Gerðir kirkjuþings - 1984, Page 55

47
1984
15. Kirkjuþing
6. mál
Frumvarp
til laga um breytingu á lögum nr. 75/1981
um tekjuskatt og eignarskatt.
Flm. sr. Jón Einarsson
1. gr.
Fyrri hluti 2. mgr. 68. greinar orðist svo:
Nemi persónuafsláttur skv. 1. mgr. hærri fjárhæð en reiknaður skattur af tekjuskattsstofni skv. 1. málsl. 1. mgr. 67. gr. skal
ríkissjóður leggja fram fé, sem nemur allt að þeim mun og skal þvi ráðstafað fyrir hvern mann til að greiða eignarskatt hans á
gjaldárinu, síðan sjúkratryggingagjald hans á gjaldárinu því næst sóknargjald hans og kirkjugarðsgjald á gjaldárinu og því sem
þá kann að vera óráðstafað til greiðslu útsvars hans á gjaldárinu.
2. gr.
Milli 5. og 6. töluliðar 3. mgr. 69. gr. komi nýr töluliður, er verði 6. tclul. og hijóði þannig: Sóknargjalds og kirkjugarðs-
gjalds, sem á er lagt á gjaldárinu. - Aðrir töluliðir greinarinnar breytist í samræmi við þetta þannig, að 6. tl. verður 7. og 7. tl. 8.
3. gr.
Lög þessi öðlast gildi 1. janúar 1985.
Greinargerð
með frv. til laga um breytingu á lögum nr. 75/1981 um tekjuskatt og eignarskatt.
Með frumvarpi þessu er lagt til, að ónýttum persónuafslætti manna megi ráðstafa til greiðslu sóknar-
gjalda og kirkjugarðsgjalda. Þessi breyting mundi koma sér mjög vel fyrir lágtekjufólk, einkum ungl-
inga og skólafólk, þar sem stór hluti persónuafsláttarins fellur niður. Jafnframt yrði hér um að ræða
hagræðingu við álagningu og innheimtu þessara gjalda. Staðreynd er, að í dag þarf fjöldi fólks engin
önnur opinber gjöld að greiða en kirkjugjöldin. Veldur álagning þeirra og innheimta fyrirhöfn, sem í
mjög mörgum tilfellum mætti komast hjá, ef lög heimiluðu, að ónýttum persónuafslætti mætti verja til
greiðslu þeirra. Auk þess yrði hér um að ræða nokkra lækkun opinberra gjalda hjá láglaunafólki.
í annan stað er með frumvarpi þessu lagt til, að barnabótum megi ráðstafa til greiðslu sóknargjalda og
kirkjugarðsgjalda, svo sem nú er gert í sambandi við greiðslu tekjuskatts, útsvars og fleiri opinberra
gjalda. Álitamál er um forgangsröð í þessum efnum, en hér er gert ráð fyrir, að kirkjugjöldin yrðu 6. í
röðinni af 8 gjöldum, sem barnabætur gengju til að greiða. Hér yrði einnig um hagræðingaratriði að
ræða í sambandi við álagningu og innheimtu.
Það er skoðun flutningsmanns, að bæði þessi atriði, sem frumvarp þetta tekur til, mundu koma sér
vel fyrir gjaldendur og einnig fyrir kirkjuna.
Málinu vísað til löggjafarnefndar, er samþykkti eftirfarandi málsmeðferð. (Frsm. Ottó A.
Michelsen).