Gerðir kirkjuþings - 1984, Side 40

32
Prófastur gengur eftir því að starfsskýrslum og endurskoðuðum reikningum sé skilað á réttum tíma, og leggur fyrir héraðs-
fundi með athugasemdum sínum og sóknarnefnda, eftir atvikum, og tillögum um úrlausn. Þá fjallar hann um ágreining, sem
kann að risa milli sóknarprests, sóknarnefndar og safnaðar. Prófastur löggildir gerðabækur og aðrar bækur sóknarnefndar,
eftir þvi sem við á.
Prófastur veitir presti leyfi til fjarvista úr prestakalii um stundarsakir, en leyfi til lengri fjarvista veitir biskup að höfðu sam-
ráði við kirkjumálaráðherra. Prófastur skipuleggur sumarleyfi og önnur samningsbundin leyfi presta í prófastsdæminu.
32. gr.
Prófastur hefur þau afskipti af veitingu prestakalla, sem lög kveða á um. Hann skipuleggur endurmenntun presta, sem
prófastsdæmið beitir sér fyrir í samráði við biskup og prestafélög. Hann sér um bókasafn prófastsdæmis, en guðfræðilegu
bókasafni prófastsdæmis skal komið á fót samkvæmt ákvörðun héraðsfundar og héraðsnefndar fyrir fé, sem veitt kann að vera
á fjárlögum í þessu skyni og úr héraðssjóði, svo og fyrir framlög einstakra manna.
33. gr.
Prófastur hafi þau afskipti af kirkjugörðum, sem lög mæla fyrir um. Hann skoðar þá og heimagrafreiti í vísitasíum sínum til
safnaða.
34. gr.
í hverju prófastsdæmi skal með samþykki ráðherra og að fenginni tillögu biskups leggja prófasti til sérstaka skrifstofu,
prófastsstofu, eða árlegt fjárframlag vegna skrifstofuhalds, eftir því sem ráðuneytið samþykkir.
35. gr.
Launakjör prófasta eru ákveðin með sama hætti og launakjðr presta, að viðhöfðu samráði við Prófastafélag íslands.
Prófastur fær greiðslur úr ríkissjóði vegna ferðalaga í þágu prófastsdæmisins samkvæmt reikningi.
36. gr.
Biskup setur próföstum erindisbréf.
IV. kafli.
Um biskupa og biskupsdæmi íslensku þjóðkirkjunnar
37. gr.
Biskupsdæmi á íslandi skulu vera þrjú: Reykjavíkurbiskupsdæmi, Skálholtsbiskupsdæmi og Hólabiskupsdæmi.
38. gr.
Reykjavíkurbiskupsdæmi nær yfir Reykjavíkur- og Kjalarnessprófastsdæmi.
Skálholtsbiskupsdæmi nær yfir Austurland, Suðurland, Vesturland og Vestfirði, frá Múlaprófastsdæmi til og með ísafjarð-
arprófastsdæmi. Hólabiskupsdæmi nær yfir Norðurland, frá Húnavatnsprófastsdæmi til og með Þingeyjarprófastsdæmi.
Kirkjuráð vísar 38. gr. til kirkjuþings.
39. gr.
Biskup íslands situr í Reykjavík.
Skálholtsbiskup situr í Skálholti.
Hólabiskup situr á Hólum.
Með tilskipun forseta íslands má þó að tillögu kirkjumálaráðherra ákveða önnur biskupssetur innan biskupsdæmanna, enda
mæh tveir þriðju hlutar þjónandi sóknarpresta og formanna sóknarnefnda biskupsdæmisins með því.
40. gr.
Biskup íslands fer með yfirstjórn sameiginlegra mála þjóðkirkjunnar og kemur fram fyrir hennar hönd út á við gagnvart
stjómvöldum og erlendum aðilum í málum, sem varða kirkjuna í heild. Biskup íslands hefur samráð og samstarf við hina
biskupana um ákvörðun mála og getur falið þeim að koma fram fyrir hönd kirkjunnar.
Biskupar fara hver með sérmál biskupsdæmis síns. Þeir vígja presta og kirkjur og hafa tilsjón með kristnihaldi hver í sínu
biskupsdæmi, hafa yfirumsjón með öllu kirkjulegu starfi þar og setja fram tillögur, umsagnir og álitsgjörðir um mál, er varða
biskupsdæmi þeirra sérstaklega. Þeir setja próföstum, prestum og sóknarnefndum erindisbréf. Þeir vísitera kirkjur, presta og
söfnuði biskupsdæmis síns eigi sjaldnar en á fimm ára fresti.
41. gr.
Kirkjuþing og Kirkjuráð hafa aðsetur í Reykjavík. Biskupsstofa þar annast afgreiðslu sameiginlegra mála kirkjunnar, einnig
mál kirkjuþings og Kirkjuráðs svo og sérmál Reykjavíkurbiskupsdæmis.
Skálholtsbiskup hefur með Kirkjuráði umsjón Skálholtsstaðar.
Biskup hefur forræði á dómkirkju biskupsdæmis síns og ber ábyrgð á helgihaldi í henni.