Gerðir kirkjuþings - 1984, Page 92

84
1984
15. Kirkjuþing
39. mál
Tillaga
til þingsályktunar um könnun á stöðu
minningardaga i kirkjunni.
Flm. sr. Birgir Snæbjörnsson
Prestar í Eyjafjarðarprófastsdæmi beina því til biskups að kanna hvort þeir minningardagar sem á undanförnum árum hafa
skotið upp kollinum séu þess eðlis að þeir verði að árvissum atburðum.
Teljum við kirkjuárið nú þegar orðið svo varðað slíkum minningardögum að til vandkvæða horftr. Teljum við slæmt þegar
þess er getið í fjölmiðlum að viðkomandi dagur sé helgaður þessu eða hinu málefninu og tekið fram að þessa sé minnst í öllum
kirkjum landsins enda þótt vitað sé að ómögulegt sé að koma þvi við.
Þetta skapar óánægju hjá fólki, sérstaklega í dreifbýli, sem lætur sér annt um kirkjuna sína, og sér að þrátt fyrir þessi tOmæli
er ekkert um að vera þar.
Teljum við þetta þróun sem vert er að vera vakandi um og nauðsyn að endurskoða með kostgæfni.
Rétt er að benda á að mörg prófastsdæmi og einstakar sóknir hafa um árabil átt sína eigin hátíðar- og minningardaga sem
síðan rekast á þá sem nýir eru og skapa vanda.
Vísað til allsherjarnefndar, er leggur til að tillagan verði samþykkt þannig orðuð. (Frsm. Margrét
Gísladóttir)
Kirkjuþing 1984 ályktar að vara við þeirri þróun, að fleiri og fleiri af helgidögum kirkjuársins verði
gerðir að sérstökum minningardögum og dagar þannig helgaðir ákveðnum málefnum.
Þingið hvetur til þess, að tillit sé tekið til kirkjuársins sjálfs svo og aðstæðna í söfnuðum landsins, sem
oft eiga örðugt með að taka þátt í slíku minningardagahaldi.
Samþykkt samhljóða.