Dagblaðið Vísir - DV - 03.10.2014, Blaðsíða 47

Helgarblað 3.–6. október 2014 Sport 47
Gætu farið frítt næsta sumar
landsliðsmenn í hópnum n Giorgio Chiellini, Sami Khedira og allir hinir
Rafael van der Vaart
Félag: Hamburg
Aldur: 31 árs
Staða: Miðjumaður
n Rafael van der Vaart er bara 31 árs og ætti
að eiga nóg eftir á tankinum. Þessi hollenski
leikstjórnandi er hokinn af reynslu og
hefur spilað í flestum af sterkustu deildum
heims; spænsku, ensku og þeirri þýsku þar
sem hann spilar í dag. Þá á van der Vaart
114 landsleiki að baki með Hollendingum.
Ólíklegt verður að teljast að van der Vaart
framlengi samning sinn við Hamburg sem
hefur átt í miklu basli í þýsku deildinni
undanfarin misseri. Félagið til að mynda
rétt slapp við fall í fyrra.
Winston Reid
Félag: West Ham
Aldur: 26 ára
Staða: Varnarmaður
n Winston Reid hefur staðið sig með prýði
í vörn West Ham á undanförnum árum og
er þessi 26 ára Nýsjálendingur lykilmaður
í liðinu. Sem sakir standa bendir fátt til
þess að Reid muni framlengja samning
sinn við West Ham – of mikið ber á milli hjá
samningsaðilum. Reid veit væntanlega af
því að stærri lið fylgjast með honum. Eitt
þessara liða er Arsenal en Arsene Wenger
sagður hafa miklar mætur á þessum 26 ára
leikmanni. Fari svo að Reid kjósi að yfirgefa
West Ham næsta sumar gæti fjárhagslegur
ávinningur hans orðið mikill.
Michael Carrick
Félag: Manchester United
Aldur: 33 ára
Staða: Miðjumaður
n Það er nokkuð ljóst að Michael Carrick er
á förum frá Manchester United eftir átta
ára dygga þjónustu. Carrick var einn af lyk-
ilmönnum United þegar liðið sópaði til sín
hverjum titlinum á fætur öðrum undir stjórn
Sir Alex Ferguson. Carrick dalaði mikið á síð-
ustu leiktíð og hann á enn eftir að spila leik
á yfirstandandi leiktíð vegna meiðsla. Allar
líkur eru á að hann verði í aukahlutverki
hjá United í vetur og yfirgefi síðan herbúðir
félagsins líkt og Rio Ferdinand og Nemanja
Vidic gerðu síðasta sumar. Hvert hann fer er
þó óvíst með öllu.
John Terry
Félag: Chelsea
Aldur: 33 ára
Staða: Varnarmaður
n Það er enginn ósnertanlegur hjá Chelsea,
sama hversu lengi viðkomandi hefur spilað
fyrir félagið eða hversu mikils hann er metinn
hjá stuðningsmönnum. Þessu fengu Frank
Lampard og Ashley Cole að kynnast síðasta
sumar en þeir yfirgáfu félagið þegar samningar
þeirra runnu út. Þó að Terry sé orðinn 33 ára
virðist hann enn vera í miklum metum hjá José
Mourinho, stjóra Chelsea. Í því liggur kannski
munurinn á honum og Lampard og Cole. Þeir
spiluðu lítið sína síðustu leiktíð hjá Chelsea en
Terry er enn fastamaður. Terry verður 34 ára í
desember og skyldi enginn útiloka að hann sé
að leika sína síðustu leiktíð fyrir Chelsea.
Andre-Pierre Gignac
Félag: Marseille
Aldur: 28 ára
Staða: Framherji
n Andre-Pierre Gignac var á sínum tíma einn
eftirsóttasti framherji Evrópu enda skoraði
hann og skoraði þegar hann lék með Tolouse
í franska boltanum. Svo fór að hann samdi
við Marseille árið 2010 þar sem gengi hans
hefur verið upp og niður. Eftir erfiða byrjun
hjá Marseille sýndi Gignac loksins hvað í hon-
um býr á síðustu leiktíð en þá skoraði hann
22 mörk í 44 leikjum. Þá hefur hann byrjað
vel á þessari leiktíð og haldið uppteknum
hætti við markaskorun. Búast má við því
að fjöldi liða muni berjast um krafta þessa
leikmanns – svo lengi sem hann skrifar ekki
undir nýjan samning við Marseille.
Ron Vlaar
Félag: Aston Villa
Aldur: 29 ára
Staða: Varnarmaður
n Ron Vlaar var á meðal óvæntra stjarna
heimsmeistaramótsins í Brasilíu sem fram
fór í sumar. Eftir erfiða leiktíð með Aston
Villa í fyrra var Vlaar sem klettur í vörn Hol-
lendinga á HM sem fóru alla leið í undanúr-
slit. Frammistaða hans vakti verðskuldaða
athygli og var hann meðal annars orðaður
við lið á borð við Arsenal og Manchester
United í sumar. Samningur hans við Villa
rennur út næsta sumar. Ef Villa-liðið verður
í basli í vetur er ekki ólíklegt að þessi öflugi
varnarmaður rói á önnur mið næsta sumar.
Ignazio Abate
Félag: AC Milan
Aldur: 27 ára
Staða: Hægri bakvörður
n Ignazio Abate hefur verið fastamaður
í liði AC Milan um langt skeið auk þess að
spila reglulega fyrir ítalska landsliðið. Nú
eru blikur á lofti því Abate verður samn-
ingslaus næsta sumar og að öllu óbreyttu
verður honum frjálst að semja við önnur
félög um áramótin. Ljóst er að ef Abate kýs
að endurnýja ekki samning sinn við félagið
muni mörg félög renna hýru auga til hans.
Abate er á besta aldri, spilar fyrir eitt besta
landslið heims en er umfram allt bakvörður í
hæsta gæðaflokki.
Emmanuel Adebayor
Félag: Tottenham
Aldur: 30 ára
Staða: Framherji
n Ferill Emmanuels Adebayor er líklega
einn sá skrautlegasti hjá knattspyrnumanni
í gegnum tíðina. Adebayor hefur spilað fyrir
Arsenal, Manchester City og Real Madrid.
Svo var hann frystur í varaliði Tottenham
áður en hann fékk aftur tækifæri með aðal-
liðinu og byrjaði að gera það sem hann gerir
best – skora mörk. Adebayor hefur alltaf
skorað fyrir þau félög sem hann hefur leikið
fyrir og því ætti ekki að vera mikil áhætta
fólgin í því að fá hann – svo lengi sem launa-
kostnaður verður ekki hár.
Stephan Lichtsteiner
Félag: Juventus
Aldur: 30 ára
Staða: Hægri bakvörður
n Þessi öflugi hægri bakvörður hefur verið
fastamaður í liði Juventus undanfarin
ár. Óvíst er þó hvort hann verði áfram í
herbúðum Juventus og er útlit fyrir að hann
yfirgefi félagið næsta sumar. Lichtsteiner
er sókndjarfur bakvörður með endalausa
hlaupagetu og hefur stöðugleiki einkennt
hans leik undanfarin misseri. Ljóst er að
hart verður barist um bakvörðinn ef hann
verður fáanlegur á næsta ári.
Yevhen Konoplyanka
Félag: Dnipro
Aldur: 24 ára
Staða: Vinstri kantmaður
n Úkraínumaðurinn Konoplyanka hefur
stanslaust verið orðaður við brottför frá
Dnipro að undanförnu. Meðal liða sem
orðuð hafa verið við kappann má nefna
Liverpool og Manchester United. Fullyrt
hefur verið að félagaskipti hans til Liverpool
hafi strandað á því að Dnipro vildi fá of mik-
ið fyrir leikmanninn. Liverpool þarf ekki að
hafa áhyggjur af því næsta sumar, svo lengi
sem hann skrifar ekki undir nýjan samning.
Þessi 24 ára vængmaður hefur spilað 36
landsleiki fyrir Úkraínu.
Giorgio Chiellini
Félag: Juventus
Aldur: 30 ára
Staða: Varnarmaður
n Chiellini er líklega heitasti bitinn af öllum
þeim sem hér hafa verið nefndir. Þessi
þrítugi leikmaður hefur verið sem klettur í
vörn Juventus frá árinu 2005 og leikið yfir
300 leiki með liðinu. Þá á hann 71 landsleik
að baki með Ítölum. Þá má geta þess að
Chiellini var valinn varnarmaður ársins í
ítölsku deildinni árin 2008, 2009 og 2010.
Fullyrða má að ef Chiellini skrifar ekki undir
nýjan samning við Juventus muni öll bestu
félagslið Evrópu berjast um undirskrift
hans.
Fabian Delph
Félag: Aston Villa
Aldur: 24 ára
Staða: Miðjumaður
n Delph var lengi talinn í hópi efnilegustu
miðjumanna Englands. Eftir að hafa
spilað með Leeds á sínum yngri árum var
hann seldur til Aston Villa árið 2009. Eftir
brösótta byrjun í Birmingham hefur Delph
heldur betur tekið framförum og er nú talinn
til vonarstjarna Englendinga – ótrúlegt en
satt. Delph var skellt í byrjunarlið enska
landsliðsins á dögunum gegn Sviss og stóð
sig með sóma í 2–0 sigri. Ekki þykir ólíklegt
að Delph muni reyna fyrir sér annars staðar
næsta sumar.
Leiðrétt
Í þriggja síðna úttekt DV
um íslenska atvinnumenn í
knattspyrnu var Valur skráð upp­
eldisfélag landsliðsmannsins
Kára Árnasonar. Annað félag,
sem Kári lék með var skráð Vík­
ingur. Hið rétta er að þessu er
öfugt farið. Kári lék næstum alla
sína æsku með Víkingi Reykjavík,
en aðeins um skamma hríð með
Val. Kári er beðinn velvirðingar
á þessu. Valur á því fimm upp­
alda leikmenn í atvinnumennsku
og Víkingur þrjá. DV ræddi í út­
tektinni við Daða Rafnsson, yfir­
mann yngri flokka hjá Breiða­
blik. Myndin sem birtist í hans
nafni var hins vegar ekki af Daða,
heldur Konráð Ólafssyni hand­
knattleiksþjálfara. Báðir eru
beðnir velvirðingar. Loks má
nefna að þegar greinin var skrif­
uð leit út fyrir að Eiður Smári
Guðjohnsen væri á leið til félags
á Indlandi. Hann var því skráður
sem leikmaður þess félags. Frá
þessu hefur ekki verið gengið og
því ekki ljóst hvort eða hvenær
hann fer til Indlands.
Ofursunnu-
dagur í enska
boltanum
Það verður blásið til veislu á
sunnudag í enska boltanum en
þá verða tveir sannkallaðir stór­
leikir á dagskránni. Manchest­
er United tekur á móti Everton
á Old Trafford klukkan 11 og
klukkan 14 tekur Chelsea á móti
grönnum sínum í Arsenal. Bæði
Manchester United og Everton
hafa farið rólega af stað í ensku
deildinni í vetur. United er í 7.
sæti með 8 stig en Everton er í
15. sæti með 6 stig. Bæði lið hafa
leikið sex leiki. Eitthvað verð­
ur undan að láta þegar Chelsea
og Arsenal mætast á Stamford
Bridge. Þetta eru einu liðin í
deildinni sem hafa ekki enn tap­
að leik. Chelsea situr sem fyrr á
toppi deildarinnar með 16 stig
og virðist fátt geta stöðvað læri­
sveina Josés Mourinho. Arsenal
er í 4. sæti deildarinnar með 10
stig eftir tvo sigurleiki og fjögur
jafntefli. Raunhæfur möguleiki
er á að Chelsea verði komið með
fimm stiga forskot eftir leiki helg­
arinnar. Southampton, sem er í 2.
sæti deildarinnar með 13 stig, á
erfiðan útileik fyrir höndum gegn
Tottenham en sá leikur fer fram á
sama tíma og viðureign Chelsea
og Arsenal. Manchester City, sem
er í 3. sæti með 11 stig, heimsækir
Aston Villa í síðdegisleiknum á
laugardag. Liverpool, sem hefur
átt erfitt uppdráttar í síðustu
leikjum, fær kærkomið tækifæri
til að komast á sigurbraut þegar
liðið mætir WBA á heimavelli á
laugardag. WBA hefur að vísu
verið á fínni siglingu og er með 8
stig í 10. sæti deildarinnar. Liver­
pool er hins vegar í 14. sæti með
7 stig eftir að hafa fengið aðeins
eitt stig af níu mögulegum í síð­
ustu þremur leikjum sínum. Loks
má geta þess að Gylfi Þór Sig­
urðsson og félagar í Swansea taka
á móti Newcastle. Swansea er í
5. sæti deildarinnar með 10 stig
en Newcastle er í vondum mál­
um við botn deildarinnar. Liðið
er með 3 stig og hefur enn ekki
unnið leik á tímabilinu.