Gerðir kirkjuþings - 1984, Page 39

31
21. gr.
Biskupi er heimilt að ráða æskulýðsprest þjóðkirkjunnar. Þá er biskupi heimilt, með samþykki ráðherra að ráða tvo eða fleiri
æskulýðsfulltrúa til starfa með æskulýðspresti kirkjunnar.
22. gr.
Biskupi er heimilt með samþykki ráðherra að ráða ellimálafulltrúa þjóðkirkjunnar, til þess að aðstoða og leiðbeina sóknar-
prestum og söfnuðum í þjónustu kirkjunnar við aldraða. Jafnframt er biskupi heimilt með samþykki ráðherra að ráða menn til
starfa með ellimálafulltrúa þjóðkirkjunnar.
23. gr.
Biskupi er heimilt með samþykki ráðherra að ráða prest til sérstakrar sjúkrahúsþjónustu, til að þjóna, skipuleggja og leið-
beina um kirkjulegt starf á sjúkrahúsum.
24. gr.
Biskupi er heimilt með samþykki ráðherra að ráða blaðafulltrúa. Skal hann annast tengsl við fjölmiðla og sinna öðrum verk-
efnum samkvæmt ákvörðun biskups.
25. gr.
Biskup setur þeim starfsmönnum erindisbréf, sem fjallað er um í grein 15, 17—19 og 21—24, og kveður á um ráðningartíma
þeirra, sem skal að jafnaði vera 3—5 ár í senn.
26. gr.
Þá er biskupi heimilt með samþykki ráðherra að ráða söfnuðum aðstoðarpresta, þegar sérstakar ástæður eru fyrir hendi.
27. gr.
Laun og annar kostnaður við embætti þau, sem upp eru talin hér að framan, greiðist úr ríkissjóði, samkv. úrskurði ráðherra.
Prestvígðir menn, sem embættum þessum gegna, skulu teljast þjónandi prestar þjóðkirkjunnar. Heimilt er þeim að vinna auka-
verk sóknarpresta á ábyrgð og í umboði þeirra.
28. gr.
Aðrir þeir sem vígslu hljóta til sérþjónustu innan félagssamtaka eða stofnana skulu þjóna á ábyrgð þeirra svo sem nánar er
ákveðið í erindisbréfi, sem biskup setur.
III. kafli.
Um prófasta
29. gr.
Kirkjumálaráðherra skipar prófasta úr hópi þjónandi presta í prófastsdæminu með ráði biskups, er leitað hefur áður álits
þjónandi presta i prófastsdæminu. Sóknarpresti er skylt að takast á hendur prófastsembætti. Biskup getur falið presti eða ná-
grannaprófasti að gegna prófastsembætti um stundarsakir, ef sérstaklega stendur á, svo sem vegna fjarveru prófasts eða veik-
inda hans, eða vegna þess að prófasts missir við.
Nú lætur prófastur af prestsembætti i prestakalli, og verður prófastsembætti þá laust. Nú telur prófastur sér óhægt að gegna
embættinu vegna veikinda eða af öðrum sérstökum persónulegum ástæðum, og er þá heimilt að leysa hann undan því embætti,
þótt hann gegni prestsembætti sínu eftirleiðis.
Kirkjuráð vísar 29. gr. til kirkjuþings.
30. gr.
Prófastur er fulltrúi biskups í prófastsdæminu og trúnaðarmaður hans og hefur í umboði hans almenna umsjón með kirkju-
legu starfi þar. Hann er í fyrirsvari fyrir prófastsdæmið að þvi er varðar sameiginleg málefni þess gagnvart stjórnvöldum, stofn-
unum og einstaklingum.
Nú er kirkjuleg starfsstöð stofnuð í prófastsdæminu, og veitir prófastur henni jafnaðarlega forstöðu og skipuleggur starfsemi
á hennar vegum. Hann er formaður stjómar héraðssjóðs prófastsdæmis, og oddviti héraðsnefndar. Hann boðar héraðsfund í
samvinnu við héraðsnefnd og stjórnar fundum hennar, undirbýr mál, sem sá fundur fær til meðferðar og kemur ályktunum
fundarins til biskups og annarra aðila og fylgir þeim eftir.
31. gr.
Prófastur hefur eftirlit með prestssetrum, kirkjum, og kirknaeignum í prófastsdæmi og bókasöfnum prestakalla, sbr. lög nr.
17/1931 og tilsk. frá 24. júli 1789. Hann skýrir biskupi frá því, sem honum þykir athugavert um þessar eignir, þ.á.m. skort á
viðhaldi, og getur biskup lagt fyrir rétta aðila að bæta úr og sett frest í því skyni. Prófastur framkvæmir úttekt á prestssetrum
(og embættisbústöðum presta) við prestaskipti og þegar prestur flytur í annað húsnæði innan prestakallsins. Hann gerir úttekt á
nýjum kirkjum og kapellum. Prófastur setur nýjan prest í embætti, heimsækir presta og vísiterar kirkjur og söfnuði samkvæmt
nánari ákvæðum í erindisbréfi. Hann fylgir biskupi á visitasíum hans til presta og safnaða í prófastsdæminu.