Tölvumál - 01.10.2013, Blaðsíða 31

31
fjármunum og á vegum hans eru fjölmargir lobbýistar. Þannig hefur
reynst þrautin þyngri að ná í gegn lagabreytingum sem hafa það að
markmiði að tryggja hag þeirra sem innan iðnaðarins starfa. Sem dæmi
má nefna nýleg lög í Los Angeles sem kveða á um skyldu til að nota
smokka við framleiðslu klámefnis. Það ætti auðvitað að vera sjálfsagt
mál en klámiðnaðurinn hefur barist gegn lögunum með kjafti og klóm og
lætur nú á þau reyna fyrir dómstólum, samhliða því að ferðast um
langan veg til að taka upp klám án smokka.
Hin hliðin á peningnum snýr síðan að þeim sem klámiðnaðurinn reynir
að ná til, en þar á meðal eru börn og ungmenni. Í Bretlandi hefur David
Cameron forsætisráðherra lýst yfir vilja til knýja á um að fjarskiptafyrirtæki
loki á klámsíður nema að viðskiptavinir þeirra óski sérstaklega eftir öðru.
Þarna er því komin ein tillaga af tæknilegri lausn sem þarfnast
gagnrýnnar umræðu.
engar uppfinningar efTir
Hins vegar hefur borið við að umræðan um tæknilegu þættina litist af
pólitískum áherslum, það er að sérfræðingar segja í krafti tæknilegrar
þekkingar sinnar að ómögulegt sé að framfylgja lögum um bann við
klámi. Skýringar sem fylgja eru síðan pólitísks eðlis, t.d. á þá leið að boð
og bönn séu alltaf slæm, klám sé ekki skaðlegt eða að lög samfélagins
nái alls ekki til internetsins. Þá virðist gæta þeirrar tilhneigingar að líta
svo á að internetið og tækni því tengd sé komið á endastöð og minnir
sá þráður umræðunnar á þau fleygu orð sem eiga að hafa fallið í lok 19.
aldar, að allt sem hægt væri að finna upp hefði þegar verið fundið upp.
Ég vík að þessu þar sem ég tel nauðsynlegt að sérfræðingar með
tæknilega þekkingu komi að umræðunni með skilningi á þeim
forsendum sem hér hafa verið raktar. Ef við gefum okkur að nokkuð
breið samstaða ríki um að núverandi ástand sé ekki viðunandi, hvernig
eigum við að fara að? Hvernig getur tæknin hjálpað okkur til að vernda
börn fyrir ágengi klámiðnaðarins?
Ofbeldisklámiðnaðurinn mun alltaf reyna að finna sér leiðir framhjá
lögum og reglum. En tækist okkur aðeins að búa svo um hnútana að
80% barna yxu úr grasi án þess að sjá ofbeldisfullt klám, þá væri til
mikils unnið. Við getum ekki gefist upp frammi fyrir þessu viðfangsefni,
þótt það kunni að virðast flókið.
Vísindi án mannúðar, sagði Gandhi. Í umræðu um dreifingu ofbeldisfulls
klám verður að gæta að mannúðinni. Annað getum við ekki leyft okkur
þegar verndarhagsmunirnir eru þetta ríkir.

Wise býður ölbreyttar viðskiptalausnir fyrir fólk með mismunandi hlutverk.
- snjallar lausnir
Borgartún 26, Reykjavík » Hafnarstræti 102, Akureyri
sími: 545 3200 » wise@wise.is » www.wise.is