Morgunblaðið - 10.08.2015, Page 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 10. ÁGÚST 2015
Kringlunni • Sími 568 7777 • heyrnarstodin.is HEYRNARSTÖ‹IN
Snjallara heyrnartæki
Beltone First™
Nýja Beltone First™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Beltone First gengur með iPhone 5s, iPhone 5c, iPhone 5, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
Ókeypis
heyrnarmælingsíðan 2004
Berkshire Hathaway, eignarhalds-
félagið stóra sem Warren Buffett
stýrir, er nálægt því að ganga frá
kaupum á Precision Castparts fyrir
um það bil 30 milljarða dala, jafnvirði
rösklega 4.000 milljarða króna. Wall
Street Journal greindi fyrst frá
þessu og hefur eftir ónafngreindum
heimildarmönnum sem koma að
kaupunum.
Precision Castparts framleiðir
búnað fyrir flug-, olíu- og gasiðnað
og er með bækistöðvar sínar í Port-
land í Oregon. Í dag er markaðsvirði
fyrirtækisins um það bil 26,7 millj-
arðar dala og starfsmenn um 30.000
talsins. Á Berkshire fyrir 3% eign-
arhlut í fyrirtækinu.
Að sögn FT hefur Precision
Castparts átt undir högg að sækja
síðustu misseri vegna minnkandi eft-
irspurnar á gashverfisrafölum, sök-
um lækkandi eldsneytisverðs. Hafa
hlutir í Precision lækkað um 19,5%
frá ársbyrjun.
Gangi kaupin eftir verður samn-
ingurinn sá stærsti sem Berkshire
hefur gert. Fyrra met áttu kaup fé-
lagsins á Burlington Northern Rail-
road árið 2009 sem Berkshire eign-
aðist að fullu með kaupum á 77%
eignarhlut fyrir 26 milljarða dala.
Síðasti stóri kaupsamningur Berks-
hire var kaup á Van Tuyl-bílasölu-
keðjunni sem eignarhaldsfélagið
eignaðist í mars fyrir 4,1 milljarð
dala. ai@mbl.is
Reuters
Auður Warren Buffett heldur áfram
að stækka Berkshire-veldið.
Buffett gerir
risasamning
 Kaupir Precision
Castparts fyrir
tugi milljarða dala
VIÐTAL
Ásgeir Ingvarsson
ai@mbl.is
Hinsegin dagar eru að baki og að
vanda var hátíðin bæði fjölsótt og
vel heppnuð. Við þetta tækifæri er
áhugavert að skoða hvernig bætt
staða hinsegin
fólks endurspegl-
ast í markaðsefni
fyrirtækja. Hin-
segin fólk er
áhugaverður
markhópur fyrir
margra hluta
sakir og greini-
legt að margir
seljendur vöru og
þjónustu leggja
sig fram við að
bjóða þennan hóp velkominn í við-
skipti.
Hannes Páll Pálsson er mikill
reynslubolti á þessu sviði. Hann er
einn af eigendum hinsegin ferða-
skrifstofunnar Pink Iceland og hef-
ur komið víða við í rekstri og við-
burðahaldi sem stílað er á hinsegin
fólk.
„Hinsegin samfélagið, það sam-
félag sem ég tel mig vera hluta af,
er miklu stærra en bara hommar og
lesbíur,“ segir hann. „Fjöldi fólks
sameinast undir hinsegin regnhlíf-
inni en það er staðreynd að hommar
og lesbíur hafa náð lengst í sinni
baráttu fyrir jafnrétti á meðan aðrir
hópar eins og t.d. tvíkynhneigðir,
trans og intersex eiga mun lengra í
land. Sú þróun sést kannski einmitt
á því að markaðsöflin hafa ekki séð
hag sinn í því að markaðssetja
vörur gagngert fyrir þessa hópa, né
innlima þá að nokkru leyti inn í
markaðsefni sem notað er í þeim til-
gangi að sýna jákvæða mannrétt-
indastefnu fyrirtækja.“
Hannes bendir á þróunina vest-
anhafs þar sem samkynhneigðir
sjást núna reglulega í auglýsingum
stórfyrirtækja, hvort sem verið er
að markaðssetja tryggingar, morg-
unkorn eða tískufatnað. Er þetta
mikil breyting frá því sem áður var
þegar samkynhneigðir voru nær al-
farið hundsaðir í markaðsstarfi fyr-
irtækja, og þær fáu auglýsingar
sem áttu að höfða til þessa hóps
birtust þá einvörðungu í dagblöðum
og tímaritum fyrir samkynhneigða.
Heyrst hafa gagnrýnisraddir á þá
leið að sum fyrirtækin séu jafnvel
að nýta sér tíðarandann. „Hefur
orðið „bleikþvottur“ verið nefnt í
þessu sambandi og lýsir því þegar
fyrirtæki sjá tækifæri á að hagnýta
sér skriðþunga þeirra breytinga
sem hafa orðið í samfélaginu til að
sýna hvað þau eru frábær og rétt-
sýn,“ segir Hannes og gerir þann
fyrirvara að hann voni og telji
markaðsefni íslenskra fyrirtækja
gert með hreinu hjarta og af metn-
aði. Hannes hvetur um leið íslensk
fyrirtæki til að sýna stuðning sinn í
verki og styrkja hinsegin málefni
um sömu upphæð og þau eyddu í
birtingar auglýsinga þar sem fjöl-
breytileikanum er fagnað.
Breytt viðhorf auglýsenda til hin-
segin fólks á undanförnum áratug
eða svo hefur líka verið að hluta
skýrt með því að seljendur komu
auga á kaupmátt samkynhneigðra.
Þóttu homma- og lesbíupör mjög
bitastæður hópur, með tvær fyr-
irvinnur en engin börn, og mikið af
peningum aflögu fyrir kaup á alls
kyns lúxusvarningi, græjum og
glingri. Nú gæti þetta verið að
breytast þegar meira fer að bera á
barneignum og ættleiðingum hjá
þessum hópi.
Sett í gagnkynhneigð
hlutverk
Bendir Hannes líka á að það sé
undarlegur galli við þróunina að í
auglýsingunum sem hafa verið hvað
mest áberandi undanfarin misseri
birtist samkynhneigðir iðulega í
hefðbundnum gagnkynhneigðum
hlutverkum, að kalla má. Hinsegin
fólk er þar sýnt á mjög „heteró-
normatívan“ hátt eins og það heitir
í fræðunum; með börn, hund, bíl og
fallegt hús í friðsælu úthverfi. „Um
leið erum við kannski óafvitandi far-
in að jaðarsetja þá hópa innan hin-
segin samfélagsins sem falla ekki að
þessari hugmynd um kjarnafjöl-
skyldu með tveimur pöbbum eða
tveimur mömmum,“ segir Hannes.
Hættan er kannski sú að mark-
aðsefnið miðli óvart þeirri hugmynd
að hinsegin fólk eigi, þrátt fyrir allt,
að falla að ákveðinni staðalmynd.
„En við erum ekki hrærigrautur
heldur frekar eins og salat. Þú set-
ur ekki salatið í blandara til að
mauka það, heldur viltu njóta allra
bitanna, þar sem hver er með sínu
bragði.“
Er sérstaðan að hverfa?
Hitt gæti líka gerst að litlu fyr-
irtækin sem gerðu gagngert út á
það að þjónusta hinsegin fólk muni
lúta í lægra haldi fyrir stóru fyr-
irtækjunum sem nú hafa breitt út
rauða dregilinn fyrir samkyn-
hneigðu viðskiptavinina. Þekkt er
hvernig það t.d. gerðist vestanhafs
að sérhæfðar hinsegin bókabúðir
lognuðust út af hver af annarri þeg-
ar stóru bókabúðakeðjurnar ákváðu
að taka frá nokkrar hillur fyrir hin-
segin bókmenntir. Í stórborgunum
sést þróunin í því að í götunum sem
áður voru hjartað í borgarhlutum
samkynhneigðra eru homma- og
lesbíubarir farnir að víkja fyrir bak-
aríum, kaffihúsum og kjörbúðum.
Sérhæfingin er ekki lengur nauð-
synleg, og ekki heldur eins arðbær,
þegar hommar og lesbíur eru vel-
komin alls staðar.
Segir Hannes að um leið og það
sé jákvætt að ákveðnir hópar hin-
segin fólks verði eðlilegur hluti af
samfélaginu í heild sinni þá geti
verið ákveðinn missir að því ef að
tengslin verða veikari innan hinseg-
in samfélagsins sjálfs. „Það er gott
að vera hluti af því samfélagi sem
orðið hefur til á meðal hinsegin
fólks, bundið saman af vináttu og
kærleik, sameiginlegri sögu, bar-
áttu og sigrum en þó að einn hópur
fái aukin réttindi þarf að halda
áfram í þágu hinna.“
Sumir hópar fá ekki enn að vera með
 Þó að samkynhneigðir séu orðnir meira áberandi í markaðsefni eru t.d. transfólk og tvíkynhneigðir
enn á jaðrinum  Samkynhneigðir í auglýsingum oft sýndir í „gagnkynhneigðum hlutverkum“
Morgunblaðið/Þórður
Meðbyr Hannes segir hugtakið „bleikþvott“ lýsa því þegar fyrirtæki nýta sér bætt viðhorf í garð samkynhneigðra
til að bæta eigin ímynd. Sumir hópar eru þó enn að mestu hundsaðir í auglýsingaefni. Mynd úr göngu helgarinnar.
Hannes Páll
Pálsson