Morgunblaðið - Sunnudagur - 13.09.2015, Blaðsíða 42

Kotra
42 MORGUNBLAÐIÐ SUNNUDAGUR 13.9. 2015
K
otra er eitt elsta borðspil
sem um getur, mögulega það
elsta, en til eru heimildir
fyrir því að menn hafi byrj-
að að stunda það fyrir 5.000
árum. Hvorki meira né minna. „Mér
skilst að menn hafi spilað kotru meðan
þeir gerðu hlé á byggingu píramídanna.
Eða öfugt,“ segir Bjarni Freyr Krist-
jánsson, forseti Kotrusambands Íslands,
sposkur á svip.
Kotrusamband Íslands er heldur yngra,
stofnað árið 2009. „Við vissum af fólki
sem var að spila hér og þar, aðallega í
heimahúsum, og vildum ná þessum hópi
saman,“ segir Bjarni.
120 manns eru nú skráðir í sambandið
og þar af um helmingur virkir þátttak-
endur í mótum á þess vegum. Árlega er
krýndur deildarmeistari, bikarmeistari og
Íslandsmeistari.
Bjarni segir kotru í mikilli sókn og
engin hugaríþrótt vaxi hraðar á heims-
vísu. „Sú tíð er liðin að bara eldri menn
við Miðjarðarhafið spili kotru. Nú spilar
allskonar fólk leikinn, út um allan heim,
konur og karlar. Alþjóðlegum mótum
fjölgar hratt og hægt er að finna kotr-
umót einhvers staðar í hverjum mánuði,“
segir Bjarni og Róbert Lagerman lands-
liðseinvaldur bætir við að Kotrusamband
Íslands hafi áform um að halda slíkt mót
við fyrsta tækifæri.
Hársbreidd frá bronsinu
Ísland sendi í fyrsta skipti lið á Evr-
ópumeistaramótið í fyrra en þá fór það
fram í Dubrovnik í Króatíu. Átta þjóðir
áttu lið á mótinu og gekk því íslenska
ljómandi vel. Var hársbreidd frá því að
leika um bronsið. „Það munaði grátlega
litlu,“ segir Bjarni.
Annað Evrópumeistaramótið í kotru fer
fram í Búdapest í Ungverjalandi um
næstu helgi og að þessu sinni hafa sex-
tán lið boðað komu sína, þar á meðal hið
íslenska. Bjarni og Róbert segja markið
sett hátt og vonast liðið til að gera enn
betur en síðast.
Spilað er á sjö borðum en átta leik-
menn fara utan. Landsliðið var valið í
byrjun sumars og hófust vikulegar æfing-
ar þegar í stað. Þá fékk landsliðið Kjart-
an Maack markþjálfa til liðs við sig og
segja Bjarni og Róbert hann hafa hjálpað
liðinu mikið við undirbúninginn. „Kjartan
hefur aðstoðað okkur við að þétta rað-
irnar, setja okkur markmið og opnað
augu okkar fyrir ýmsum hlutum. Á heild-
ina litið er undirbúningur liðsins mun
betri en í fyrra og óhætt að segja að við
mætum vel þjálfaðir til leiks,“ segir
Bjarni og Róbert bætir við að nú sé
tækifæri til að stimpla sig rækilega inn í
evrópska kotrusamfélagið.
Kona heims-
meistari í fyrra
Það er til marks
um breiddina í ís-
lenskri kotru að
pressuliðið gerði
jafntefli við lands-
liðið í pressuleik
fyrr í þessari viku.
Athygli vekur að landslið Íslands er
eingöngu skipað körlum. „Konur eru því
miður í miklum minnihluta hjá okkur
ennþá en vonandi breytist það sem fyrst.
Það hafa alltof fáar verið að keppa á
mótunum hjá okkur en þeim mun fleiri
sem spila sér til gamans í heimahúsum.
Ég er ekki í vafa um það. Vonandi get-
um við teflt fram konu í landsliðinu áður
en langt um líður,“ segir Bjarni en þess
má geta að alþjóðleg kotrumót eru ekki
kynjaskipt og heimsmeistari síðasta árs
var einmitt kona, Akiko Yazawa frá Jap-
an.
Eru að skrifa söguna
Að sögn Bjarna og Róberts gengur bæri-
lega að koma kotrunni á kortið hér
heima. „Við erum að stíga okkar fyrstu
skref og skrifa kotrusögu Íslands í leið-
inni,“ segir Róbert og Bjarni bendir á að
það hái kynningarstarfinu að kotra sé
ekki samþykkt hugaríþrótt hér á landi,
líkt og bridds og skák. „Við erum að
vinna í því að fá greinina samþykkta en
það gæti opnað fyrir styrki til starfsem-
innar og annað þess háttar,“ segir Bjarni
og Róbert laumar því að glettnislega að
sennilega væri best að kenna annað hvort
forseta Íslands eða forsætisráðherra spil-
ið.
„Við erum komnir með ákveðna fram-
tíðarsýn en það tekur tíma að byggja
svona starf upp frá
grunni,“ segir
Bjarni og þeir Ró-
bert eru sammála
um að það sé sam-
hentur hópur sem
vinni að því að efla
veg kotrunnar á Ís-
landi.
Kotrusambandið
hefur enn ekki komið sér upp föstu hús-
næði en hefur fengið lánaða sali undir
mót. „Okkur er iðulega mjög vel tekið og
allir boðnir og búnir að greiða götu okk-
ar. Fyrir það erum við mjög þakklátir,“
segir Bjarni.
Róbert bætir því við að Kotru-
sambandið sé ekki ríkt samband en á
móti komi að það skuldi ekki krónu.
Þeir benda á að mikil sprenging hafi
orðið í íþróttinni í Danmörku á umliðnum
árum en kotra er orðin fullgild hugar-
íþrótt þar. „Það er engin tilviljun að
Danir unnu síðasta Evrópumót,“ segir
Róbert.
Bjarni segir útbreiðslu íþróttarinnar að
einhverju leyti bjórframleiðandanum
Carlsberg að þakka en þar á bæ fóru
menn í átak með danska kotrusam-
bandinu sem fólst í því að Carlsberg lét
framleiða fjöldann allan af kotruborðum
sem dreift var á öldurhús víðsvegar um
landið. „Það kvikna oft góðar hugmyndir
á börum,“ segir Róbert brosandi en
hann tók á sínum tíma þátt í að stofna
skákfélagið Hrókinn á Grand Rokk. Það
félag hefur heldur betur fært út
kvíarnar.
Út af knæpunum
Annars er það markmið Kotrusambands
Íslands að færa íþróttina út af knæp-
unum. Guðaveigar eigi alltént ekkert er-
indi inn á mót. „Í okkar huga er kotra
ekki fjárhættuspil á bar,“ segir Róbert.
„Annars má svo sem deila um það hvað
sé fjárhættuspil og hvað ekki. Veðja
menn ekki grimmt á fótbolta og ýmsar
aðrar íþróttir?“
Kotran lifir líka góðu lífi í netheimum
og þar fara fjölmörg mót fram, meðal
annars í landsliðsflokki. Þá eru leikmenn
að vísu fimm í stað sjö. Tæknin vinnur
sumsé með þessu fimmþúsund ára gamla
sporti.
Bjarni lærði kotru meðan hann var bú-
settur í Danmörku fyrir um aldarfjórð-
ungi. Hann hefur ekki bakgrunn í öðrum
hugaríþróttum, eins og skák. Það hefur
Róbert á hinn bóginn, er margreyndur
landsliðsmaður í þeirri grein.
Spurður hvort það hjálpi honum í kotr-
unni hristir hann höfuðið. „Nei, það gerir
það ekki. Bæði kotran og skákin snúast
Þitt
tækifæri
kemur alltaf
í kotru
ÞAÐ ERU EKKI BARA KÖRFUBOLTA-
OG KNATTSPYRNULANDSLIÐ ÍSLANDS
SEM BAÐA SIG Í DÝRÐARLJÓMA
EVRÓPUMEISTARAMÓTA ÞESSI MISSERIN.
KOTRULANDSLIÐIÐ ER Á LEIÐ Á EM Í
BÚDAPEST UM NÆSTU HELGI. ÞESSARI
ÆVAFORNU HUGARÍÞRÓTT VEX NÚ FISK-
UR UM HRYGG, HÉR HEIMA SEM ERLENDIS,
OG RÓBERT LAGERMAN LANDSLIÐS-
EINVALDUR OG BJARNI FREYR KRIST-
JÁNSSON, FORSETI KOTRUSAMBANDS
ÍSLANDS, SEGJA MARKIÐ SETT HÁTT Á EM.
Texti: Orri Páll Ormarsson orri@mbl.is
Myndir: Styrmir Kári Erwinsson styrmirkari@mbl.is
*Hann tók ósigrinummjög illa, strunsaðiút og kvaðst aldrei ætla
að spila kotru aftur.