Skólavarðan - 01.12.2007, Blaðsíða 17
17
FORVARNIR
SKÓLAVARÐAN 8.TBL. 7. ÁRG. 2007
koma, tala við krakkana og dreifa
Gula borðanum.
5) Skrifa greinar á blogg og í blöð (dag-
blöð, hverfisblöð), stinga upp á því við
unglinga í skólanum að setja umfjöllun
um Gula borðann í skólablaðið, hafa
samband við fjölmiðla og benda
þeim á átakið. Fá unglinga og aðra,
sem hafa íhugað sjálfsvíg eða misst
ættingja, skólafélaga eða vin af
þessum völdum, til að mæta á fundi
og segja frá, koma í viðtöl eða skrifa
greinar. Nota tölulegar staðreyndir
og einnig upplýsingar um hvar og
hvernig er hægt að leita hjálpar.
6) Hafa samband við fyrirtæki og óska
eftir styrk til verkefnisins og við
félagasamtök á borð við Kiwanis,
Soroptimista, Geðhjálp, Lions, Rotary,
Barnaheill, Heimili og skóla, Samtökin
´78 og frímúrara um samvinnu og að-
stoð. Einnig við ráðuneyti, sveitar-
félög, hálfopinberar og opinberar
stofnanir og átaksverkefni, s.s. Þjóð
gegn þunglyndi, Alþjóðahúsið, lög-
regluna, Rauða krossinn, Hjálpar-
stofnun kirkjunnar o.s.frv. Forvörn
gegn sjálfsvígum er ekki verkefni sem
einhver á, það er ábyrgð okkar allra.
Hjálp getur verið margskonar, allt frá
ósk um góðan árangur til fjárstyrkja
og aðgangs að skrifstofuaðstöðu. Fólk
er almennt reiðubúið til að hjálpa sé
það beðið og útskýrt í hverju aðstoðin
felst.
7) Senda út fréttatilkynningar um við-
burði, til dæmis þegar spjöldum hefur
verið dreift í skóla eða umræðu- og
kynningarfundur er framundan.
8) Ganga um með Gula borðann (borða
með nælu) í barminum.
keg
Í stuttu máli:
• Hafðu Gula borðann (kortið) í vasanum eða skólatöskunni.
• Notaðu Gula borðann til að fá hjálp (framhlið kortsins) eða veita hjálp (bakhlið kortsins).
EKKI FARA - HLUSTAÐU - SÆKTU HJÁLP
Á Alþjóðlega geðheilbrigðisdeginum 10. október er gengið gegn sjálfs-
vígum, haldin minningaguðsþjónusta og kertum fleytt. Á síðasta ári
gengu um 500 manns gegn sjálfsvígum í Reykjavík og ætla má að flestir
þekki einhvern sem hefur svipt sig lífi. Þetta er ekki ásættanlegt. Hægt er
að lesa sér til um aðferðina Guli borðinn á yellowribbon.org. Ef þú sem
þetta lest hefur tök á að leggja hönd á plóginn, t.d. hanna spjöldin sem
sagt er frá, setja upp vefsíðu þar sem fólk getur nálgast þau og fleira efni
til útprentunar og upplýsingar eða taka þátt í að breiða aðferðina út á
annan hátt, hafðu þá samband við kristin@ki.is eða byrjaðu bara!
Unglingar! Líður vini ykkar ekki vel?
Þið getið gert ýmislegt til að bjarga mannslífi. Unglingar víða um heim vinna
gegn sjálfsvígum. Meðal annars með aðferðinni Guli borðinn sem hér er
lýst. Fólki sem gerir tilraun til sjálfsvígs er efst í huga að stöðva sársaukann
sem það finnur fyrir, ekki binda enda á lífið. Við getum hjálpað þeim að
losna við sársaukann. Ungt fólk í vanlíðan ber hana ekkert endilega utan
á sér. Það getur virst vera sælt og ánægt. Með Gula borðanum opnum við
vinum okkar og skólafélögum leið til að fá hjálp án þess að biðja um hana
með orðum.
Hættumerki, ekki tæmandi listi:
Persónuleikinn breytist snögglega.
Viðkomandi gefur eigur sínar.
Fyrri tilraun til sjálfsvígs.
Ofneysla áfengis og/eða eiturlyfja.
Félagsleg einangrun, viðkomandi
dregur sig í hlé og hættir að
umgangast vini og ættingja og taka
þátt í tómstundum.
Breyttar svefn- og matarvenjur.
Stöðugir verkir.
Eirðarleysi, getur ekki einbeitt sér.
Áhættuþættir, ekki tæmandi listi:
Erfiðleikar í skóla eða hefur lent upp
á kant við lögin.
Þunglyndi. Léleg sjálfsmynd.
Ástarsorg.
Barnshafandi án þess að hafa ætlað
það.
Streita í fjölskyldunni, s.s. foreldrar
eru þunglyndir eða í neyslu, einhver
nákominn hefur framið sjálfsmorð.
Ótti við yfirvald, jafningja, hóp eða
klíku.
Slæmt gengi í skóla, fall á prófum.
Missir einhvers nákomins, skilnaður
foreldra.
Kynhneigð. Ungmenni sem eru ekki
gagnkynhneigð eiga mörg hver um
sárt að binda á unglingsárum.
Ef bæði eru til staðar hættumerki og
áhættuþáttur (einn eða fleiri) aukast líkur
á sjálfsvígi eða sjálfsvígstilraun.
Ef þú hefur búið til vefsíðu um
Gula borðann eða bloggað um
hann láttu þá aðra vita svo að
þeir geti vísað á vefinn þinn.