Bændablaðið - 27.08.2015, Blaðsíða 7

7Bændablaðið | Fimmtudagur 27. ágúst 2015
étur Pétursson reyndist
flestum frjórri á hag-
yrðinga kvöldi Karlakórs
Eyjafjarðar, og orti nokkuð við-
stöðulaust um sessunauta sína.
Þar sem flestir hagyrðinganna áttu
þingeyskan uppruna þótti Pétri um
of:
Þingeyingar þykja smart,
þó er artin köld.
Óþarflega er nú margt
af þeim hér í kvöld.
Hjálmar gleður liðið lítt,
létt reynist undir að róa.
Eitt er þó hérna andlit nýtt;
andskotans fésið á Jóa.
En harðast úti varð þó sá er hér
skráir skítkastið frá Pétri. Það
hafði lekið út meðal hagyrðing-
anna, að ég hefði farið í ristil-
skoðun. Það þótti Pétri verðmætt
að vita:
Um Árna verður sagt með sann
sem í versta reyfara,
að finna verði fyrir hann
fullan skítadreifara.
Þótt mjög sé Árni í málum fínum,
mörgu ríður hann á slig
og dreifir hægðasýnum sínum
sínkt og heilagt yfir mig.
Á heilsu Árna höfum minnst,
en honum áfram miðar.
Hans nú allvel höfum kynnst
hægðum til baks og kviðar.
Og til að bíta höfuðið af
skömminni..:
Þótt hann ýmsar hafi hitt
holdugar geirvörtur,
óþverrann fær aldrei stytt
Árni Geirhjörtur.
En svo verður aðeins uppihald á
skítkastinu þegar Birgir nær að
inna Pétur eftir ferðalögum fatl-
aðra með Strætó í Reykjavík, sem
hafa þó lítið með pólitík að gera:
Margvísleg afglöpin mögnuð ég tel
og mistökin hneyksluðu okkur,
því ökumenn stóðu sig álíka vel
og auðnulaus ráðherraflokkur.
Og Pétur finnur líka pólitískan
þef er Birgir spyr hvað honum
þyki um það, að konur sitji nú alla
helstu yfirlögreglustóla landsins:
Ég harla lítið herma kann
af hugarefni brýnu,
en flestar eigna frama þann
flokksskírteini sínu.
Pétur var, líkt og aðrir þetta kvöld,
spurður hvort treysta megi hag-
yrðingum þennan dag 1. apríl:
Samviskan þá svikið getur
og sýnist brýnt að lag‘ana.
Ég þeim treysti ekkert betur
alla hina dagana.
Svo var Pétur spurður út í þær
skrokkskjóður sem Jóhannes á
Gunnarsstöðum hlaut á þorrablóti
Þistla nú í vetur, en Jói hlaut þar
mikla höfuðáverka:
Að orsökum má ýmsum leita,
sem aðeins skemmtir fjandanum.
Mér sýndist ráða svell og bleyta
og síðan feikn af landanum.
Aðspurður um vandræði Evrópu-
sambandsins og bréfaskriftir
Gunnars Braga utanríkisráðherra
álítur Pétur helsu orsök vera:
Við glappaskot hann gengi á svig
og grimman bardagann,
ef hann hógvær héldi sig
við hluti sem hann kann.
Umsjón:
Árni Geirhjörtur Jónsson
kotabyggð1@gmail.com
Líf og starf
Íslandsmeistaramótið í hrútadóm-
um árið 2015 var haldið í Sævangi,
Sauðfjársetrinu á Ströndum, 16.
ágúst.
Þar reyndu hrútaþuklarar víðs
vegar af landinu á hæfileika sína,
bæði vanir og óvanir. Keppnin felst í
að leggja mat á fjóra veturgamla koll-
ótta hrúta af Ströndum, finna kosti
þeirra og galla. Þátttaka var betri en
nokkru sinni fyrr í keppninni sjálfri,
53 kepptu í flokki óvanra (sem raða
hrútunum í röð og rökstyðja matið,
oft á gamansaman hátt) og 41 í flokki
vanra (sem gefa hrútunum stig fyrir
ýmsa eiginleika eftir kúnstarinnar
reglum sem bændur kunna). Um 500
manns mættu til að horfa á og upp-
lifa þessa einkennilegu skemmtun
Strandamanna.
Einnig var í fyrsta skipti haldið
svokallað þukleinvígi, þar sem
stórleikararnir úr myndinni Hrútar,
Sigurður Sigurjónsson og Theodór
Júlíusson, kepptu sín á milli í
hvor væri flinkari hrútaþuklari og
næði betra andlegu sambandi við
sauðskepnuna.
Guðmundur Gunnarsson á
Kjarlaksvöllum í Saurbæ fór með
sigur á hólmi í flokki vanra þuklara
og er því Íslandsmeistari í hrútaþukli
árið 2015. Í öðru sæti í keppninni
var Vilberg Þráinsson á Hríshóli í
Reykhólahreppi, en í þriðja sæti var
Bjarki Reynisson á Kjarlaksvöllum.
Strandamönnum þykir sumum held-
ur verra að verðlaunapallurinn hafi
alfarið verið skipaður utansýslu-
mönnum að þessu sinni.
Í fyrsta sæti í flokki óvanra (þeirra
sem stiga ekki hrútana) var Björg
Helgadóttir frá Holti í A-Hún., í
öðru sæti var Helga Gunnarsdóttir
á Hólmavík (með Bjarnheiði Fossdal
á Melum sem stuðningsfulltrúa) og
í þriðja sæti varð Elínborg Birna
Vignisdóttir á Hólmavík. Sérskipuð
dómnefnd helstu hrútasérfræðinga
landsins sá um dómgæsluna, ráðu-
nautarnir Eyþór Einarsson, Jón Viðar
Jónmundsson og Lárus Birgisson.
Einvígi Theodórs og Sigurðar
Einvígi þeirra Theodórs Júlíussonar
og Sigurðar Sigurjónssonar, sem
leika Gumma og Kidda í kvik-
myndinni Hrútar, var kostulegt á
að horfa. Þukluðu þeir hrútana með
miklum tilþrifum og sendu hvor
öðrum meinlegar athugasemdir inn
á milli, við mikinn fögnuð áhorf-
enda. Þeir báru sig reyndar einstak-
lega fagmannlega að við þuklið og
fengu mikið hrós frá dómnefndinni.
Theodór hafði að lokum betur í
þukleinvíginu, en hann var einn af
fáum keppendum sem höfðu röðina
á hrútunum nákvæmlega á hreinu.
Vegleg verðlaun fyrir góðan
árangur á hrútadómunum voru
gefin af Ferðaþjónustunni Heydal í
Mjóafirði, SAH afurðum á Blönduósi,
Ístex, Bændasamtökunum,
Mjólkursamsölunni (MS), Malarhorn
á Drangsnesi, Sauðfjársæðingastöð
Vesturlands, Indriða á Skjaldfönn
og Sauðfjársetri á Ströndum.
Sigurvegarinn í keppninni og
Íslandsmeistari í hrútaþukli,
Guðmundur Gunnarsson, varðveitir
einnig í eitt ár farandgrip sem hagleiks-
maðurinn Valgeir Benediktsson
í Árnesi smíðaði úr hvalbeini og
rekaviði og gaf Búnaðarsambandi
Strandamanna fyrir áratug til minn-
ingar um Brynjólf Sæmundsson sem
var héraðsráðunautur á Ströndum í
meira en 40 ár.
Litprúðar lífgimbrar
frá Drífu á Ósi
Kaffihlaðborð var á boðstól-
um og ókeypis á allar sýningar
Sauðfjársetursins í tilefni dagsins.
Happdrætti var haldið á hrúta-
dómunum, þar sem líflömb frá
bændum á Ströndum voru í vinn-
ing og aðeins dregið úr seldum
miðum. Litprúðar lífgimbrar komu
frá Drífu á Ósi og Barböru og
Viðari í Miðhúsum, en vel byggð-
ir kynbótahrútar frá Sigríði og
Ragnari á Heydalsá, Jóni og Ernu
á Broddanesi, Gunnari og Pálínu í
Bæ í Árneshreppi og Indriða bónda
á Skjaldfönn við Djúp. Allar vinn-
ingshafar voru á staðnum og gáfu
sig fram þegar dregið var og fóru tvö
líflömb til bænda á Ströndum, tvö á
Vesturlandið og tveir vinningar fóru
á höfuðborgarsvæðið, m.a. unnu tvö
ung systkini, sem eiga heima í 101
Reykjavík, úrvals lambhrút.
Meðfylgjandi myndir tóku
Angantýr Ernir Guðmundsson,
Dagrún Ósk Jónsdóttir, Jón Jónsson
og Trausti Rafn Björnsson.
Íslandsmeistaramót í hrútadómum:
Nálægt 100 þátttakendur
MÆLT AF
MUNNI FRAM
136
P
Kiddi (Theodór Júlíusson) sá
strax að þessi kind var ekki af
Bólsstaðastofni þó að álitlegur
væri bekrinn. Arnar Jónsson, fyrr-
verandi forstöðumaður Sauðfjár-
setursins, færir gullkorn Kidda
til bókar. Það er Jón Stefánsson
í Broddanesi sem heldur í Svala
sem er í hans eigu. Þess má geta
vanra dómara var svipur hjá sjón
miðað við það sem áður hefur
verið því að þeir áttu þar ekki
mann á verðlaunapalli og um slíkt
eru engin dæmi frá fyrri mótum.
Kvittur kom upp um að ófarir-
nar mætti að einhverju rekja til
Jóns þar sem hann hefur mörg
undangengin mót undanteknin-
garlaust haldið í besta hrútinn.
fyrir Stranda mennina eins og
að sólin kemur upp að morgni
að svo væri. Það er líklegasta
skýring þess hvern óratíma það
tók marga þessa reyndu dómara
þeirra að koma Svala í efsta sætið
í stigum. Fyrir miðju á milli tveggja
glæsikvenna má sjá þann þekkta
sauðfjárræktarmann, Sigurgeir
Jóhannsson í Minni-Hlíð.
Verðlaunapallurinn fyrir vana dómara. Sigurvegarinn að þessu sinni var Guðmundur Gunnarsson á Kjarlaksvöllum
sem hampar hinu einstaka listaverki Valgeirs Bendiktssonar í Árnesi, Horft til himins, en Búnaðarsambandið gaf það
á sínum tíma til minningar um Brynjólf Sæmundsson ráðunaut. Áreiðanlega á enginn einstakur stærri hlut að máli
við að byggja upp hinn glæsilega fjárstofn Strandamanna en Brynjólfur. Í öðru sæti var Vilberg Þráinsson á Hríshóli
og er hann mótbýlismaður Guðmundar og fjölskyldu hans. Þetta hlýtur að vera þeim Kjarlaksvallabændum mikil
glæsibrag. Frammistaða þeirra bræðra var hins vegar frábær í þessari
keppni og augljóst að þar fóru vanir menn með öll handtök og hugtök alveg
síns eða hvatning áhorfenda. Gumma (Sigurður Sigurjónsson) varð aðeins
náttúrubarnaskóla við Sauðfjársetrið.