Skólavarðan - 01.12.2007, Blaðsíða 8
8
KjARAMÁL
SKÓLAVARÐAN 8.TBL. 7. ÁRG. 2007
Að þessu sinni er ætlunin að fjalla um
launaseðla og helstu atriði varðandi
félagsgjöldin og félagsaðildina. Það er
mikilvægt að starfsmenn fylgist með
launaseðlum sínum og athugi hvort allt
er rétt. Það eru ákveðin atriði sem skylt
er að komi fram en önnur eru eingöngu
til upplýsinga fyrir starfsmann.
Launaseðlar
En hvað skal hafa í huga þegar farið er
yfir launaseðla? Starfsmaður á rétt á
að fá launseðil merktan nafni sínu. Þar
skulu tilgreind föst laun fyrir það tímabil
sem um er að ræða en þar á einnig að
koma fram fjöldi yfirvinnustunda. Öll
yfirvinna skal greidd eftir á fyrir hvern
mánuð eða hverja þrjátíu daga og komi
til útborgunar eigi síðar en 15 dögum
eftir síðasta dag reikningstímabils,
sama gildir um greiðslu fyrir yfirvinnu á
veikindatímabili. Á launaseðli skal einnig
koma fram sundurliðun einstakra tekna
og frádráttarliða sem leiða til útgreiddra
launa. Helstu frádráttarliðir eru stað-
greiðsla skatts, iðgjald í lífeyrissjóð og
félagsgjald til KÍ.
Fyrir utan það sem skylt er að komi
fram á launaseðli má nú sjá hjá sumum
launagreiðendum ýmislegt til upplýs-
ingar fyrir starfsmanninn, eins og mót-
framlag launagreiðanda í lífeyrissjóð
og framlag í hina ýmsu sjóði svo sem
endurmenntunarsjóð, orlofssjóð og
sjúkrasjóð.
Töluvert af erindum sem berast til
mín varða launaseðla og hvort þeir séu
réttir. Spurt er út í öll atriðin sem ég
nefndi hér að ofan sem og annað sem
þar kemur fram líkt og launaflokkaröðun,
launaleiðréttingar o.þ.h. Þó yfirleitt sé
hægt að leiðrétta rangar launagreiðslur
þá getur tómlæti starfsmanns stundum
orsakað að launakröfu aftur í tímann
er hafnað. Það er mjög mikilvægt að
starfsmaður geymi launaseðla því þeir eru
kvittun hans fyrir því að launagreiðandi
hafi haldið eftir félagsgjaldi, iðgjaldi í
lífeyrissjóð og staðgreiðslu skatts.
Félagsgjöld
Skólar á vegum sveitarfélaganna og
ríkisins hafa samning við KÍ og einnig
mjög margir einkareknir skólar. Kennarar/
skólastjórnendur þessara skóla/stofnana
verða sjálfkrafa félagsmenn KÍ. Ef ekki er
samningur milli KÍ og viðkomandi skóla/
stofnunar þarf félagsmaður að senda inn
umsókn með samþykki launagreiðanda
sem lögð er fyrir það aðildarfélag sem
við á. Þeir sem sagt hafa upp störfum,
stundakennarar á tímakaupi og þeir sem
eru í launalausu leyfi geta ekki greitt til
KÍ og eru þ.a.l. ekki virkir félagsmenn.
Kennarar sem eru á atvinnuleysisbótum
geta aftur á móti greitt félagsgjöld til KÍ
og öðlast þar með full réttindi.
Launagreiðendur innheimta félags-
gjöld fyrir KÍ og senda lista með þeim
upplýsingum sem nauðsynlegar eru.
Félagsgjöldin eru innheimt mánaðarlega
af félagsmönnum og skilað til KÍ. Um leið
og launagreiðandi hefur skilað félags-
gjöldum til KÍ verður starfsmaðurinn
virkur félagsmaður, þetta getur tekið allt
að einum mánuði. Hægt er að koma með
launaseðil til KÍ ef töf verður á skilum
frá launagreiðanda og þar með flýta
fyrir því að verða virkur félagsmaður.
Virkur félagsmaður getur fengið alla
almenna þjónustu á skrifstofu KÍ, sótt um
styrki og þjónustu til vísindasjóðs/endur-
menntunarsjóðs, orlofssjóðs og sjúkra-
sjóðs. (Mismunandi er eftir sjóðum hvað
kennari þarf að hafa verið félagsmaður
lengi til að eiga rétt í viðkomandi sjóði).
Félagsmaður sem er ráðinn við fleiri en
einn skóla á sama kjarasamningi og greiðir
af störfunum í sama aðildarfélag KÍ fyrir
meira en samtals 100% starf í dagvinnu
getur fengið endurgreidd félagsgjöld
vegna þess hluta sem er umfram fullt starf.
Viðkomandi félagsmaður þarf að leggja
fram afrit af launaseðlum frá báðum/
öllum launagreiðendum. Endurgreiðslan
fer fram eftir á vegna hvers skólaárs.
Í fæðingarorlofi getur starfsmaður
látið draga af sér félagsgjald og verið
þar með virkur félagsmaður í fæðingar-
orlofinu. Í umsókn um greiðslur úr Fæð-
ingarorlofssjóði er mikilvægt að taka
það sérstaklega fram að starfsmaður óski
eftir að af fæðingarorlofsgreiðslum skuli
dregið stéttarfélagsgjald, annars er það
ekki gert og þá tapar starfsmaðurinn
öllum félagslegum réttindum hjá KÍ,
þ.m.t. rétti í vísindasjóði/endurmenntunar-
sjóði, orlofssjóði og sjúkrasjóði. Í sumum
tilfellum varir sá réttindamissir lengur en
fæðingarorlofið, t.d. í sjúkrasjóði.
Að lokum langar mig að óska ykkur gleði-
legra jóla og farsæls komandi árs og
minni á netfangið mitt ingibjorg@ki.is ef
þið hafið einhverjar spurningar varðandi
þetta eða annað.
Ingibjörg Úlfarsdóttir
Launafulltrúi KÍ
Ingibjörg Úlfarsdóttir
launafulltrúi KÍ
Lj
ó
sm
y
n
d
:
S
te
in
u
n
n
J
ó
n
a
sd
ó
tt
ir
Launaseðlar og félagsgjöld
Námskeiðin verða haldin í febrúar 2008 á eftirtöldum stöðum:
Grunnskólanum í Grundarfirði 18.febrúar kl. 13-18
Grunnskólanum í Borgarnesi 19. febrúar kl. 13-18
(sjá Símenntun á Vesturlandi www.simenntun.is og skráning þar)
Skólavörubúðinni ,Smiðjuvegi, Kópavogi
20. febrúar fyrir grunnskóla ,frá 10-16
21. febrúar fyrir leikskóla, frá kl. 10-16
22.febrúar fyrir alla frá 13-18
(grunnskólakennara, leikskólakennara, starfsfólk, foreldra)
Hámark 15 manns á námskeið
Verð: 9500 kr. á mann
Skráning á námskeiðin í Reykjavík og nánari upplýsingar hjá Kristínu Wallis
kristinwallis@vikingur.co.uk
sími: 00441793726505
Kíkið á www.numicon.com