Tölvumál - 01.01.2007, Side 24

2 4 | T Ö LV U M Á L
„Margt hefur áunnist með fjárfestingu opinberra aðila í upplýsingatækni en
við þurfum að vera virkari í að deila með okkur þekkingu og reynslu af góðum
verkefnum og ná fram aukinni nýtingu á lausnum með því að samnýta þær
þvert á landamæri,“ segir Viviane Reding, framkvæmdastjóri ESB á sviði
upplýsingasamfélagsins og fjölmiðla. „Rafræn stjórnsýsla er ekki lengur mál
stjórnmálamannanna, heldur nauðsynlegt verkfæri til að gera opinberar stofnanir
í Evrópu nútímalegri.“3
Aðgerðaáætlun Evrópusambandsins sem kennd er við i20104 var sett fram í júní
2005. Meginmarkmið hennar eru að auka vöxt og fjölga störfum í upplýsingatækni.
Liður í áætluninni eru markmið um rafræna stjórnsýslu sem ráðherrar ESB
og EES lýstu yfir stuðningi við í nóvember 20055. Í apríl 2006 samþykkti svo
framkvæmdastjórn ESB tilheyrandi framkvæmdaráætlun til fjögurra ára.
Evrópa árið 2010
Markmiðin um rafræna stjórnsýslu eru í fimm liðum6:
1. Aðgengi fyrir alla
Rafræn þjónusta getur því aðeins leitt til meiri skilvirkni og þæginda að hún
sé fyrir alla, án tillits til aldurs, kyns, þjóðernis, búsetu eða fötlunar. Notast
verður við alla þá tækni sem völ er á til að auka þjónustuna, m.a. tölvur,
stafrænt sjónvarp og farsíma.
Markmið:
• Árið 2010 eiga allir borgarar, þar með talið þeir sem búa við einhvers konar
fötlun eða sérþarfir, að geta notfært sér rafræna þjónustu hins opinbera.
• Árið 2010 á aðgengi að upplýsingum og þjónustu hins opinbera að vera
orðið mun betra en nú er. Nota á upplýsingatæknina til að auka traust
almennings á stjórnsýslunni, auka þekkingu á ávinningi af rafrænni
stjórnsýslu og veita betri stuðning öllum sem þurfa á henni að halda.
2. Hagræðing og skilvirkni
Rafræn þjónusta opinberra aðila varðar alla, 470 milljónir íbúa
Evrópusambandsins, 10 milljónir fyrirtækja og þúsundir opinberra stofnana.
Kostnaður opinbera geirans er talinn vera að meðaltali um 45% af
landsframleiðslu Evrópusambandslandanna svo að eftir miklu er að sækjast
við að lækka hann. Öll aðildarríkin hafa samþykkt að nota upplýsingatæknina
til að ná fram hagræðingu og minnka skriffinnsku. Lögð verður áhersla
á að gera mikilvægustu tegundir þjónustu er snúa að einstaklingum og
fyrirtækjum rafrænar. Sem dæmi um þjónustu má nefna tilkynningu um
flutning, leit að störfum innan ESB, aðgang að persónulegum upplýsingum
eins og sjúkraupplýsingum, umsóknir um eftirlaun, skráningu fyrirtækja, skil
á virðisaukaskatti auk ýmissa annarra þjónustuflokka er varða meðal annars
menntun, menningu og tómstundir.
Markmið:
• Árið 2010 mun rafræn stjórnsýsla vera stór þáttur í ánægju notenda með
þjónustu hins opinbera.
• Árið 2010 mun rafræn stjórnsýsla hafa minnkað til muna skriffinnsku og
aukið skilvirkni í þjónustu hins opinbera.
• Árið 2010 mun rafræn stjórnsýsla hafa aukið til muna gagnsæi og
Hvert stefnir Evrópa?
Spara má hundruð milljarða evra fyrir skattgreiðendur ef áætlanir Evrópusambandsins
um hagræðingu fram til ársins 2010 ná fram að ganga1. Gera á þjónustu opinberra aðila
nútímalegri, skilvirkari og þægilegri. Sérstök áhersla verður lögð á aukna sjálfvirkni í þjónustu
við almenning og fyrirtæki sem spara mun sporin, auka gæði þjónustunnar og lækka kostnað
bæði fyrir opinbera aðila og þá sem nýta sér þjónustuna. Þessi atriði eru meginmarkmið
Evrópusambandsins í rafrænni stjórnsýslu. Í framkvæmdaráætlun ESB2 er að auki fullyrt að
rafræn stjórnsýsla sé lykillinn að því að viðhalda og auka samkeppnishæfni opinbera geirans
og í raun samfélagsins alls.
i2010
„Öll aðildarríki ESB og EES
hafa samþykkt að nota
upplýsingatæknina til að ná
fram hagræðingu og minnka
skriffinnsku.“
2.tbl-31.arg.indd 14.1.2007, 22:3324