Skagfirðingabók - 01.01.1975, Qupperneq 170

SKAGFIRÐIN GABOK
tímum. En á 19. öld voru kröfur ekki háar, og hafa Fljótamenn
sennilega ekki verið verr settir í þessum efnum en almennt gerð-
ist á landinu.
f. Sundiðkun
Um 1890 vaknar mikill sundáhugi hjá yfirvöldum í Skagafirði,
og er á sýslunefndarfundi 12. febrúar 1890 veitt fé til þess að gera
„sundstæði í Fljótum“, en hreppsmenn lögðu fé á móti.21 Gerð
þessa sundpolls var lokið 1892, og var hann við Lambanesreykja-
laug. Akveðið var að gefa piltum kost á að læra sund, en erfið-
leikar voru á að fá hæfan sundkennara.22
Sundkennslan hófst árið 1892, og kennt var í Lambanesreykja-
laug einni til 1895, en að auki í Barðslaug frá 1896, og í sýslu-
fundargerð frá 18. febrúar á því ári er fyrst getið tveggja sund-
staða í Fljótum.23 Kennt var á þessum tveimur stöðum til alda-
móta, og var kennslan styrkt af fé sýslusjóðs og hrepps. Voru allir
drengir á aldrinum 12—16 ára, sem ólust upp í sveitinni, látnir
fara á sundnámskeið á sumrin, jafnan hálfan mánuð í senn. Sund-
kennslan var skylda, sem allir bændur undirgengust,24 enda ekki
nema gott eitt, sem af henni gat hlotizt, og sjálfsagt var að nýta
hið heita vatn, sem úr jörðu flæddi allvíða í Fljótum.
Hreppsnefndin hafði alla umsjón með sundkennslunni, unz
ungmennafélög spruttu upp síðar. Var hið smáa framlag sýslu-
sjóðs, svo og framlag hreppsins sjálfs látið standa undir rekstri
sundstaðanna, en ef til vill hefur og bætzt í sjóðinn utan að lcom-
andi greiðsla, þar sem unglingar frá Siglufirði, Olafsfirði og úr
Sléttuhlíð sóttu sundkennslu í Fljótum um nokkurt skeið, eða þar
til sundaðstaða komst upp á þessum stöðum.25
Sundkennslan var merkilegt framtak og hin fyrsta líkamsrækt,
sem unglingum í Fljómm var gert að skyldu að taka þátt í.
g. Skólinn í Haganesi
Hið forna stolt Norðlendinga í menningarmálum, skólinn á
168