Gerðir kirkjuþings - 1984, Side 26

18
Með skýrslu Kirkjuráðs var lögð fram til kynningar
Reglugerð
um kirkjuþing og Kirkjuráð íslensku þjóðkirkjunnar.
I. kafli.
Um verkefni og valdssvið kirkjuþings.
1. gr.
Kirkjuþing þjóðkirkjunnar fjallar um sameiginleg málefni þjóðkirkjunnar að eigin frumkvæði og
leysir úr þeim málum, sem til þingsins er vísað af hálfu biskups, Kirkjuráðs, Alþingis og kirkjumálaráð-
herra.
2. gr.
Verkefni kirkjuþings eru m.a. þessi helst:
Að eiga frumkvæði að málum, sem horfa til eflingar íslenskrar kristni.
Að veita umsögn og afgreiða þau mál, sem biskup, Kirkjuráð, Alþingi, ráðherra eða aðrir vísa til
þingsins.
Að gera samþykktir um helgisiði og önnur innri málefni kirkjunnar, sem eru því aðeins bindandi, að
biskup og prestastefna staðfesti þær.
Að veita umsögn um eða eiga frumkvæði að samningu lagafrumvarpa og stjórnvaldsreglna, er varða
kirkju, klerkastétt og söfnuði landsins.
3. gr.
Kirkjuþing veitir umsögn um þau atriði varðandi fjármál, sem Kirkjuráð vísar til þingsins og fær
reikninga Kristnisjóðs til athugunar og afgreiðslu. Kirkjuþing hefur tillögurétt um fjárhagsmálefnitil
Kirkjuráðs.
II. kafli.
Um störf kirkjuþings.
4. gr.
Kirkjuþing kemur saman ár hvert, að jafnaði í október. Biskup boðar til kirkjuþings skriflega og með
að minnsta kosti eins mánaðar fyrirvara. Með fundarboði skal senda greinargerð um þau frumvörp til
laga og tillögur til breytinga á reglugerðum og stjórnvaldsreglum, sem Kirkjuráð hyggst leggja fyrir þing-
ið. Kirkjuþing starfar í allt að 10 daga hverju sinni.
5. gr.
Biskup er forseti kirkjuþings og kýs á fyrsta fundi sínum 1. og 2. varaforseta úr hópi kjörinna þing-
fulltrúa, annan guðfræðing og hinn leikmann, og er sá 1. varaforseti er flest fær atkvæði. Á fyrsta fundi
sínum kýs þingið einnig tvo skrifara. Heimilt er að ráða sérstakan þingritara, sem annast færslu
fundargerða undir yfirumsjón og á ábyrgð hinna kjörnu skrifara, enda undirrita þeir fundargerðir.
Biskup annast, í samráði við Kirkjuráð, ráðningu þingritara og annars starfsfólks þingsins og hefur
umsjón með störfum þess.
6. gr.
Að jafnaði skal kirkjuþingsmaður senda til Kirkjuráðs fyrir 1. september ár hvert frumvörp þau, er
hann hyggst flytja á næsta kirkjuþingi. Kirkjuráð skal senda kirkjuþingsmönnum frumvörpin til kynn-