Skólavarðan - 01.04.2006, Blaðsíða 8

8
NÝR MÓÐURSKÓLI Í UMFERÐARFRÆÐSLU
SKÓLAVARÐAN 3.TBL. 6. ÁRG. 2006
Grundaskóli á Akranesi er móðurskóli
á sviði umferðarfræðslu hér á landi.
Samningur þess efnis milli Umferðar-
stofu og Grundaskóla var undirritaður
á Akranesi 28. september síðastliðinn
að viðstöddum samgönguráðherra,
Sturlu Böðvarssyni. Grundaskóli á að
vera öðrum grunnskólum á Íslandi
til fyrirmyndar og ráðgjafar á sviði
umferðarfræðslu. Umferðarstofa verður
skólanum til ráðgjafar við þetta verkefni.
Mikið hefur vantað upp á að umferðar-
fræðsla í íslenskum grunnskólum hafi
verið nógu markviss á undanförnum árum.
Þess vegna var samið við Grundaskóla
um framkvæmd þessa verkefnis í þeirri
von að bjartari tímar séu framundan.
Fyrir liggur að í þriðjungi grunnskóla er
nánast engin umferðarfræðsla, í öðrum
þriðjungi er einhver fræðsla en ekki mikið
skipulögð og í þriðjungi skóla er þessari
námsgrein sinnt með mjög markvissum
hætti. Hins vegar er fræðsla fyrir
leikskólabörn öll mun markvissari fyrir til-
stilli umferðarskólans Ungir vegfarendur
og vor- og sumarnámskeiða fyrir fi mm og
sex ára börn.
Markmið með þessum samningi er að
efl a umferðarfræðslu í skólum og reyna
að fækka umferðarslysum með markvissri
fræðslu. Þessu markmiði á að ná m.a. með
eftirtöldu:
• Grundaskóli verður opinberlega
móðurskóli á sviði umferðarfræðslu á
Íslandi.
• Í Grundaskóla verður umferðarfræðsla
með þeim hætti að hún megi vera
öðrum skólum til eftirbreytni og
hvatningar.
• Í Grundaskóla starfar verkefnisstjóri og
hópur kennara sem sinna umferðar-
fræðslu sérstaklega.
Viðkomandi svara fyrirspurnum frá öðrum
skólum, skipuleggja og stjórna stuttum
námskeiðum og fræðslufundum fyrir
kennara í samráði við Umferðarstofu.
Samningsaðilar í samstarfi við Námsgagna-
stofnun fylgja eftir nýjum umferðarvef
og kynna hann fyrir öðrum skólum skv.
sérstöku samkomulagi sem undirritað var
fyrr á þessu ári. Slóð vefjarins er www.
umferd.is Hann er þrískiptur. Einn hlutinn
er ætlaður yngri nemendum, annar er
hugsaður fyrir eldri nemendur og loks
er þriðji hlutinn hugsaður fyrir foreldra
og kennara. Að þessu verki komu margir
kennarar í Grundaskóla, Aldís Yngvadótt-
ir ritstjóri hjá Námsgagnastofnun og Hugi
Þórðarson starfsmaður Umferðarstofu sem
séð hefur um tæknilegar lausnir.
Það er mat forráðamanna Umferðar-
stofu að grunnskólar hafi mikilvægt
hlutverk í umferðaruppfræðslu lands-
manna og með tilkomu þessa vefjar er
verið að bæta aðgengi að gögnum og
fræðsluefni fyrir nemendur og kennara
í grunnskólum og foreldra. Alltof mörg
börn slasast í umferðinni hér á landi enda
þótt talsvert hafi áunnist við að koma í
veg fyrir slys á undanförnum árum. Betur
má ef duga skal og þá skiptir góð fræðsla
miklu máli.
Meðal markmiða í umferðaröryggis-
áætlun stjórnvalda sem samgönguráð-
herra lagði fram á Alþingi og var samþykkt
á síðastliðnu vori og gildir til ársins 2008
er gert ráð fyrir efl ingu umferðarfræðslu
í grunnskólum og er þessi samningur
hluti þess verkefnis. Miklir möguleikar
eru fyrir hendi í þessu sambandi og má
þar nefna margvíslega samþættingu
umferðarfræðslu og ýmissa námsgreina,
til dæmis stærðfræði, eðlisfræði, mynd-
menntar og fl eira. Í slíkri kennslu eru ýmsir
skemmtilegir möguleikar.
Kennarar í Grundaskóla eru til taks til
að halda námskeið fyrir einstaka skóla
eða fl eiri saman og er Sigurður Arnar
Sigurðsson kennari þar tengiliður vegna
þess. Netfang hans er sas@grundaskoli.is
og einnig er hægt að hafa samband við
hann í síma 433-1400. Þegar hafa allmargir
skólar haft samband við forráðamenn
Grundaskóla og óskað eftir námskeiðum.
Sigurður Helgason
Höfundur er verkefnastjóri Umferðarstofu
Efling umferðarfræðslu
í grunnskólum
Sigurður Helgason
Íþróttakennarar í Brekkubæjarskóla á Akranesi skipuleggja tengsl
umferðarfræðslu og íþrótta.
LJ
ó
sm
yn
d
ir
f
rá
h
ö
fu
n
d
i