Skólavarðan - 01.08.2005, Blaðsíða 13

13
Hið árlega málþing um rannsóknir,
nýbreytni og þróun verður haldið í
Kennaraháskóla Íslands dagana 7.-8.
október. Yfirskrift málþingsins í ár
verður: Nám í nútíð og framtíð: Pælt í
PISA. Erlendir og íslenskir fyrirlesarar
munu m.a. skoða aðferðir og niður-
stöður PISA-kannananna á námsárangri
í ýmsu ljósi. Sérstaklega verður sjónum
beint að læsi á öllum skólastigum.
Þorbjörn Broddason prófessor flytur ávarp
um læsi í upphafi málþingsins. Tveir af
aðalfyrirlesurum koma úr röðum helstu
hugmyndafræðinga PISA. Annar þeirra
er Andreas Schleicher, forstöðumaður
námsmatsstofnunar OECD. Hann mun
m.a. velta fyrir sér ástæðum fyrir góðum
árangri Finna í PISA-könnununum.
Amalía Björnsdóttir, dósent í KHÍ, mun
skoða árangur íslenskra nemenda í PISA,
með sérstakri áherslu á læsi. Hún mun
fjalla um PISA sem mælitæki á námsár-
angur og einnig hvaða þýðingu niðurstöð-
urnar hafa fyrir nám og kennslu á öllum
skólastigum.
Aðalfyrirlesarar í málstofum á föstu-
degi verða Hrafnhildur Ragnarsdóttir
prófessor, Rúnar Sigþórsson kennari, Svein-
björg Sveinbjörnsdóttir kennari og Laufey
I. Gunnarsdóttir þroskaþjálfi. Hrafnhildur
segir frá málþroskarannsóknum sínum
meðal leikskólabarna og tengslum mál-
þroska við lestrarkunnáttu og læsi. Rúnar
fjallar um samræmd próf og kannanir
og áhrif þeirra á skólakerfið. Sveinbjörg
fjallar um læsi og ólæsi nemenda í fram-
haldsskóla og hvernig framhaldsskólinn
getur brugðist við hinni miklu breidd í læsi
nemenda. Laufey talar um nám og kennslu
nemenda með þroskahömlun og aðrar sér-
kennsluþarfir í almennum skólum.
Megintilgangur málþingsins er að
skapa vettvang til að kynna nýleg rann-
sóknar- og þróunarverkefni á sviði leik-,
grunn-, framhalds-, tónlistar- og háskóla-
kennslu, um samstarf heimila og skóla og
um þjálfun fólks með fötlun. Búast má
við miklum fjölda erinda og síðastliðin
tvö ár voru kynnt yfir hundrað verkefni
um nýbreytnistörf og rannsóknir á þessu
sviði. Gestum málþingsins hefur fjölgað ár
frá ári og í fyrra sóttu þingið vel á fimmta
hundrað manns. Skráning á málþingið
hefst 20. ágúst á heimasíðu málþingsins
http://malthing.khi.is
Þau sem hafa áhuga á að kynna nýleg
verkefni á málþinginu geta sent um það
óskir til Rannsóknarstofnunar KHÍ á net-
fangið malthing@khi.is frá 20. til 31. ágúst.
Nafn á erindi og flytjanda verður að koma
fram. Kynning getur verið í formi 20 mín-
útna erindis eða með veggspjöldum. Ekki
er nauðsynlegt að verkefni sem kynnt
verða tengist yfirskrift málþingsins sérstak-
lega. Ef þátttaka verður mikil getur orðið
nauðsynlegt að takmarka fjölda þeirra
verkefna sem kynnt verða.
Þátttaka í málþingi RKHÍ kostar 2.500
krónur, jafnt fyrir þau sem óska eftir að
kynna verkefni og aðra gesti þingsins.
Allar upplýsingar um dagskrá og aðal-
fyrirlesara ásamt leiðbeiningum fyrir þau
sem vilja kynna verkefni á málþinginu er
að finna á heimasíðu málþingsins, http://
malthing.khi.is
Málþing Rannsóknarstofnunar Kennaraháskóla Íslands
um rannsóknir, nýbreytni og þróun 7.-8. október 2005
Pælt í PISA
Nám í nútíð og framtíð:
Málþingið er haldið af Rannsóknar-
stofnun Kennaraháskóla Íslands í samráði
við Kennarasamband Íslands, Grunn;
samtök skólaskrifstofa, Heimili og skóla;
landssamtök foreldra, menntamálaráðu-
neyti, menntasvið Reykjavíkur, Skólastjóra-
félag Íslands og Stúdentaráð Kennarahá-
skóla Íslands.
Amalía Björnsdóttir. Andreas Schleicher.
Þorbjörn Broddason.
SKÓLAVARÐAN 5.TBL. 5. ÁRG. 2005
RÁÐSTEFNUR OG ÞING