Gerðir kirkjuþings - 1984, Síða 24

16
20. 24. mál.
Nefndin bendir á 32. mál yfirstandandi þings, um vanda safnaða í nýjum íbúðahverfum í þétt-
býli.
Jafnframt hvetur nefndin Kirkjuráð og allt gott kirkjufólk til að ljá því máli sem hér er um rætt
lið sitt, svo að það fái góð málalok hjá Alþingi.
21. 26. mál.
Nefndin styður þá umfjöllun, sem þetta mál hefir fengið á þinginu, vissulega þarf að halda því
vakandi, og þarft væri að nýta á einhvern hátt það tækifæri sem gefst þegar biskupsembættið flyt-
ur í eigið húsnæði.Eins og áður segir, væntir nefndin mikils af niðurstöðum kirkjueignanefndar,
en bendir um leið á, að brýnt er að finna Kristnisjóði nýja og trygga tekjustofna.
22. 29. mál.
Nefndin væntir þess, að þetta mál hafi komist inn á héraðsfundi frá prófastafundinum og fái
þar nauðsynlega könnun og góða meðferð. Nefndin er sammála um það, að nauðsynlegt sé að
endurskoða alla kirkjugarðalöggjöfina.
23. 30. mál.
Nefndin styður það, að þessu máli verði vísað til væntanlegrar nefndar til undirbúnings hátíðar-
halda vegna 1000 ára afmælis kristnitökunnar.
24. 31. mál.
Nefndin spyr, hvort þess sé að vænta að kirkjumálaráðherra skipi umrædda nefnd?
25. 33.—35. mál.
Nefndin tekur undir með Kirkjuráði, að brýnt sé að rödd kirkjunnar heyrist í þessu máli sem
öðrum.
26. 38. mál.
Nefndin væntir þess einnig að þetta mál fái góðan framgang á Alþingi og skorar á kirkjuþings-
menn og allt gott kirkjufólk að ljá því lið.
27. 40. mál.
Því miður hefir ekki gefist tími til þess að þingið fjallaði gaumgæfilega um tillögur þeirrar
nefndar, er Kirkjuráð skipaði til að yfírfara og vinna úr álitsgerð um starfsskipulag kirkjunnar, er
nefndanefnd lagði fyrir kirkjuþing 1983.
Allsherjarnefnd hvetur Kirkjuráð til að vinna úr þeim tillögum og leggja þá úrvinnslu fyrir næsta
kirkjuþing.
28. Þá hefir allsherjarnefnd fjallað um málefni söngmálastjóra þjóðkirkjunnar og Tónskólans, og
ræddu tveir nefndarmanna við Smára Ólason kennara við skólann og fóru ásamt honum og einum
Kirkjuráðsmanna upp á fjórðu hæð í turni Hallgrímskirkju, en þar er geymt dýrmætt skjala og
bókasafn, er Dr. Róbert A. Ottósson heitinn, fyrrv. söngmálastjóri, ánafnaði skólanum. Safninu
var komið þarna fyrir í bráðabirgðageymslu um skamman tíma, en hefir nú verið þar í nærri tvö
ár, og liggur þar, vægast sagt, undir skemmdum. Einnig tjáði Smári Ólason nefndarmönnum, að
von væri á pípuorgeli til landsins, sem frú Förstermann hefði gefið skólanum. Engir möguleikar
eru á að taka á móti því hljóðfæri.
Ljóst er, að sú aðstaða, sem söngmálastjóra er ætluð í húsinu að Suðurgötu 22, leysir ekki vanda
hans og Tónskóla þjóðkirkjunnar. Brýnt er, að Kirkjuráð beiti sér að því í samráði við söngmála-
stjóra og starfslið skólans að finna lausn á þessu erfiða máli.
29. Að lokum vill allsherjarnefnd árétta það sem kemur fram í skýrslu kirkjufræðslunefndar um