Morgunblaðið - Sunnudagur - 13.09.2015, Blaðsíða 34

Tíska *Sænska keðjan H&M hefur hafið fram-leiðslu á svokallaðri Mini-me línu seminniheldur samskonar fatnað fyrir kon-ur og börn. Línan er því afskaplegakrúttleg þar sem börnin geta nú klættsig alveg eins og mamma. Mini-me línaninniheldur meðal annars kuldaskó,
pelsa, kraga, sokka og jakka.
Mini-me haustlína frá H&M
Hvernig myndir þú lýsa þínum fatastíl?
Minn persónulegi stíll er afslappaður og hefur smátt og smátt þróast yfir í að verða einfald-
ari og kröfuharðari. Mér líður best í hversdagslegum fatnaði en er meðvituð um smáatriði,
„layering“ og rétta fylgihluti. Svo safna ég prjónaflíkum og laðast að áhugaverðum efnum og
er hálfpartinn farin að hlakka til þess að kólni aftur í veðri til þess að ég geti farið að grafa
þær upp á ný.
Hvað heillar þig við tísku?
Tíska er gríðarlega margþætt fyrirbæri og þurfti ég að spyrja sjálfa mig að þessari spurn-
ingu þegar ég fór inn í þennan heim. Mitt svar á sínum tíma var að efni (textíll) og skapandi
ferlið við gerð þeirra væri það sem heillaði mig mest og fór í þá átt og hef sérhæft mig í að
hanna flíkur úr efnum sem ég hanna sjálf. Tískusagan sjálf finnst mér líka heillandi og það
hvað tískan endurspeglar tíðaranda hvers og eins tímabils.
Hvernig skín þinn persónulegi stíll í gegn í hönnun þinni?
Ég held að hönnun mín og persónulegur stíll haldist algjörlega í hendur þó að ég spái ekki
mikið í það dagsdaglega. Í hönnun minni legg ég áherslu á að búa til ný og áhugaverð efni og
leik mér með smáatriði og andstæður í áferðum og efnisvali. Sniðin hef ég einföld svo að efnin
fái að njóta sín. Ég sé það núna að þessi lýsing gæti einnig átt við um minn eigin stíl.
Hvaðan sækir þú innblástur?
Úr öllum áttum. Það getur verið manneskja sem ég sé úti á götu eða mynd sem sonur minn
teiknar. Ég er frekar forvitin að eðlisfari og er alltaf með myndavélina uppi við og tek myndir
af litasamsetningum og áferðum sem mér finnst áhugaverðar. Ég safna einnig hinum ýmsu
hlutum sem mér finnast heillandi og svo finn ég rauðan þráð sem ég vinn síðan út frá. Ég
ákveð sjaldnast fyrir fram hvar ég ætla mér að finna innblástur og þannig var síðasta lína
Magnea til dæmis sprottin út frá skærblárri ullarklessu sem ég fann fyrir tilviljun á gólfinu í
íslensku ullarverksmiðjunni Ístex og átti sennilega að fara í ruslið.
Áttu þér uppáhalds tískuhús/-hönnuð?
Þau erlendu tískuhús sem ég er alltaf spenntust fyrir að skoða nýjungar frá eru Acne Stud-
ios og Proenza Schouler. Annars er ég spenntari fyrir grasrótinni, sérstaklega í London, og
fylgist með útskriftarsýningum úr Central St. Martins og ungum hönnuðum sem ég kannast
við þaðan, til dæmis Phoebe English og Anitu Hirlekar. Svo er mikið að gerast í íslensku
hönnunarsenunni og þar ber helst að nefna meðeigendur mína í versluninni Kiosk, sem eru
allar að gera virkilega góða hluti.
Hver hafa verið bestu kaupin þín?
Ég hef fundið mínar helstu gersemar á mörkuðum og „second hand“-búðum erlendis. Hvíti
kanínupelsinn minn sem ég keypti á Portobello-markaðnum í London er til dæmis í sérstöku
uppáhaldi, en hann er með hettu úr refaskinni og er ein af flíkunum sem láta mig hlakka til
vetrarins.
Ætlar þú að fá þér eitthvað fallegt fyrir veturinn?
Ég er mjög spennt fyrir haustinu í Kiosk, það eru nýjungar væntanlegar frá okkur öllum
þar og ég hlakka til að sjá hvað kemur upp úr kössunum þegar sendingar fara að berast og
velja mér fallega íslenska hönnun fyrir veturinn. Svo er ég að leita mér að draumaskónum,
sem ég hef ekki ennþá fundið. Ég hef þó mjög ákveðna skó í huga, en það eru karlmannleg
ökklastígvél í líkingu við skó sem ég kom auga á í Wes Anderson-myndinni Grand Budapest
Hotel. Ákveðin „element“ úr þeirri mynd voru einmitt notuð
sem innblástur að stílíseringu fyrir tískusýningu Magnea á
RFF núna í vor.
Hvað hefurðu helst í huga þegar þú velur föt?
Ég forðast „trend“ eins og heitan eldinn og vel gæði fram
yfir magn. Ég vel klassískar flíkur en þær verða þó að hafa
ákveðinn karakter, hvort sem það varðar ákveðin smá-
atriði eða einfaldlega efnin sem þær eru búnar til
úr.
Hvaða þekkta andlit finnst þér með flottan
stíl?
Ég sá söngkonuna MØ á tónleikum í sumar
og fannst hún mjög flott. Annars heillast ég
almennt af týpum sem fara sínar eigin leiðir í
klæðaburði og nota tísku sem tjáningarform,
Iris Apfel og söngkonan Sia koma upp í hug-
ann.
Hvert er þitt eftirlætis tískutímabil og hvers
vegna?
Ég hef alltaf verið heilluð af kventísku þriðja ára-
tugarins. Það er eitthvað alveg sérstakt við þetta
tímabil og miklar breytingar frá fyrri tímum, bæði
hvað varðar snið og heildarútlit kvenna með styttri
pilsum og hári, sem sýnir einnig fram á ákveðið
frelsi sem einkennir áratuginn og tímana fram und-
an.
FORÐAST „TREND“ EINS OG HEITAN ELDINN
Magnea Einarsdóttir
fatahönnuður klædd
kápu úr nýjustu línu
Magnea sem
fæst í Kiosk.
Forvitin að eðlisfari
MAGNEA EINARSDÓTTIR, YFIRHÖNNUÐUR ÍSLENSKA
TÍSKUHÚSSINS MAGNEA, LEGGUR ÁHERSLU Á AÐ BÚA TIL NÝ
OG ÁHUGAVERÐ EFNI OG LEIKUR SÉR MEÐ SMÁATRIÐI OG
ANDSTÆÐUR Í HÖNNUN SINNI. MAGNEA VELUR GÆÐI FRAM
YFIR MAGN OG KLÆÐIST KLASSÍSKUM FLÍKUM MEÐ KARAKTER.
Sigurborg Selma Karlsdóttir sigurborg@mbl.is
Magnea heillaðist af skópari sem
hún kom auga á í Wes Anderson-
myndinni Grand Budapest Hotel.
Mynd úr Vetrarlínu
Magnea.
Hönnun
Anitu
Hirlekar.
Morgunblaðið/JúlíusAFP