Skólavarðan - 01.08.2006, Blaðsíða 26

26
FRÉTTIR, TILKYNNINGAR
SKÓLAVARÐAN 5.TBL. 6. ÁRG. 2006
Fimmtudaginn 28. september verður
haldinn forvarnadagur í öllum 9.
bekkjum grunnskóla landsins. Þá verða
kynnt nokkur einföld atriði sem geta
komið í veg fyrir að ungmenni ánetjist
fíkniefnum. Athygli foreldra ungling-
anna á þessum staðreyndum verður
einnig vakin, svo og allra fjölskyldna
í landinu. Bréf þessa efnis var sent til
skólastjórnenda í byrjun apríl.
Forvarnadagurinn, sem efnt er til að
frumkvæði forseta Íslands, er samvinnu-
verkefni Sambands íslenskra sveitarfélaga,
Íþrótta- og ólympíusambands Íslands, Ung-
mennafélags Íslands, Bandalags íslenskra
skáta, Reykjavíkurborgar, Háskóla Íslands
og Háskólans í Reykjavík. Verkefnið er
stutt af lyfjafyrirtækinu Actavis.
Íslenskar rannsóknir hafa sýnt að
þeir unglingar, sem verja í það minnsta
klukkustund á dag með fjölskyldum sínum,
eru síður líklegir til að hefja neyslu fíkniefna.
Að sama skapi hafa rannsóknirnar sýnt að
mun ólíklegra sé að ungmenni sem stunda
íþróttir og annað skipulagt frístundastarf
falli fyrir fíkniefnum. Í þriðja lagi sýna
rannsóknirnar fram á þá staðreynd að því
lengur sem ungmenni bíða með að hefja
áfengisneyslu, þeim mun ólíklegra er að
þau verði fíkniefnaneytendur.
Þessar staðreyndir byggjast á rann-
sóknum vísindamanna við Háskóla Íslands
og Háskólann í Reykjavík sem hafa um ára-
bil rannsakað áhættuhegðun ungmenna
og hafa þær vakið alþjóðlega eftirtekt.
Aðstandendur forvarnadagsins fara þess
á leit við skólastjórnendur að nemendur
9. bekkja verji tveimur kennslustundum
til verkefnisins morguninn 28. september.
Skólunum verður lagt til efni til að vinna
með nemendum sem samanstendur af
geisladisk og þemaverkefnum um forvarnir
og gildi þeirra. Þá verður óskað eftir því að
fulltrúar íþrótta- og frístundahreyfi nga fái
að taka þátt í þemavinnu með nemend-
um auk þess að kynna starfsemi sína.
Heimasíða verkefnisins www.forvarna-
dagur.is verður opnuð um mánaðamótin
ágúst-september en þar verður hægt
að nálgast allar viðeigandi upplýsingar.
Einnig verða nánari upplýsingar sendar
skólastjórnendum með netpósti á næstu
dögum.
Verkefnisstjórnun annast Elín Þ. Þor-
steinsdóttir verkefnisstjóri. Starfsmaður
verkefnisins er Hervör Alma Árnadóttir
félagsráðgjafi . Fyrirspurnum og ábend-
ingum má koma á framfæri á netfangið
forvarnadagur@verkefna-lausnir.is eða í
síma 565 7272.
Hér með eru auglýstir styrkir sem
veittir eru félagsmönnum FL annars
vegar til þróunar- og rannsóknastarfa
og til námsefnisgerðar og hins vegar
einstökum félagsmönnum eða hópum
félagsmanna, faghópum og nefndum
innan FL til að halda námskeið og
ráðstefnur ætlaðar félagsmönnum.
Í umsókn þarf að koma fram:
• Heiti verkefnis.
• Lýsing á verkefninu, markmið þess
og gildi.
• Lýsing á framkvæmd verkefnis.
• Upplýsingar um umsækjanda/endur,
s.s. menntun og starfsferill.
• Kostnaðaráætlun.
Umsóknum skal skilað á þar til gerðum
eyðublöðum sem fást á skrifstofu FL/KÍ og
á heimasíðu www.ki.is í síðasta lagi 15.
september 2006.
Reykjavík 11. ágúst 2006,
Stjórn Vísindasjóðs FL
Verkefna- og námsstyrkjasjóður Félags
grunnskólakennara og Skólastjóra-
félags Íslands auglýsir eftir umsóknum
félagsmanna í grunnskólum um náms-
laun vegna framhaldsnáms á skólaárinu
2007-2008.
Væntanlegir styrkþegar fá greidd laun á
námsleyfi stíma í allt að tólf mánuði eftir
lengd náms. Umsóknir sendist til Verkefna-
og námsstyrkjasjóðs FG og SÍ, Laufásvegi
81, 101 Reykjavík.
Umsóknarfrestur rennur út 1. október
2006. Eyðublöð fást á skrifstofu sjóðsins
og heimasíðu Kennarasambandsins ki.is.
Nánari upplýsingar veitir starfsmaður sjóðs-
ins á skrifstofu Kennarasambandsins.

Verkefna- og námsstyrkjasjóður FG og SÍ
margret@ki.is
Helgina 20 - 21. október 2006 verður hald-
ið árlegt málþing Rannsóknarstofnunar
KHÍ undir yfi rskriftinni Hvernig skóli?
Skilvirkur þjónn eða skapandi afl .
Á málþinginu verður rýnt í stöðu skóla-
stiganna í dag og jafnframt skoðuð sú
gróska sem nú ríkir í rannsóknum, þróunar-
verkefnum og nýbreytni í skólastarfi .
Dr. Louise Stoll, prófessor við University
of Bath mun fl ytja aðalfyrirlestur mál-
þingsins föstudaginn 20. október. Hún
mun fjalla um skólaþróun, skólamenningu
og leiðtogafærni. Á föstudeginum verða
einnig fjórar málstofur þar sem fl uttir
verða tveir fyrirlestrar í hverri málstofu.
Málþingið er öllum opið. Skráning hófst
25. ágúst. Þátttökugjald fyrir þá sem skrá
sig fyrir 1. október er 3.000 kr. en 3.500 kr.
fyrir þá sem skrá sig eftir þann tíma. Sjá
slóð: ranns.khi.is
Þeim sem nú vinna að þróunar-
nýbreytni- og rannsóknarverkefnum gefst
kostur á að kynna verkefni sín. Ekki er
nauðsynlegt að verkefni sem kynnt verða
tengist yfi rskrift málþingsins sérstaklega.
Tekið verður á móti óskum um að kynna
erindi á málþinginu frá 15. ágúst. Óskir um
að kynna erindi sendist til RKHÍ á netfangið:
malthing@khi.is til 5. september.
Ný skýrsla OECD um menntamál á Íslandi
sem birt var þann 9. ágúst er villandi þar
sem hún byggir að verulegu leyti á gömlum
og úreltum upplýsingum. Í skýrslunni segir
að þrátt fyrir stórauknar fjárveitingar
til menntamála valdi námsárangur við
lok grunnskóla vonbrigðum sé tekið
mið af niðurstöðum PISA-kannana og
samanburði við önnur lönd. Fá merki séu
um framfarir.
Því er haldið fram í skýrslunni að fjölgun
hafi orðið á kennurum í grunnskólum
og leggja þurfi meiri áherslu á gæði en
magn í skólastarfi hér á landi. Júlíus K.
Björnsson forstjóri Námsmatsstofnunar
segir ekki rétt að kennurum hafi fjölgað.
Hins vegar hafi öðrum starfsmönnum
skóla en kennurum fjölgað síðustu ár.
Sjá nánar í frétt 11. ágúst á www.ki.is
FORVARNADAGUR Í GRUNNSKÓLUM
28. SEPTEMBER
Íslenskar rannsóknir hafa sýnt að
þeir unglingar, sem verja í það
minnsta klukkustund á dag með fjöl-
skyldum sínum, eru síður líklegir
til að hefja neyslu fíkniefna.
10. málþing RKHÍ um rannsóknir
nýbreytni og þróun
HVERNIG SKÓLI?
Auglýsing um úthlutun
styrkja úr C deild
Vísindasjóðs FL
NÁMSLAUN SKÓLAÁRIÐ
2007-2008 eins og haldið er fram í nýrri
skýrslu OECD
KENNURUM Í GRUNNSKÓLUM
HEFUR EKKI FJÖLGAÐ