Skólavarðan - 01.08.2005, Blaðsíða 12

12
KJARAMÁL
SKÓLAVARÐAN 5.TBL. 5. ÁRG. 2005
Skrifað var undir nýjan kjarasamning
fyrir framhaldsskólann 18. mars
sl. og atkvæði greidd um hann um
miðjan apríl. Laun samkvæmt nýjum
kjarasamningi komu til útborgunar
þann 1. maí sl., það er 20 þúsund kr.
eingreiðsla fyrir mánuðina desember
2004 og janúar 2005 miðað við fullt starf
og 7.07% miðlæg hækkun á launatöflu
með afturvirkni frá 1. febrúar 2005.
Næsta miðlæga launatöfluhækkun um
2.5% verður 1. janúar 2006.
Nýr kjarasamningur og ný launatafla eru á
vef félagsins (www.ki.is). Einnig er þar að
finna svör við ýmsum spurningum um nýja
kjarasamninginn og niðurstöður nýjustu
könnunar á launaþróun í framhaldsskólum
sem var send út til skóla í vor. Félagsmenn
eru hvattir til að nýta sér þetta efni vel.
Í 11. kafla kjarasamningsins um
stofnanasamninga og samstarfsnefndir er
kveðið á um að samstarfsnefndir í skólum
séu skipaðar allt að þrem fulltrúum frá
hvorum aðila, það er annars vegar frá
stéttarfélagi/starfsmönnum og hins vegar
frá stofnun, og jafnmargir til vara.
Félagið beindi þeim skilaboðum
til stjórna félagsdeilda sl. vor að þær
efndu til félagsfunda fyrir lok starfstíma
skóla til að kjósa fulltrúa í nýjar
samstarfsnefndir. Formenn FF og FS sendu
auk þess sameiginlega orðsendingu til
skóla um að hugsað yrði fyrir því að
aðstoðarstjórnendur ættu varamann í
samstarfsnefndunum því þær eiga að gera
einn stofnanasamning fyrir félagsmenn FF
og FS í hverjum skóla, kennara, náms- og
starfsráðgjafa og aðstoðarstjórnendur.
Félagið biður þá skóla sem hafa kosið
í nýjar samstarfsnefndir en ekki sent inn
upplýsingar um fulltrúa að gera það
sem allra fyrst. Einnig er lögð áhersla á
mikilvægi þess að þeir skólar sem eiga
eftir að kjósa í nýjar samstarfsnefndir
gangi strax frá þeim málum við upphaf
skólastarfs og sendi upplýsingarnar til
félagsins.
Stjórn og samninganefnd félagsins
stóðu fyrir fræðslufundi um nýja
kjarasamninginn fyrir trúnaðarmenn
og formenn félagsdeilda í lok maí sl. Á
fundinum var farið yfir nýja könnun á
launaþróun í framhaldsskólum. Formaður
félagsins fjallaði um meginatriðin í nýjum
kjarasamningi. Fulltrúi fjármálaráðuneytis,
Guðmundur H. Guðmundsson, gerði grein
fyrir viðhorfum ríkisins til kjarasamn-
inga opinberra starfsmanna með áherslu
á kjarasamning framhaldsskólans. Már
Vilhjálmsson og Sigurður Sigursveinsson
skólameistarar héldu erindi um stofnana-
samninga í framhaldsskólum um nýtt
launakerfi. Hermann Tómasson formaður
FS fjallaði um aðild og þátttöku FS í
starfi samstarfsnefnda í framhaldsskólum
að undirbúningi, gerð og framkvæmd
stofnanasamninga um nýtt launakerfi.
Auk þess störfuðu vinnuhópar á fundinum
sem ræddu ýmsar mikilvægar spurningar
um framkvæmd kjarasamningsins og
skiluðu niðurstöðum þar um. Glærur
af erindum fræðslufundarins eru á vef
félagsins og verður fundargerð hans
send út til trúnaðarmanna og formanna
félagsdeilda þegar skólar taka til starfa á
næstu dögum.
Í fylgiskjali 2 í nýjum kjarasamningi
og í bókun 5 er kveðið á um fræðslu fyrir
fulltrúa í samstarfsnefndum skólanna,
báðum megin borðsins. Fræðslan hefst
í byrjun september og á henni að vera
lokið fyrir 1. nóvember. Undirbúningur
hennar hófst í júní og er kominn vel á veg.
Skipulag og framsetning fræðslunnar er í
höndum sameiginlegrar verkefnisstjórnar
sem er skipuð fulltrúum fjármálaráðu-
neytis og þeirra stéttarfélaga sem gerðu
kjarasamninga um nýtt launakerfi.
Aðalfundur félagsins 25. febrúar sl.
samþykkti að stofna til tveggja nýrra
launaðra starfa á vegum félagsins.
Annars vegar erindreki fyrir félags-
deildir til að veita þeim stuðning og efla
tengsl þeirra og félagsins og hins vegar
faglegur ráðgjafi í skólamálum til að
efla slagkraft félagsins í þeim efnum.
Um er að ræða 25% starfshlutfall í
báðum tilvikum. Haukur Már Haraldsson
varaformaður FF gegnir erindrekstrinum
og Anna María Gunnarsdóttir, formaður
skólamálanefndar FF, faglegri ráðgjöf í
skólamálum. Eru þau boðin velkomin til
starfa.
Í fréttabréfi stjórnar sem verður sent
innan skamms til skóla verður gerð nánari
grein fyrir störfum þeirra og öðrum
mikilvægum málum sem eru framundan í
félagsstarfinu.
Stjórn FF
Framkvæmd nýs kjarasamnings
fyrir framhaldsskólann
Áhersla er lögð á að skólar kjósi í nýjar samstarfsnefndir gangi strax frá þeim
málum við upphaf skólastarfs og sendi upplýsingarnar til félagsins.