Skólavarðan - 01.12.2007, Blaðsíða 24
24
FORVARNIR
SKÓLAVARÐAN 8.TBL. 7. ÁRG. 2007
Heilsueflingarverkefnið Heil og sæl í
vinnunni er nú formlega hafið á Íslandi.
Verkefnið er unnið í samvinnu við önnur
Evrópulönd og ber heitið Move Europe
á ensku. Hér á landi hefur Vinnueftirlit
ríkisins umsjón með verkefninu sem unnið
er í nánu samstarfi við Lýðheilsustöð.
Markmið verkefnisins er að auka vitund
innan vinnustaða á mikilvægi þess að
efla heilsu og forvarnir. Heilsuefling á
vinnustöðum skilar ávinningi fyrir vinnu-
staði jafnt sem starfsmenn. Ávinningur
vinnustaða er meðal annars fólginn í minni
kostnaði vegna veikinda, fjarvista og slysa
ásamt því að framleiðni og nýsköpun
eykst. Einnig hefur verið sýnt fram á
að heilsuefling getur skilað sér í minni
starfsmannaveltu. Ávinningur starfsmanna
er færri slys og sjúkdómar, bætt heilsa,
aukin vellíðan og starfsánægja. Verkefninu
er ætlað að hvetja til aðgerða þegar
kemur að heilsueflingu á vinnustöðum
og auka um leið heilbrigði starfsmanna.
Lögð verður sérstök áhersla á eftirfarandi
þætti: Hreyfingu, næringu, tóbaksvarnir,
áfengis- og vímuvarnir, streitu og andlega
líðan.
Heimasíðan www.heilsuefling.is hefur
að geyma upplýsingar um verkefnið
ásamt öðrum fróðleik um heilsueflingu
og forvarnir á vinnustöðum. Til þess að
gerast þátttakandi í verkefninu þarf
fulltrúi frá vinnustaðnum að senda inn
þátttökutilkynningu sem er á heima-
síðunni. Mikilvægt er að verkefnið sé
unnið með stuðningi yfirmanna og virkri
þátttöku starfsmanna. Heilsuefling á
vinnustöðum á að vera sameiginlegt
verkefni vinnuveitanda, starfsmanna og
samfélagsins.
Framkvæmd verkefnisins er í stuttu
máli þessi: Rafrænn spurningalisti er á
www.heilsuefling.is. Með því að svara
spurningalistanum gefst vinnustöðum
kostur á að meta stöðu heilsueflingar og
forvarna á vinnustaðnum út frá almennri
stefnu og áðurnefndum áhrifaþáttum.
Eftir að hafa svarað fær vinnustaðurinn
senda endurgjöf í tölvupósti. Hún
inniheldur hagnýt ráð og mögulegar
hugmyndir um það hvernig auka megi
heilsueflingu innan vinnustaðarins. Eftir
að ráðleggingar hafa verið gefnar gefst
vinnustöðum tækifæri til að laga þá
þætti sem krefjast nánari athugunar. Þeir
vinnustaðir sem taka þátt fá líka sendan
ítarlegan bækling með ráðleggingum um
heilsueflingu á vinnustöðum.
Tímabilið frá 10. janúar 2008 til 10.
janúar 2009 mun liggja til grundvallar
mati á verkefninu. Matið fer þannig fram
að fulltrúi vinnustaðarins verður beðinn
um að svara áðurnefndum spurningalista
aftur til að meta framfarir. Einnig þarf að
skila inn lýsingu á því sem gert hefur verið
í heilsueflingarmálum á vinnustaðnum yfir
þetta tímabil. Þessi lýsing mun verða eitt
helsta matsgagn þeirra sem að verkefninu
standa. Vinnustaðir geta einnig fengið
stig fyrir að taka þátt eða standa fyrir
atburðum í tengslum við heilsueflingu og
forvarnir og því er mikilvægt að haldið
sé utan um þær upplýsingar fyrir hvern
vinnustað.
Athygli er vakin á því að ekki er
nóg að taka einungis þátt í atburðum.
Tilgangur verkefnisins er að varanlegar
breytingar eigi sér stað á menningu
vinnustaða. Lögð verður áhersla á að
vinnustaðir móti sér stefnu í heilsu-
eflingarmálum. Þátttaka í atburðum
er þó auðvitað leið til þess að hvetja
og styðja starfsmenn til heilsueflingar.
Styrkir eru veittir til Comeníusarsamstarfsverkefna til tveggja ára. Þátttakendur í
verkefnum eru a.m.k. 3 skólar frá jafnmörgum Evrópulöndum. Styrkir felast einkum í
ferðum kennara og nemenda. Umsóknarfrestur rennur út 15. febrúar 2008.
Comeníusarstyrkir eru veittir til kennara og skólastjórnenda á leik-, grunn- og
framhaldsskólastigi til að sækja evrópsk endurmenntunar-námskeið í 1-4 vikur.
Umsóknarfrestur er til 31. janúar vegna sumarnámskeiða 2008.
Nánari upplýsingar á www.lme.is
rz@hi.is, ruv@hi.is
Faghópur
leikskólasérkennara
Ný heimasíða Faghópsins
Faghópurinn hefur
opnað eigin heimasíðu á
vefslóðinni:
www.ki.is/fls
Heil og sæl í vinnunni Heilsuefling á vinnustöðum
Láttu þinn vinnustað taka vinna
og farðu til Rómar!
Frestur til þess að skrá sig er til
25. janúar 2008.
Þeir vinnustaðir sem skuldbinda sig til að
taka þátt í verkefninu og uppfylla þær
kröfur sem gerðar verða til fyrir-myndar
vinnustaða eiga möguleika á því að verða
valdir sem fulltrúar Íslands á ráðstefnu
um heilsueflingu á vinnustöðum sem
haldin verður í Róm vorið 2009.
www.heilsuvernd.is
www.enwhp.org/index.php?id=83
Til að fá nánari upplýsingar um hvatn-
ingarverkefnið „Heil og sæl í vinnunni“
er hægt að senda fyrirspurn á netföngin
thora@ver.is eða dora@lydheilsustod.is.
Langar þig í evrópskt skólasamstarf eða sækja
endurmenntunarnámskeið til Evrópu næsta sumar?