Gerðir kirkjuþings - 1984, Síða 73

65
1984
15. Kirkjuþing
20. mál
Tillaga
til þingsályktunar um þakkir til Hins íslenzka Biblíufélags og tilmæli
um leiðréttingu á útgáfutölu Biblíunnar frá 1981.
Flm. Sr. Jón Einarsson
Kirkjuþing þakkar Hinu íslenzka Biblíufélagi mikil og blessunarrík störf, að kynningu og útbreiðslu Biblíunnar á Islandi.
Jafnframt beinir Kirkjuþing þeim tilmælum til stjórnar Biblíufélagsins, að hún láti leiðrétta útgáfutölu Biblíunnar frá 1981
og fylgi fram samþykkt síðustu prestastefnu þar um.
Greinargerð
Útgáfa Biblíunnar 1981 er af Hinu íslenzka Biblíufélagi talin hin „tíunda á íslenzku.” Það er ekki rétt,
heldur er um 11. útgáfu að ræða. Útgáfan 1912 er sú 10. í röðinni, en sú 9. er frá árinu 1908, sú, sem
gerð var upptæk. Svo miklar textabreytingar voru gerðar frá 1908 til 1912, að vart er stætt á öðru en að
tala um tvær aðskildar útgáfur.
Vísað til allsherjarnefndar, er taldi rétt að afgreiða 20. mál með hinu 29., þar sem efni þessara tillagna
fellur að nokkru leyti saman. Leggur nefndin því til, að þeim verði steypt saman í eina og orðuð þannig.
(Frsm. sr. Jón Bjarman.)
„Kirkjuþing þakkar Hinu íslenzka Biblíufélagi mikil og blessunarrík störf að kynningu og útbreiðslu
Biblíunnar á íslandi.
Þingið fagnar mikilli útbreiðslu og víðtækri kynningu Biblíunnar, sem íslenska kirkjan og margir
aðrir aðilar hafa gengist fyrir á yfirstandandi Biblíuári.
Þingið hvetur alla landsmenn til að gefa meiri gaum hinu ritaða Orði Guðs og láta það í raun og veru
verða leiðarljós í daglegu lífi.”
Samþykkt samhljóða.