Morgunblaðið - Sunnudagur - 13.09.2015, Blaðsíða 31
13.9. 2015 MORGUNBLAÐIÐ SUNNUDAGUR 31
Þriðja útgáfa Hvað á ég að gefa barninu mínu að borða? er komin út,
endurbætt og uppfærð. Þessi sígilda uppskriftabók með meiru eftir Ebbu
Guðnýju Guðmundsdóttur er leiðarvísir fyrir foreldra sem langar að gefa
börnunum sínum og allri fjölskyldunni einfaldan og næringarríkan mat.
Hvað á fjölskyldan að borða?* Ég hef ekki áhuga á að tala við mann sem hefur skrifað meira en hann hefur lesið.
Samuel Johnson
Fjölskyldumeðlimir eru:
Anna Sigga dósent í næringarfræði við Háskóla Ís-
lands, Gauti verkefnisstjóri við Nýsköpunarmiðstöð
Íslands, Jakob Yngvi (11), Andri Sigfús (10), Mar-
teinn Ragnar (7), Helena Lea (7) og Elías Ívar (5).
Þátturinn sem allir geta horft á?
Sameiginleg sjónvarpsstund er yfirleitt á laug-
ardagskvöldum og þá verða leiknar fjölskyldu-
myndir helst fyrir valinu.
Þær sem síðast slógu í gegn
voru Benjamín Dúfa og svo
er ennþá verið að syngja lög-
in úr Annie, þar sem við sáum
bæði gömlu og nýju útgáfuna
í sumar. Krakkarnir eru jafn-
framt öll aðdáendur Ævars
vísindamanns.
Maturinn sem er í uppá-
haldi hjá öllum?
Mataráhuginn er mikill og
bæði það fyrsta og síðasta
sem heyrist sagt á hverjum
degi er „hvað ætlum við að
borða?“ Tilraunaeldamennska er vin-
sæl þar sem allir sem eru í stuði fá að
spreyta sig. Elsti les matreiðslubækur
og merkir við hvað hann vill að verði
prófað og á það til að breyta uppskrift-
unum í leiðinni á meðan sá yngsti er
ástríðukokkur og á það til að koma með
snjallar hugmyndir að nýsköpun við
eldhúsborðið.
Skemmtilegast að gera saman?
Okkur finnst svakalega gaman að gera hluti sam-
an og þá eru litlar útilegur með náttúruskoðun,
hjólatúrar og sund oftast á dagskrá; svo búum við
stundum til fjölskylduþrautakeppni eða spilum
spil.
Borðið þið morgunmat saman?
Þrátt fyrir að allir þurfi ekki að fara út úr húsi á
sama tíma á morgnana er stuðið klárlega við
morgunverðarborðið ekki síður en í kvöldmatnum
þannig að þeir sem mega sofa aðeins lengur eiga
það til að rífa sig á fætur til að missa ekki af neinu.
Fyrir utan að skella potti með hafragraut á borðið sér hins vegar hver um sig
og allir mjög sjálfstæðir.
Hvað gerið þið saman heima ykkur til dægrastyttingar?
Við eigum sameiginlega lestrarstund fyrir háttinn alla daga og erum núna að
lesa Línu Langsokk, en það er búið að vera Astrid Lindgren-þema hjá okkur
undanfarið og við höfum áður lesið Emil og Ronju. Þetta eru mínúturnar sem
enginn tímir að missa af og góð leið til að ýta á alla að klára heimalærdóminn og
koma sér í náttfötin.
EFTIRLÆTI FJÖLSKYLDUNNAR
Tilraunaeldamennska og
sameiginleg lestrarstund
Ræ ég út á sérhljóðasæ
á sjálfri málfræðinni,
breiðir hafa brodd nema æ,
bara að ég þá finni.
Ge, gi, gí, gæ,
góða reglan engan villi.
Ke, ki, kí, kæ,
kemst hér ekkert j á milli.
Efna, tefla, hafna, höfn,
hefna, skefla, kafna,
nefna, kefla, safna, söfn,
sofna, efla dafna.
Gaman er að brjóta boð,
sem berast mér í hendur.
Ég ætla samt að setja j
í sækjendur og fjendur.
Upphafsstaf í Ísland haf
eins og kennir skólinn,
en laugardag með litlum staf
og líka blessuð jólin.
„Blessaður“, sagði Bangsimon
og bauð mér kaffi.
„Það er aldrei ypsilon
á eftir vaffi.“
(Úr Menntmálum 1953;
Örn Snorrason kennari.)
Stafsetningarbögur
Svandís Sturludóttir, náms- ogstarfsráðgjafi hjá Erindi,samtökum um samskipti og
skólamál, segir að mikilvægt sé að
ræða samskipti og vinamálin við
upphaf skólaárs. Hvað geta for-
eldrar gert til að efla bekkjarandann
í skólanum? Hún hefur svör við því.
● Hitt aðra foreldra. Ekki bíða eftir
að kjörinn bekkjarfulltrúi hafi sam-
band. Sýnið frumkvæði og hittist á
„spjallfundi“ og ræðið um bekkinn
og hvernig þið viljið hafa samstarfið.
Þá er einnig kjörið að stofna hóp á
netinu þar sem auðvelt er að ná til
allra, t.d. á Facebook. Það er mik-
ilvægt að hittast án barnanna og
ræða andann í hópnum, hverjir eru
að hittast, hvaða fréttir þau eru að
koma með heim, hvað þau eru að
segja um hvort annað, kennarann,
frímínúturnar og svo framvegis.
● Rætt hvernig þið viljið hafa af-
mælisboð. Komið ykkur saman um
að enginn verði skilinn útundan.
● Mætt á fundi og fræðslu sem
skólinn býður upp á. Það er afar
mikilvægt að mæta og fjárfesta
þannig í góðum tengslum við starfs-
fólk skólans. Það sýnir barninu líka
að við berum virðingu fyrir því sem
er að gerast í skólanum og þá eru
meiri líkur á að barnið öðlist þá
virðingu sjálft.
● Hist reglulega með bekknum og
gert eitthvað skemmtilegt saman.
Gott er að hafa bak við eyrað þegar
verið er að ákveða hvað skal gera
að það efli liðsandann og samveru
allra í bekknum.
● Rætt samskipti við börnin sín.
Tökum afstöðu með „góðum sam-
skiptum“, ekki með einhverjum
ákveðnum aðilum ef vandi kemur
upp. Börnin okkar eru að læra og
flest gera þau mistök. Við erum fyr-
irmyndir þeirra og verðum að hafa í
huga að samnemendur barna okkar
hafa mikil áhrif á þau og eftir því
sem hópurinn er samhentari og líð-
ur betur, þeim mun betur líður
okkar barni.
Svandís leggur áherslu á að for-
eldrar standi saman, vinni að góðum
bekkjaranda og passi upp á allan
hópinn.
Ýmsa fræðslu og nánari upplýs-
ingar um samtökin er að finna á
Erindi.is.
HVAÐ GETA FORELDRAR GERT TIL AÐ EFLA BEKKJARANDANN Í SKÓLANUM?
Gátlisti foreldra að hausti
Tökum afstöðu með „góðum samskiptum“, ekki með einhverjum ákveðnum aðilum ef vandi kemur upp.
Morgunblaðið/Eggert
AÐ HAUSTI ÞARF AÐ UNDIRBÚA SKÓLAÁRIÐ
Á FLEIRI VEGU EN AÐ KAUPA RITFÖNG. MIKILVÆGT
ER AÐ RÆÐA SAMSKIPTI OG VINAMÁL VIÐ BARNIÐ
OG AÐ FORELDRAR STANDI SAMAN.
Inga Rún Sigurðardóttir ingarun@mbl.is
Cuxhavengata 1 • Hafnarfirði • Sími 560 0000 • www.safir.is • safir@safir.is
SKIPASALA • KVÓTASALA
Nánari upplýsingar á skrifstofu
Vegnamikillar eftirspurnar
Vantar öfluga beitingarvélabáta og/eða balabáta í sölu
Eigum til aflahlutdeild ásamt aflamarki í krókakerfinu