Morgunblaðið - 15.08.2015, Blaðsíða 23

UMRÆÐAN 23
MORGUNBLAÐIÐ LAUGARDAGUR 15. ÁGÚST 2015
Það ber nú til tíðinda
að ríkistjórn Íslands
telur sig eiga sök við
Rússland og neitar að
eiga viðskipti við það
fólk sem byggir hið
forna Garðaríki. Samt
liggur fyrir að Rúss-
land er ekki í hópi
þeirra ríkja sem beitt
hafa hervaldi eða
efnahagsþvingunum
gegn Íslandi. Rússland
hefur þvert á móti lagt okkur lið á
erfiðum tímum, þegar nýlenduveldi
Evrópu hafa sótt hart að okkur.
Varla er neinum horfið úr minni
hernám Íslands 1940. Sjálfstæði
þjóðarinnar var þá fótum troðið og
breytir engu þótt Bretland hafi átt í
styrjöld við Þýskaland undir stjórn
Hitlers. Þorskastríðin fjögur á árun-
um 1948-1976, við Bretland og fleiri
Evrópuríki, var ekki léttbær reynsla
fámennri þjóð. Gegn Íslandi beittu
nýlenduveldin bæði herskipum og
viðskiptaþvingunum. Síðustu aðgerð-
ir þessara »vinaþjóða« voru í
tengslum við Icesave-kúgunina, þeg-
ar ríki Evrópusambandsins samein-
uðu krafta sína til að koma Íslandi á
kné.
Ísland taglhnýtingur
Evrópusambandsins
Staðreyndir sögunnar um sam-
skipti okkar við Evrópusambandið
ættu öllum að vera ljósar. Einungis
sterk samstaða þjóðarinnar og ein-
dreginn vilji til að ráða okkar málum
sjálf hefur forðað okkur frá tjóni og
niðurlægingu. Þrátt fyrir að nýlendu-
veldin hafi verið óspör á mútufé hef-
ur atlögum þeirra verið hrundið.
Áframhaldandi tilvist Evrópustofu,
áróðursskrifstofu ESB, er þó skýr
vísbending um að núverandi rík-
isstjórn er um megn að gæta fjör-
eggs landsins. Aumkunarverð linkind
við Jóhönnu Sigurðardóttur og Össur
Skarphéðinsson, vegna brots á
Stjórnarskránni, er einnig ljóst
merki um vanhæfni ríkisstjórnar-
innar til að standa vörð um sjálf-
stæðið.
Kjarninn í utanríkisstefnu núver-
andi ríkisstjórnar er að fylgja Evr-
ópusambandinu í öllum málum.
Þakkirnar eru þær, að ESB beitir
okkur stöðugum hótunum um við-
skiptaþvinganir, vegna makrílveiða í
okkar eigin landhelgi. Undirlægju-
hátturinn kemur meðal annars fram í
samningi um loftslagsmál, þar sem
Ísland heitir fullum stuðningi við
arfavitlausa stefnu ESB sem gengur
þvert á vísindalegar staðreyndir.
Samningurinn skerðir verulega getu
Íslands til sjálfstæðra ákvarðana.
Nú bætist við þátttaka Íslands í
refsiaðgerðum gegn Rússlandi, sem
jaðarþjóðum ESB er ætlað að bera
kostnaðinn af. Á meðal fórnarlamba
ESB eru Ísland og Grikkland sem
eru matvælaframleiðendur með mik-
ilvæga viðskiptahagsmuni í Rúss-
landi. Refsiaðgerðirnar gera ekki ráð
fyrir skerðingu á sölu Rússlands á
jarðgasi til ESB, enda um mikla
hagsmuni að ræða fyrir stórfyrirtæki
ESB, sérstaklega þó Þýskalands.
Útþenslustefna Evrópusam-
bandsins ógnar heimsfriði
Allt frá því að grunnur var lagður
að Evrópusambandinu með stofnun
Kola- og stálbandalags Evrópu 1951
hefur útþensla bandalagsins verið
reyfarakennd. Útþenslan hefur
gengið hraðar en Hitler þorði að vona
og fá hliðstæð dæmi er að finna í
mannkynssögunni. Helst er hægt að
finna sambærilega útþenslu í Jihad,
heilögu stríði sona Al-
lah. Merkileg er sú hlið-
stæða að arabarnir
nefna sín trúarbrögð is-
lam (friður) og ESB
heldur fram þeirra
röngu staðhæfingu að
friður í Evrópu sé af-
leiðing stofnunar banda-
lagsins og ævintýra-
legrar stækkunar þess.
Útþensla ESB hefur
verið stöðug ógn við
Rússland því að nýjar
bandalagsþjóðir ESB
eru að miklu leyti fyrr-
verandi Ráðstjórnarríki. Evrópu-
sambandið beitir ekki bara mútum
og áróðri heldur var hervaldi beitt í
Júgóslavíu 1991 og í Úkraínu var lög-
lega kosinn forseti, Viktor Yanuko-
vych hrakinn úr landi 2014 með blóð-
ugu valdaráni. Fullyrðingar ESB um
að Rússland sé stöðugt að þenja út
landamæri síneru í hróplegri mót-
sögn við augljósar staðreyndir.
Hagsmunir Íslands liggja í
frjálsri verslun á milli ríkja
Auðmjúkir þjónar Evrópusam-
bandsins eru óeðlilega fjölmennir á
Íslandi. Litlu munaði að þeim tækist
að þvinga Icesave-klafann á þjóðina
og ólögleg umsókn um innlimun
landsins í ESB mun að eilífu lifa í
þjóðarsálinni. Það sýnir vel niður-
lægingu þessa fólks að fyrir nokkrum
dögum líkti ESB-vinurinn Vil-
hjálmur Bjarnason því yfir að sjálf-
stætt Ísland væri engu betra en
hóruhús. Hvaða nafngift er sann-
gjarnt að gefa þeim sem ekkert vilja
fremur en að Ísland afsali sér öllum
réttindum sjálfstæðs ríkis?
Úkraína er sex sinnum stærri en
Ísland og þegnar ríkisins eru um 44
milljónir. Þar af eru nær 18% Rúss-
ar, eða um 8 milljónir. Eru það ekki
sjálfsögð mannréttindi að svona fjöl-
mennur hópur fái að ráða hvaða ríki
hann tilheyrir? Hvers vegna heldur
Ísland sig ekki við þá utanríkisstefnu
sem við höfum haft allt frá 874? Get-
ur verið að núverandi ráðherrar meti
svo mikils að fá að sitja veislur í
Brussel að hagsmunir þjóðarinnar
sitji á hakanum.
Almenningur vill vita hvort ríkis-
stjórnin hefur sömu viðhorf til sjálf-
stæðiskrafna Skotlands og Katalón-
íu, eins og upplýst er að hún hefur til
krafna Rússa sem búsettir eru á
Poltava-svæðinu, austan Dneper-
árinnar. Við vitum að ESB berst hat-
rammlega gegn sjálfstæði smáþjóða,
nema þær hafi tileinkað sér full-
komna þrælslund. Getum við vænst
þess að Ísland styðji efnahags-
þvinganir gegn Skotlandi og Kata-
lóníu ef þessar þjóðir heimta rétt-
mætt sjálfstæði?
Eftir Loft Altice
Þorsteinsson
Loftur Altice
Þorsteinsson
» Á meðal fórnarlamba
ESB eru Ísland og
Grikkland, sem eru mat-
vælaframleiðendur með
mikilvæga viðskipta-
hagsmuni í Rússlandi.
Höfundur er verkfræðingur.
Ísland á enga sök við Rússland
SÆKTU APPIÐ
Sæktu Hreyfils appið - þannig ræður þú ferðinni!
Nú er auðvelt að panta bíl með snjallsímanum
Hreyfill hefur þróað nýtt app.
Með því er fljótlegt og einfalt að panta leigubíl.
Þú getur líka pantað bíl fram í tímann, á tilteknum tíma næsta
sólarhringinn eða lengra.
Ef þú ferðast á vegum fyrirtækis getur þú valið viðskiptareikning
og opnað aðgang.
Það eina sem þarf, er iPhone eða Android snjallsími.
Þú hleður niður Hreyfils-appi með App Store eða Google Play.
Þú pantar bíl, færð SMS skilaboð þegar bíllin er mættur á
staðinn. Þú getur fylgst með hvar bíllinn er staddur hverju sinni.
Hreyfils-appið er ókeypis.
Sæktu þér Hreyfils appið
og þú ræður ferðinni.
2
3
Þú pantar
bíl,
1
og færð SMS
skilaboð
að bíllinn
sé kominn
fylgist
með
bílnum
í appinu
Hreyfils appið
fyrir iphone og android er komið