Skagfirðingabók - 01.01.1975, Page 16

SKAGFIRBINGABÓK
Þótt Sigurveig ætti Sólveigu eina barna, hefur þessi fátæka og
einstæða kona orðið svo kynsæl, að nálægt öld eftir að dóttir
hennar fæddist voru afkomendur hennar orðnir um 200.
Sólveig ólst upp hjá þeim sr. Jóni og Hólmfríði og dvaldi hjá
þeim, unz hún giftist 1889. Hún naut þar þess ástríkis, sem bezt
verður á kosið, og hafði lokið námi við skólann á Ytri-Ey, sem
þá þótti meiri vegsauki en almennt er skilið nú, enda er víst, að
handleiðsla og mannrækt Elínar Briem var frábær.
Sú saga gekk lengi um nágrennið, að þegar sr. Jón gifti þessa
sonardóttur sína, hefði hann látið þau orð falla, að þótt hún hefði
af fáum verið boðin velkomin, þegar hún kom inn á heimili þeirra
hjóna, hefðu þau mál skipazt svo, að nú, er hún hyrfi þaðan, sökn-
uðu allir hennar. Þótti það þá sannmæli og þó rætast mjög, er
aldur og þroski færðist yfir hana. Það fylgdi og sögunni, að þar
hefðu staðið glæsilegustu brúðhjón, sem umhverfið mundi.
Það, sem mörgum mun hæst í huga, þegar samferðamenn
minnast Jóns á Nautabúi, er hestamaðurinn, tamningamaðurinn,
— meistarinn á hestbaki. Hestamanninum lýsir Asgeir Jónsson
frá Gottorp á þessa leið í „Horfnir góðhestar“ I. bindi: „Honum
var mjög sýnt um að taka óvana og kæki af hestum, gera þá setta
í taumum og viðburðafallega. Hann var töltkær og náði góðum
tökum á að leita eftir því, örva það og prýða. Jón var sérstaklega
laginn á að ríða hesta til skeiðs, en gerði aldrei háar byrjunar-
kröfur til þess, en farnaðist vel. Margir góðhestar komust í hend-
ur Jóns til tamningar og lögunar. Hann var um langt skeið lang
áhrifamesti reiðmaður í Lýtingsstaðahreppi.“ Ásgeir bætir við:
„. . . með honum hef ég lifað flestar gleðistundir á ferðalagi og á
hestbaki.“ Þessari lýsingu Ásgeirs er því ekki varpað fram að
óreyndu. Munu fáir, er til þekktu, efa dómvísi hans, þegar hesta-
mennska átti hlut í. Því má ekki neita, að Jóni var oft álasað fyrir
það, að hestamennskan tæki meira af honum frá búi og börnum
en fullt hóf væri að. Það mál verður hvorki sótt né varið hér og
þó bent á þetta: Enginn, sem nokkra hugmynd hefur um þá geysi-
legu vinnu, sem liggur að baki þess að gera gæðing úr göldum
14