Skólavarðan - 01.12.2007, Blaðsíða 12
12
SKÓLAVARÐAN 8.TBL. 7. ÁRG. 2007
leysa þann vanda sem hér blasir við. Þau
eru fyrst og fremst staðfesting á slælegri
stjórn hingað til.“
Þorgerður Katrín Gunnarsdóttir
Menntamálaráðherra svaraði fyrir sig
og sagði m.a. : „ ... Það er allt að því
hjákátlegt að hlusta á þennan unga og
efnilega þingmann koma hingað upp og
tala niður allt skólakerfið ... Rétt er að
draga fram að enginn talar um það, hvort
heldur það eru fagmenn eða — ég trúi
ekki öðru en hæstvirtur þingmaður taki
þá alvarlega, rektor Kennaraháskólans,
Kennarasambandið eða Júlíus Björnsson
hjá Námsmatsstofnun, sem segja að
skólakerfið okkar sé gott. Þetta er ekki
áfellisdómur yfir kerfinu svo það sé dregið
fram. Ég vil sérstaklega minna á að nýlega
kom fram lífskjarakönnun frá Sameinuðu
þjóðunum og í hvaða sæti erum við þar?
Við erum í 1. sæti. Og hver var helsti
áhrifavaldur þess að við fórum upp í 1. sæti
og hentum Norðmönnum niður í 2. sætið?
Það er menntunin, það er menntakerfið
... Hins vegar hef ég sagt að það eru mér
mikil vonbrigði þegar við erum búin að
leggja eins mikið fjármagn í grunnskólann
og raun ber vitni, að stórauka og fjölga
fagmenntuðu fólki innan skólakerfisins,
hvort sem um er að ræða kennara eða
sérfræðiþjónustu, að árangurinn skuli
ekki vera betri. Ég lýsi því yfir að ég vil
að lesskilningur barnanna okkar verði
skoðaður sérstaklega en ég held að það
sem skipti máli hér sé að frístundalesturinn
hefur greinilega minnkað mjög mikið. Það
er eitthvað sem við verðum að horfast
í augu við, skólakerfið, en ekki síður
foreldrar. Við þurfum að auka lestur heima
við og það skilar sér inn í skólakerfið.“
Ráðherra er talsmaður hófsemdar þegar
talið berst að PISA, jafnt í fjölmiðlum sem
og á Alþingi og það er hróss vert. Hún
kallar eftir nánari skoðun á niðurstöðum
og hvetur alla hlutaðeigandi til að leggjast
yfir gögnin og lesa úr þeim. Það er einmitt
það sem þarf að gera í stað þess að slá fram
lítt eða órannsökuðum fullyrðingum um
stöðu íslenskrar grunnskólamenntunar.
Það vekur þó óneitanlega ekki síður athygli
að ráðherra og samflokksmenn hennar
leggja þunga áherslu á þá vísbendingu
PISA að ekkert augljóst samband sé á milli
þess fjármagns sem sett er í skólakerfið og
árangurs (sjá einnig tilvitnun í Sigurð Kára
hér að neðan). Þetta er nokkuð misráðið
vegna þess að þegar grunnskólakerfi
Finna er skoðað kemur í ljós að það minnir
um margt á íslenskt skólakerfi fyrir þrjátíu
árum. Fatlaðir nemendur eru í sérskólum,
kennarinn stendur upp við töflu með
prikið í annarri hendi og krítina í hinni og
svo framvegis. Sú vangavelta vaknar hvort
sjálfstæðismenn grípi þennan hluta PISA
fegins hendi í því skyni að undirbyggja
málflutning fyrir aukinni einkavæðingu
menntakerfisins og niðurskurði á fjár-
framlögum til opinbera kerfisins?
Niels Egelund
Niels Egelund formaður dönsku PISA
nefndarinnar og prófessor við Uppeldis-
háskóla Danmerkur svarar spurningu
blaðamanns Politiken um hvort PISA
sé fyrst og fremst vísindalegt og óhlut-
drægt verkfæri eða pólitískt verkfæri á
þennan hátt: „Það er blanda af þessu
tvennu. Og það er þess vegna sem mörg-
um vísindamönnum finnst þetta vera
hálfgerð melluvísindi (ludervidenskab,
innskot keg). En könnunin er gerð á
strangvísindalegan hátt og ekki hægt að
gera hana betur.“ Í sömu grein kemur
fram að lögn könnunarinnar er ekki alltaf
sem skyldi. Der Spiegel hefur upplýst að
blaðið hafi í fórum sínum gögn frá þýsku
PISA nefndinni þar sem fram komi að
hollensk, ensk og bandarísk börn þiggi fé
og aðrar gjafir fyrir þátttöku í könnuninni.
Í Slóveníu fengu nemendur dagsfrí úr skóla
fyrir að taka þátt og í Bandaríkjunum allt
að fimmtíu dollara. Ekki slæmt. Egelund
hefur ekki frétt af peningagreiðslum en
segir þær breyta engu, nemendur svari eins
hvort sem þeir fái aur eða ekki og þetta
hafi ekki minnstu áhrif á niðurstöður. En
víkjum aftur að Alþingi. Ætli aðrir sem
til máls tóku 7. desember leggi til fleiri
próf eins og kollegar þeirra í Danmörku
gerðu þegar niðurstöður PISA voru gerðar
heyrinkunnar?
Katrín Jakobsdóttir
Þetta sagði Katrín Jakobsdóttir meðal
annars: „ ... Ég hef lauslega kynnt mér
umræður um þessa PISA-könnun og ég
tel að það sé full ástæða til að taka hana
alvarlega en að sama skapi tel ég að hún
Það vekur þó óneitanlega ekki síður athygli að ráðherra og
samflokksmenn hennar leggja þunga áherslu á þá vísbendingu
PISA að ekkert augljóst samband sé á milli þess fjármagns sem
sett er í skólakerfið og árangurs.
Der Spiegel hefur upplýst að blaðið hafi í fórum sínum gögn frá
þýsku PISA nefndinni þar sem fram komi að hollensk, ensk og
bandarísk börn þiggi fé og aðrar gjafir fyrir þátttöku í könnuninni.
Í Slóveníu fengu nemendur dagsfrí úr skóla fyrir að taka þátt og í
Bandaríkjunum allt að fimmtíu dollara. Ekki slæmt.
ÍSLENSK MENNTUN, MENNTASTEFNA OG -FRAMKVÆMD