Skólavarðan - 01.12.2007, Blaðsíða 18
18
NÁMSFERÐ
SKÓLAVARÐAN 8.TBL. 7. ÁRG. 2007
Lj
ó
sm
y
n
d
ir
f
rá
h
ö
fu
n
d
i
Á haustdögum héldu fjórir kennarar af
Austurlandi og einn frá Vestfjörðum
í námsferð til Kaupmannahafnar og
Malmö í Svíþjóð. Tilgangur fararinnar
var að kynna sér fullorðinsfræðslu
útlendinga og þá aðallega tungumála-
kennslu.
Kennararnir sem fóru voru Laufey Eiríks-
dóttir verkefnastjóri hjá Þekkingarneti
Austurlands, Eygló Aðalsteinsdóttir
aðstoðarskólastjóri Grunnskólans á
Fáskrúðsfirði, Þrúður Gísladóttir kennari
í grunnskólanum á Reyðarfirði, Ólafía Þ.
Stefánsdóttir kennsluráðgjafi Skólaskrif-
stofu Austurlands og Sigurborg Þorkels-
dóttir verkefnastjóri Fræðslumiðstöðvar
Vestfjarða á Ísafirði. Allar þessar konur
eiga það sameiginlegt að hafa stundað
íslenskukennslu fyrir útlendinga á sínum
stöðum, á Seyðisfirði, Egilsstöðum,
Reyðarfirði, Fáskrúðsfirði og Ísafirði. Til
fararinnar fengu þær styrk í gegnum
mannaskiptaverkefni Landsskrifstofu Leó-
nardós á Íslandi.
Fyrstu tvo dagana fór hópurinn í
kynnisferð til Fredriksbjerg undervisnings-
centret í Kaupmannahöfn og síðan var
farið á mismunandi kennslustaði í Malmö
svo sem Komvux sem stendur fyrir full-
orðinsfræðslu á vegum sveitafélagsins.
Fredriksbjerg sér um dönskukennslu
fyrir útlendinga og einnig kennslu fyrir
fullorðna sem af einhverjum orsökum
hafa helst úr námi og geta þeir lokið því
með stúdentsprófi. Hópurinn einblíndi
á tungumálakennslu útlendinga enda
tilgangurinn með ferðinni. Það var álit
hópsins að Danir og Svíar væru okkur
fremri í þróun tungumálakennslu og Danir
hafa farið út í mikla útgáfu á námsefni
sem er auðvelt en hentar fullorðnum. Þeir
kenna útlendingum dönskuna í stigum líkt
og við gerum hér á landi en munurinn á
þeim og okkur er sá að þeir hafa yfir að
ráða námsráðgjöfum sem stýra nemendum
inn á stig eftir getu og færni. Einnig eru
samræmd próf eftir hvert stig sem sérstök
prófanefnd hefur útbúið. Á hverju stigi
eru mismargir áfangar sem nemendur
taka samræmt próf úr til þess að komast í
næsta áfanga innan hvers stigs. Nemendur
verða að standast prófin til þess að geta
haldið áfram. Þeir hafa einnig möguleika
á að taka samræmt próf í dönsku til þess
að öðlast ríkisborgararétt í landinu.
Hópurinn fékk tækifæri til þess að
fylgjast með kennslu á nokkrum stigum.
Á fyrsta stigi eru aðallega nemendur sem
hafa annað skrifmál eða eru frá Mið- og
Suður Ameríku og nemendur sem hafa
aldrei lært að lesa og skrifa. Einnig var
sérstakt stig fyrir nemendur með dyslexiu
eða lestrarerfiðleika. Kennslan er róleg
og mikið um endurtekningar. Námsefni
er ljósmyndir og stuttir textar, æfingar í
að skrifa og segja frá. Á annað stig raðast
nemendur sem eru byrjendur og eru frá
löndum sem hafa líkt ritmál og Danir.
Þetta er fólk með fjögurra til átta ára skóla-
göngu úr heimalandinu og lítinn náms-
legan bakgrunn. Áfangar innan stigsins
eru mislangir og í lok hvers áfanga eru
tekin munnleg og skrifleg próf. Námsefni
er skriflegar æfingar og bóklestur. Á þessu
stigi er mikið um léttlestrarbækur sem
samdar eru sérstaklega fyrir fullorðna.
Á þriðja stig raðast síðan nemendur
sem kunna eitthvað í dönsku og hafa
þó nokkra menntun að baki. Þetta stig
Tungumálakennsla fullorðinna
af erlendum uppruna
Fimm kennarar sem fengu Leonardo styrk til kynnisferðarinnar sem hér er sagt frá og eiga
það sameiginlegt að kenna fólki sem er af erlendu bergi brotið íslensku. Frá vinstri: Ólafía,
Eygló, Laufey, Þrúður og Sigurborg.
STAÐIRNIR SEM VORU HEIMSÓTTIR:
• Fredriksbjerg undervisningscentret í Kaupmannahöfn
• Data Lingua, Komvux og Rönnes Gymnasium í Malmö
Það var álit hópsins að Danir og Svíar væru okkur fremri í
þróun tungumálakennslu og Danir hafa farið út í mikla útgáfu
á námsefni sem er auðvelt en hentar fullorðnum.