Skólavarðan - 01.12.2007, Blaðsíða 20

20
RÁÐSTEFNA, ERLENT SAMSTARF
SKÓLAVARÐAN 8.TBL. 7. ÁRG. 2007
Undirbúningur er kominn á fullt skrið
vegna ráðstefnu reykvískra grunn-
skólakennara á öskudag sem að þessu
sinni er þann 6. febrúar. Kennara-
félag Reykjavíkur og Skólastjórafélag
Reykjavíkur standa að ráðstefnunni
auk Menntasviðs en hún er að venju
haldin á Hótel Nordica. Aðalfyrirlesarar
verða Laura Refell, sérfræðingur í
bekkjarstjórnun og hegðunarfrávikum,
og John Morris skólastjóri í Ardleigh og
munu þau einnig stjórna málstofum.
Dr. Laura A. Riffel hefur meira en þrjátíu
ára reynslu af kennslu á öllum skólastigum,
allt frá leikskóla upp í háskóla. Hún hefur
sérhæft sig í aðferðum til að styðja við
jákvæða hegðun nemenda og þjálfað
mörg þúsund kennara, foreldra, ráðgjafa,
sálfræðinga og skólastjórnendur með
það að leiðarljósi að það sé gaman að
breyta hegðun til hins betra. Hún notar
mikið kímnigáfuna og raunveruleg dæmi
í fyrirlestrum sínum og kemur þannig á
framfæri ráðum sem starfsfólk skóla getur
nýtt sér beint í starfi - og strax næsta dag.
Laura hefur kennt ýmis námskeið um
bekkjarstjórnun og atferlisgreiningu við
University of Kansas, Georgia State Uni-
versity og University of Central Oklahoma.
Hún starfar sem ráðgjafi og heldur
námskeið fyrir starfsfólk skóla og aðra
fagaðila um öll Bandaríkin um aðferðir
til að meta, fyrirbyggja og takast á við
erfiða hegðun nemenda á jákvæðan og
lausnamiðaðan hátt. Á vefsíðu hennar,
www.behaviordoctor.org, eru ýmsar
hagnýtar upplýsingar fyrir foreldra,
starfsfólk skóla og annað fagfólk.
John Morris er skólastjóri Ardleigh Green
Junior School í Essex Englandi, en það
er almennur skóli með á fjórða hundrað
nemenda á aldrinum 7 – 11 ára. John á
langan feril að baki í skólamálum, þar af
sem skólastjóri í átján ár. Auk kennaranáms
hefur John lokið námi í stjórnun og
handleiðslu kennaranema frá National
College of School Leadeship. Slóð skólans
er www.lgfl.net/lgfl/leas/havering/schools/
ardleigh-green-jnr/.
Ardleigh Green hefur tekið þátt í
mörgum fjölþjóðlegum verkefnum í
tengslum við þróunarstarf í læsi, tölvu-
kennslu, leiðtogafræðum og stjórnun.
Skólinn er sérhæfður í þjálfun kennara-
nema og annast kynningarverkefni fyrir
nýútskrifaða kennara. Kennsluaðferðir
sem einkenna skólann hafa skipað honum
í hóp allra bestu skóla í Englandi sam-
kvæmt niðurstöðum samræmdra prófa.
Árið 2000 var skólinn tilnefndur sem
fyrirmyndarskóli af menntayfirvöldum í
Bretlandi og hvattur til að deila reynslu
sinni og þekkingu með öðrum skólum í
landinu.
Skólinn hefur líka tekið þátt í nokkrum
rannsóknum á skólastarfi, má þar nefna
Raising boys´ achievement (Cambridge
University 2003), Schools making very
good progress (DfES 2006) og þróunar-
starf í tölvukennslu (BECTA 2006).
Rannsóknir Cambridge háskóla sýndu að
góður árangur nemenda í skólanum er
ekki síst því að þakka að námsmarkmið
eru afar skýr og nemendum er alltaf ljóst
hvar þeir eru staddir og hvert þeir stefna.
Meðal árangurs er að minni munur er á
námsárangri drengja og stúlkna í skólanum
en í öðrum skólum í Englandi. John hefur
lýst áherslum Ardleigh Green þannig að
áður en nemendur noti ,,verkfæri“ til
sjálfstæðrar vinnu, sé þeim kennt að fara
með þau.
Á ráðstefnunni á öskudag mun John
gera grein fyrir helstu einkennum kennslu-
aðferða Ardleigh Green Junior School,
einkum með tilliti til móðurmálskennslu.
Gert er ráð fyrir að ráðstefnugestir geti
nýtt sér efnið á hagkvæman hátt í kennslu
sinni á öllum stigum grunnskólans.
Áætlunin á að stuðla að gæðum og ný-
sköpun í menntakerfum Norðurlanda og
Eystrasaltsríkja með styrkjum til ýmiskonar
samskipta, verkefna og samstarfsneta. Öll
samvinna skal byggjast á gagnkvæmum
samningum menntastofnana og félaga
í þátttökulöndunum. Heildarfjármagn
Rammaáætlunar Nordplus fyrsta starfs-
árið 2008 er 63,7 milljónir danskra króna.

Þau lönd sem taka þátt eru Danmörk,
Eistland, Finnland, Ísland, Lettland,
Litháen, Noregur og Svíþjóð. Allar nánari
upplýsingar er að finna á vef Lands-
skrifstofu Nordplus www.hi.is/id/1006334
Fólk er þegar byrjað að bregðast við
rammaáætluninni og Ólafur Loftsson
formaður FG var beðinn um að koma á
framfæri beiðni frá sveitaskóla í Lettlandi.
Skólinn óskar eftir samstarfi við íslenska
grunnskóla:
Our school is very interested in partner-
ship with the schools from Iceland. The
main facts about our school:
Yaunsilavas primary school
(comprehensive school)
Pupils - 120
Teachers - 17
The ages of pupils - 7-10 (elementary
classes), 11-16 (primary classes)
Preschool groups (kindergarten) - ages
2-6
Rural area
The south - east of Latvia
We are interested both in mobility of pupils
and teachers and the projects. Maybe you
can help us to find new friends from your
country. Looking forward for you answer,

Anastasia Kaktiniece
Netfang: sarma_a@inbox.lv
Fjölþjóðleg kímnigáfa á öskudagsráðstefnu
Á myndinni má sjá Dr. Laura Riffel
„hegðunarlækni“ kenna hvernig
breyta megi froskum í prinsa.
Nordplus og nýsköpunarsamstarf
Norræna ráðherranefndin hefur samþykkt Rammaáætlun
Nordplus fyrir næstu fjögur árin, 2008-2011.