Gerðir kirkjuþings - 1984, Side 68

60
í 5. Mósebók stendur í hvatningarræðu Móse til ísraelsmanna um að halda sáttmálann, í 30. kafla,
19. og 20. versi:
,,Ég kveð í dag bæði himin og jörð til vitnis móti yður, að ég hefi lagt fyrir þig lífið og dauð-
ann, blessunina og bölvunina. Veldu þá lífið, til þess að þú og niðjar þínir megi lifa, með því að
elska Drottin Guð þinn, hlýða raustu hans og halda þér fast við hann, því að undir því er líf þitt
komið og langgæður aldur þinn, svo að þú megir búa í landinu, sem Drottinn sór feðrum þínum,
Abraham, ísak og Jakob, að gefa þeim.”
Trúin á hinn eina Drottin gerir okkur ókleift að taka vonleysið sem síðasta orðið.
,,Af því að þú hefur varðveitt orðið um þolgæði mitt mun ég varðveita þig frá reynslustundinni,
sem koma mun yfir alla heimsbyggðina, til að reyna á þá sem á jörðunni búa.”
Vísað til allsherjarnefndar. Fram voru lögð tvö nefndarálit, meiri og minni hluta. (Frsm. meiri hluta
var Jón Guðmundsson.) Leggja þeir til eftirfarandi samþykkt:
Vegna framkominnar tillögu til þingsályktunar um stuðning við Bænarskrá Vestfirðinga til ríkis-
stjórnar íslands, vill kirkjuþing taka fram, að það telur sig ekki hafa möguleika á að taka efnislega
afstöðu til málsins en vísar til samþykkta þingsins um friðarmál 1983.
Birgir Snæbjörnsson
Jón Guðmundsson
Margrét Gísladóttir
Margrét Jónsdóttir
Frsm. minnihluta var sr. Jón Bjarman. Leggja þeir til eftirfarandi samþykkt:
Kirkjan áréttar samþykkt sína um friðarmál 1983.
Jón Bjarman
Lárus Þorv. Guðmundsson
Sigurpáll Óskarsson
Eftir miklar umræður flutti flutningsmaður málsins sr. Lárus Þorv. Guðmundsson svohljóðandi dag-
skrártillögu:
Með tilliti til að í báðum þeim tillögum, sem hér liggja nú fyrir til afgreiðslu frá allsherjarnefnd, er
ekki ágreiningur um ályktun síðasta kirkjuþings og vegna heiðurs og virðingar þingsins, þá legg ég til að
15. mál þessa yfirstandandi kirkjuþings „Tillaga til þingsályktunar um stuðning íslensku kirkjunnar við
Bænarskrá Vestfirðinga til ríkisstjórnar íslands” verði tekið af dagskrá og næsta mál á dagskránni verði
tekið fyrir.
Var dagskrártillagan samþykkt með 12 samhljóða atkvæðum.