Skólavarðan - 01.12.2007, Side 19

NÁMSFERÐ
SKÓLAVARÐAN 8.TBL. 7. ÁRG. 2007
skiptist í a og b áfanga og raðast fólk í þá
eftir menntun. Námsefni á þriðja stigi eru
lestextar, stuttar bækur og skáldsögur.
Það var ótrúleg upplifun að fá að
fylgjast með þessari kennslu. Nemendur
eru á öllum aldri og við hittum til dæmis
konu á áttræðisaldri sem sagðist vera í
dönskunámi til þess að geta skilið barna-
börnin sín.
Nemendur í Danmörku fá styrk til
náms fyrstu þrjú árin eftir að þeir koma
til landsins. Einnig er algengt að fyrirtæki
kosti útlendinga til náms í dönsku.
Í Malmö heimsóttum við Data Lingua
stofnuna sem var stofnsett fyrir rúmum
tíu árum. Hussein Ellyas frá Súdan er hug-
myndasmiðurinn að þessari stofnun sem
er sænsku- og tölvunám fyrir útlendinga.
Áhugasamir nemendur með kennara sínum.
Námið tekur mið af þörfum atvinnulífsins.
Markmið Data Lingua er að brúa bilið
milli sænskunámskeiða (sem geta staðið
yfir í nokkra mánuði til tveggja ára) og
starfsnámsbrauta í framhaldsskólum.
Komvux skólinn í Malmö er með svipað
fyrirkomulag og Fredriksbjerg og kennsla
er sömuleiðis stigskipt. Allt landið notar
sömu námskrá. Þegar nemendur eru
hálfnaðir með sænskunámið geta þeir
farið í nokkurs konar starfsnám til þess að
þjálfa sig í tungumálinu.
Við heimsóttum einnig Rönnes Gym-
nasium sem er starfsmenntaskóli sem
hefur sérhæft sig í heilsugeiranum.
Nemendur vinna sem aðstoðarmenn á
heilsustofnunum, tannlæknastofum og á
sambýlum fatlaðra. Námið er sveigjanlegt
og geta nemendur stundað það í dag-
skóla, kvöldskóla og í fjarnámi. Hver
nemandi hefur leiðbeinanda sem heldur
utan um námið með honum.
Ferð þessi var okkur mjög lærdómsrík
í alla staði. Við fengum mjög góðar mót-
tökur alls staðar sem við komum. Hópurinn
fékk einnig góða og fræðandi leiðsögn
um Íslendingaslóðir í Kaupmannahöfn og
heimsótti m.a. Jónshús og íslenska sendi-
ráðið.
Ólafía Þ. Stefánsdóttir
Höfundur er kennsluráðgjafi.
19