Gerðir kirkjuþings - 1984, Qupperneq 70

62
1984
15. Kirkjuþing
17.mál
Tillaga
til þingsályktunar um málþing í Skálholti.
Flm. sr. Lárus Þorv. Guðmundsson
Kirkjuþing beinir því til Kirkjuráðs að það hlutist til um að ákveðnum aðila t.d. kirkjufræðslunefnd verði falið að gangast
fyrir reglubundnum málþingum í Skálholti í samvinnu við rektor lýðháskólans þar.
Greinargerð
Undanfarin ár hafa verið haldin málþing í Skálholti í húsakynnum lýðháskólans. Má þar nefna ráð-
stefnuna ,,Kirkja og þjóðlíf” 1976, og hin ýmsu málþing Kirkjuritsins, 1979. Þessar samverur áttu það
sameiginlegt að þar skapaðist vettvangur fyrir umræður og skoðanaskipti milli kirkjumanna og hinna
ýmsu faghópa í þjóðfélaginu.
Þó nokkuð stór hópur manna í samfélaginu hefur lítil sem engin samskipti við kirkju og kirkjunnar
menn af ýmsum ástæðum s.s. vegna andkirkjulegra skoðana, þarna gefst tækifæri til að ná til einhverra
í þeim hópi. Það er einnig mörgum alveg ný reynsla að vera samvistum og skiptast á skoðunum við
kirkjufólk. Þeirri áður ókunnri reynslu miðla menn svo til síns umhverfis sem aftur getur leitt af sér
jákvæðari afstöðu til kirkjulegs starfs. Kirkjulegt starf er ekki mikið þekkt úti í samfélaginu og nýtur oft
ekki velvildar þess.
Skálholtsstaður sjálfur er ekki síður mönnum prédikun með helgi sinni, sögu og fögru umhverfi, og
enginn fer þaðan ósnortinn. Málþing gefa gott tækifæri til að ná til manna.
Á málþingum í Skálholti hafa ýmis mál verið tekin til umfjöllunar m.a. hefur verið rætt um myndlist,
friðarmál og bókmenntir.
Árangur af þessum málþingum hefur verið mikill og hafa þau lagt grundvöll að vaxandi samtali og
samstarfi. T.d. er kirkjulistanefnd ávöxtur slíks málþings.
Margir gestir kirkjunnar á þessum málþingum hafa borið það, hversu mikilvæg Skálholtsdvölin hefur
verið þeim og opnað þeim skilning á starfi og viðhorfum kirkjunnar. Sama gildir um þátttakendur af
hálfu kirkjunnar. Undanfarið hefur ekki verið efnt til slíkra málþinga í Skáholti og er það ekki vansa-
laust.
Vísað til allsherjarnefndar er lagði til að tillagan yrði samþykkt þannig orðuð. (Frsm. sr. Birgir Snæ-
björnsson)
Kirkjuþing beinir því til Kirkjuráðs, að það standi fyrir málþingum í Skálholti og víðar í samvinnu við
rektor lýðháskólans þar.
Samþykkt samhljóða.