Skólavarðan - 01.08.2005, Síða 26

26
Verslunarfagnám í Verzlunarskóla
Íslands hófst í ársbyrjun 2005 í sam-
vinnu við SVÞ (Samtök verslunar og
þjónustu), Verslunarmannafélag Reykja-
víkur, Fræðslumiðstöð atvinnulífsins
og fyrirtækin Haga, Kaupás, Samkaup
og Olíufélagið. Námið er hannað fyrir
fólk sem starfar við almenn verslun-
arstörf. Útskrifað starfsfólk á að hafa
faglegar forsendur til að taka á sig
aukna ábyrgð og verkefnisstjórnun á
ýmsum sviðum verslunar. Með því að
taka upp starfstengt verslunarfagnám
á ný leggur Verzlunarskólinn áherslu á
þau markmið sem voru höfð að leiðar-
ljósi með stofnun hans árið 1905, þ.e.
að bjóða verslunarfólki upp á menntun
sem er sérstaklega sniðin að þörfum
þess og þess fyrirtækis sem það starfar
fyrir.
Frumkvæði að stofnun námsbrautarinnar
kom frá SVÞ og nokkrum stórverslunum.
Ástæðan var einkum skortur á almennri
fagþekkingu á verslunarstörfum og mikil
starfsmannavelta í greininni. Þrátt fyrir að
innan fyrirtækjanna væri formleg fræðsla
af ýmsu tagi var talin þörf á heildstæðara
og lengra nám en var í boði.
Áður en VÍ tók að sér framkvæmdina
hafði Fræðslumiðstöð atvinnulífsins að
beiðni SVÞ tekið að sér að greina mennt-
unarþarfir fyrir þennan hóp fólks og semja
námskrá og skipulag fyrir tilraunaverk-
efnið. Einnig var stofnaður samstarfshópur
frá verslunar- og þjónustufyrirtækjum
sem veitti faglega ráðgjöf og tengingu
við starfsvettvanginn. Í hlutverki FA fólst
einnig að sjá um kennslufræðinámskeið
fyrir þá kennara sem ráðnir voru og nám-
skeið fyrir starfsþjálfa sem hafa umsjón
með starfsnáminu úti í verslununum.
Námið á sér ekki fyrirmynd annars
staðar en reynsla annarra þjóða af sam-
bærilegu námi var nýtt við undirbúning
þess. Mikil áhersla er lögð á að raungera
skólanámið jafnóðum á vinnustað með
aðstoð sérstaks starfsþjálfa og nýta raun-
veruleg dæmi af vinnustað til úrvinnslu í
skóla.
Náið samstarf við fyrirtækin
Að þessu sinni voru teknir inn 20 nemendur,
einungis frá samstarfsfyrirtækjunum, og
voru þeir valdir af stjórnendum þeirra.
Allir nemendurnir hafa nokkurra ára starfs-
reynslu og margir bera ábyrgð umfram
almennt starfsfólk. Þrátt fyrir það hefur
reynslan fram til þessa leitt í ljós að námið
hefur skilað þeim meira sjálfstrausti og
aukinni fagmennsku.
Námið er ekki skipulagt á hefðbundinn
hátt eftir námsgreinum heldur flokkað í
samræmi við skilgreinda starfsfærni sem
skiptist í fjögur mismunandi færnisvið: Per-
sónulega færni, verslunarfærni, almenna
undirstöðufærni og sérstaka færni. Skóla-
námið og vinnustaðanámið taka jafn
langan tíma, eða 338 klst. hvort. Samtals
er námstíminn því 676 klukkustundir sem
skiptist i þrjár lotur og dreifast þær á 1 1/2
ár. Námið er metið sem sérhæft starfsnám
Upphafleg markmið skólans endurvakin á aldarafmælinu
Verslunarfagnám tekið upp í
Verzlunarskóla Íslands
til 51 einingar á framhaldsskólastigi.
Aftur til upprunans
Í bók, sem verið er að rita um 100 ára sögu
skólans og væntanleg er í haust, kemur
fram að fyrstu fjörutíu árin í sögu skólans
höfðu flestir, sem hófu þar nám, það að
framtíðarmarkmiði að leggja verslun fyrir
sig. Allra fyrstu árin var námið þannig
byggt upp að nemendur gátu unnið
verslunarstörf eða önnur störf eftir að
skóladegi lauk og þannig sameinað nám
og vinnu. Í núverandi námi sameinar starfs-
fólkið einnig nám og vinnu á þann hátt
að það vinnur hefðbundinn vinnudag en
sækir skólann tvo morgna í viku.
Hildur Friðriksdóttir
Höfundur er verkefnastjóri verslunarfag-
náms Verzlunarskóla Íslands.
Frekari upplýsingar má finna á http://www.
verslo.is/verslo/verslunarfagnam/
Kristín Helga Birgisdóttir nemandi og
starfsmaður Samkaupa ásamt starfsþjálfa
sínum Friðriki Sigþórssyni verslunarstjóra
í Samkaupum-Úrvali í Njarðvík.
Lj
ós
m
yn
d
H
ild
ur
F
rið
rik
sd
ót
tir
Hildur Friðriksdóttir
Lj
ós
m
yn
d
G
un
na
r
K
ris
tin
n
H
ilm
ar
ss
on
SKÓLAVARÐAN 5.TBL. 5. ÁRG. 2005