Jökull - 01.12.1974, Side 86
metra frá jökuljaðri í framhaldi vestri mæli-
línunnar. Misbrýning var um 1 m. Ofan við
brotalömina var halli jökulsins 4°, á þeim kafla,
sem til sást.“
Eins og árið áður mældu þeir Kristmundur
Halldórsson og Olafur jökulinn. Auk þeirra
unnu að mælingunni Gróa Jónatansdóttir,
Iiópav., Erlingur Ólafsson, Rvík, og Skúli Jóns-
son frá Þykkvabæ í Landbroti. Farið var á tveim-
ur bílum að jökli. Lárus Bergsson á Kálfafelli
leiðbeindi framhjá verstu ófærunum í Djúpár-
dal.
Skeiðarárjökull.
í júlí var vígð brú á Skeiðará og hringvegur
um landið opnaður formlega.
Um breytingu á jöklinum tekur Ragnar Ste-
fánsson í Skaftafelli fram í bréfi með mælinga-
skýrslunni: „Þegar leið á sumarið virtist mér
Skeiðarárjökull fara að hækka í stefnu héðan á
Hvirfilsdalsskarð og svo þaðan fram fyrir Lóma-
gnúp. Upp kemur bunga, eins og oft hefur gerst
nokkru fyrir hlaup. Þó þetta hnigi í hækkunar-
átt, fer þetta mjög hægt. Ekki tel ég fráleitt,
að jökullinn hafi heldur hækkað í haust við
Færinesöxl, en breytingin er það lítil, að vart
er liægt að staðhæfa hækkun. Skeiðará rennur
í sama farvegi og áður, en hefur þó í sumar
færst nær brekkunum hér vestanhallt við túnið.
Það gæti orsakað, að hún félli meir austur með
brekkunum og austur að efsta hluta fyrirhleðslu-
garðsins í næsta hlaupi.“
Breiðamerkurjökull.
I bréfi með mælingaskýrslunni segir Flosi
Björnsson á Kvískerjum m. a.: „ . . . Annars
ur halda áfram að sléttast og lækka . ..“
Þorsteinn Guðmundsson frá Reynivölium,
sem hefur liaft á hendi jöklamælingar á Breiða-
merkurjökli austan Jökulsár í fjölda ára, hefur
falið þær yngri manni, Steini Þórhallssyni á
Breiðabólstað.
Suðursveitarjöklar.
Nú er skarð fyrir skildi. Hinn kunni jökla-
maður Skarpliéðinn á Vagnsstöðum andaðist á
s.l. hausti (74). Allt síðan 1932 hefur Skarp-
ltéðinn annast jöklamælingar, sjá greinina
Fjallamenn í Jökli 1959. — Mælingar féllu nið-
ur, en verða teknar upp á næsta hausti, því að
föstu viðmiðunarmerkin hans Skarphéðins
standa.
Kverkjökull.
I bréfi með mælingaskýrslunni segir starfsm.
Vatnamælinga Orkustofnunar, Gunnsteinn
Stefánsson á Egilsstöðum: „Jökullinn virðist hafa
þynnst töluvert upp frá mælilínunni. . . Fremsti
hluti íshellisins er hruninn og sig í honum þar
sem hann stendur enn. Hann er mikið sprung-
inn. Hrun hefur orðið á „Volgubökkum“ (ath.
„Volga“ nefnist áin). Helst lítur út fyrir að
jökulhlaup hafi komið í Volgu. Hefur það ef
til vill átt sér stað 30. maí s.l. (74), því að þann
dag stígur vatnshæðin hjá vatnshæðarmæli
Jökulsár við Upptyppinga um 120 cm, án þess
að vatnsborð Kreppu hjá vatnshæðarmælinum
við Kreppubrú liaggist." Sjá nánar um þetta
atriði í greininni „Annáll jökulhlaupa“ annars
staðar hér í blaðinu.
Sigurjón Rist.
82 JÖKULL 24. ÁR