsu.
Aðrir leituðu meðal annars upp-
lýsinga um sjúkdómseinkenni
eða leituðu upplýsinga fyrir fjöl-
skyldu og vini.
LEITA HEILSUUPPLÝSINGA Á NETINU
UNGLINGAR OG NETIÐ Átta af tíu bandarískum unglingum leita að upplýsingum um heilsutengd málefni á netinu og rétt um þriðj-
ungur þeirra hefur breytt hegðun sinni eftir upplýsingum sem fengust á netinu. Upplýsingunum þarf þó að taka með fyrirvara.
Á NETINU Netið er uppspretta upplýsinga en margar hverjar eru ekki kórréttar. Því þarf að vanda valið þegar leitað er ráða um mikilvæg málefni. NORDICPHOTOS/GETTY
Smáralind
facebook.com/CommaIceland
allar
yfirhaf
nir á
20%
afslæt
ti
fitusýrur hjálpa til að halda húðinni
sléttri og rakafullri
MEGA OMEGA 3
HUGSAÐU UM HEILSUNA
FRÁ UPPHAFI
www.gulimidinn.is