Morgunblaðið - 15.08.2015, Blaðsíða 7

FRÉTTIR 7Innlent
MORGUNBLAÐIÐ LAUGARDAGUR 15. ÁGÚST 2015
Þegar þú teflir í klukkutíma notarðu
jafn mikla orku og skákklukka þarf
til að ganga í næstum 100 ár
Það er kraftur í þér. Gagnvirk orkusýning Landsvirkjunar
við Ljósafoss varpar ljósi á orkuna sem býr í öllum hlutum.
Ljósafossstöð er í um 45 mínútna akstursfjarlægð
frá Reykjavík. Verið velkomin.
Opið 10-17 alla daga.
Leiðarlýsingar á landsvirkjun.is/heimsoknir
Ingvar Smári Birgisson
isb@mbl.is
Fyrirhugað er að bora ofan í jarð-
grunn á Austurbakka, þar sem
byggja á hótel, og kanna hvort jarð-
vegurinn sé olíumengaður, en vís-
bendingar eru um að svo sé. Þetta
kemur fram í fundargerð hjá um-
hverfis- og skipulagsráði Reykja-
víkur.
„Sótt er um takmarkað bygg-
ingarleyfi til að hefja jarðvegs-
framkvæmdir á byggingareit nr. 5
á lóðinni Austurbakki 2. Tilgangur-
inn er að kanna hvort þar sé að
finna olíumengaðan jarðveg í
byggingarstæðinu, sbr. vísbend-
ingar um slíkt í tilraunaborholum
frá árinu 2006,“ segir í fundargerð-
inni.
Hjálmar Sveinsson, formaður
umhverfis- og skipulagsráðs
Reykjavíkurborgar, segir að mikil
umsvif hafi verið á svæðinu áður
fyrr. „Framkvæmdaraðilar vilja fá
að rannsaka jarðveginn aðeins bet-
ur, þ. á m. bora einhverjar holur,
vegna þess að vitað er að þarna
voru áður mikil umsvif. Þarna var
t.d. Kolakraninn. Þeir vilja fullvissa
sig um að þarna sé jarðvegurinn í
lagi en ef svo er ekki þurfa jarð-
vegsskipti að fara fram.“
Hann segir heilmikla reynslu
vera af jarðvegsskiptum á svæðinu.
„Hafnarstjórnin fór í verulegar
jarðvegsskiptaframkvæmdir á
svæðinu milli Sjóminjasafnsins og
Slippsins. Jarðvegurinn þar var
mjög mengaður af endalausri máln-
ingu og olíu sem hafði seytlað niður
og setið í sjónum þar við. Þá var
jarðvegurinn grafinn upp og nýr
settur í staðinn,“ segir Hjálmar.
Kanna mengun hjá Hörpu
Gamall Kolakraninn stóð í tæplega 41 ár við höfnina. Hann var rifinn 1968.
 Kolakraninn gæti hafa mengað jarðveginn